GENESIS 9:15 - Lai (Hakha) Common Language Bible 2006

¹⁵ buanchukcho nih thilnung vialte kha a hrawk ṭhan ti hna lai lo ti in nanmah le saram vialte hna sin i biakamnak ka tuahmi kha ka hngalh ṭhan lai.

GENESIS 9:15 ပူးပေါင်းရင်းမြစ်များ

GENESIS 8:21

Bawipa nih cu rim thaw cu a theih tikah, “Minung tuahmi ruangah vawlei cu zeitikhmanh ah chiat ka serh ṭhan ti lai lo; minung cu a no lio tein a ruahnak cu a ṭhalo ti kha ka hngalh. Atu i ka tuah bantuk hin zeitikhmanh ah thilnung vialte kha ka hrawk ṭhan ti hna lai lo.

GENESIS 9:10

cun nan sin i a ummi thilnung vialte — va si hna seh, saṭil si hna seh, saram si hna seh — lawng chungin a chuakmi paohpaoh sinah khan ka tuah.

GENESIS 9:11

Ka biakamnak cu hihi a si: Thilnung vialte kha buanchukcho in hrawh an si ti lai lo. Zeitikhmanh ah buanchukcho nih vawlei hi a hrawk ti lai lo, tiah bia kaa kam,” a ti.

GENESIS 9:14

Minmei cu vawlei cung i ka zaamter i minmei chung i chuncha a langh fate,

1 SIANGPAHRANG 8:23

“Maw Bawipa Israel Pathian, cunglei van ah siseh, tanglei vawlei ah siseh, nangmah bantuk Pathian zeihmanh an um lo, nang nih cun na hmai i an lungthin dihlak in a kalmi na salle hna cungah cun na biakamnak kha na zulh i a fekmi na dawtnak kha na langhter;

NEHEMIAH 9:32

“ ‘Cucaah atu cu kan Pathian, a lian a ngan i a ṭhawng i ṭih a nungmi Pathian, biakamnak a tlinter i a fekmi dawtnak a langhtertu, kan cung le kan siangpahrang hna le kan bawi hna le kan tlangbawi hna le kan profet hna le kan pupa hna le na mi dihlak cungah, Assiria siangpahrang hna chan in nihin tiang a tlungmi harnak vialte hi thil hmetuai ah rel sawh hna hlah.

SALM 106:45

A biakamnak kha a hngalh camcinpiak hna i a nganmi a dawtnak ruangah a lung kha a thlen.

EXODUS 28:12

Israel fapale hna kha philh lonak dingah, cu lungvar pahnih cu angki liang i bahnak a hnam ah khan na ṭhit chih hna lai. Cuticun Aaron nih khan an min cu a liang cungah aa chonh zungzal hna lai i Pathian nih a hngalh zungzal hna lai.

JEREMIAH 14:21

Na min a umnak kha zeirello in um hlah law A sungmi na bawiṭhutdan cung zongah nihsawhnak phakter hlah. Kan sin i na biakam cu philh hlah law pakpalawng ah ser sawh hlah.

EZEKIEL 16:60

Sihmanhsehlaw na no lio i nangmah he ka tuahmi biakamnak kha ka philh lai lo i zungzal in a hmun laimi biakamnak cu nangmah he ka ser lai.

LUKA 1:72

Kan pupa hna cu, nan cungah zaangfahnak ka ngei lai, a ti hna i a thiangmi a biakamnak kha ka philh lo,’ tiah a ti hna.

DEUTERONOMI 7:9

Cucaah Bawipa nan Pathian cu Pathian a si kha hngal tuah u; amah cu zumhawktlak Pathian, amah a daw i a nawlbia a zulmi hna sinah chan thong khat tiangin bia a kam i a fekmi dawtnak a ngei i,