GENESIS 6:7 - Lai (Hakha) Common Language Bible 2006

⁷ “Ka sermi minung vialte hna hi vawleicung in ka hloh dih hna lai. Saram vialte le va vialte he ka hloh dih hna lai, ka rak ser hna hi kaa ngaichih,” a ti.

GENESIS 6:7 ပူးပေါင်းရင်းမြစ်များ

GENESIS 6:6

minung a rak ser hna i vawlei cung i a rak umter hna kha a ngaih a chia. Aa ngaichih i,

GENESIS 7:21

vawlei cung i a ummi thilnung vialte cu an thi dih — va vialte, saṭil vialte, saram hna phun vialte, mi vialte, an thi dih.

GENESIS 7:4

Ni sarih chungah vawlei cungah hin ruah ni sawm li le zan sawm li ka surter lai i ka sermi thil nung vialte cu hrawh an si dih lai,” tiah a ti.

GENESIS 8:21

Bawipa nih cu rim thaw cu a theih tikah, “Minung tuahmi ruangah vawlei cu zeitikhmanh ah chiat ka serh ṭhan ti lai lo; minung cu a no lio tein a ruahnak cu a ṭhalo ti kha ka hngalh. Atu i ka tuah bantuk hin zeitikhmanh ah thilnung vialte kha ka hrawk ṭhan ti hna lai lo.

SALM 37:20

Sihmanhsehlaw miṭhalo cu an thi lai; Bawipa ral cu ramlak pangpar bantuk in an lo lai; meikhu bantukin an ṭian lai.

PHUNGTHLÛKBIA 10:27

Bawipa ṭihnak nih hin chan a sauter, Sihmanhsehlaw miṭhalo hna chan cu a tawi.

PHUNGTHLÛKBIA 16:4

Bawipa nih zeizong vialte hi anmah ca i tinh ciomi caah khan a ser hna, miṭhalo hna hmanh hi, harnak ni caah a ser hna.

ISAIAH 27:11

Thing nge cu an kiak i an car i nu nih mei tih awkah an khawmh hna. Mi nih khan zeihmanh an hngalh khawh lo caah, anmah a sertu Pathian nih khan a zaangfah hna lai lo i vel zong a ngeih hna lai lo.

HOSEA 4:3

Cucaah ram cu ngaihchia in a um lai i a chung i a ummi vialte cu an lotlau dih lai i Anmah sinah cun ramlak saram hna le van i a zuangmi va hna zong an lotlau ve lai; Nga hmanh kha rili chungin an lo lai.

AMOS 7:3

Cun Bawipa nih cun a bia cu a let i, “Hihi cu a tlung ṭhan kun lai lo,” tiah a ti.

AMOS 7:6

Bawipa nih cun a bia cu a let i, “Hi zong hi a tlung ṭhan kun lai lo,” tiah a ti.

ZEFANIAH 1:18

Annih khamhnak caah an ngun siseh, an sui siseh, zeihmanh an ṭhahnem lai lo. Bawipa thinhun ni ah cun Bawipa nih khan cu ram cu a ning piin a nahchuahnak mei in a khangh dih lai i cu ram chung i a ummi vialte hna cu khulrang tein an donghnak kha a phakter hna lai.

ZEFANIAH 1:2

Vawlei cung i a ummi thil vialte cu thiang tein ka phiah hna lai, tiah Bawipa nih a ti.

ZEFANIAH 1:3

Minung he saram he ka phiah hna lai, Van i a zuangmi va hna le rili chung i a ummi nga hna cu ka phiah hna lai. Miṭhalo cu ka hrawh hna lai i minung cu vawlei cungin ka hloh lai, ti hi Bawipa bia hrimhrim a si.

DEUTERONOMI 28:63

Cun Bawipa nih nan ca i ṭhatnak tuah le nanmah karhter kha a rak duh tawn bangin, nanmah cung i rawknak tlunter le nanmah hrawh ah Bawipa cu aa lawm lai i; co awkah nan va luhhnawhmi ram chungin phawi nan si lai.

DEUTERONOMI 29:20

Bawipa nih a ngaithiam lai lo, sihmanhsehlaw Bawipa thinhunnak le nahchuahnak nih cu pa cu a khut lai i hi cauk chungah aa ṭialmi chiat vialte hi a cungah an tla lai i, Bawipa nih a min cu vanrang toi in a hloh lai.

1 SAMUEL 15:11

“Saul cu siangpahrang i ka rak ser caah hin kaa ngaichih; zeicahtiah keimah zulhnak in aa mer cang i ka nawlbia kha a tuah hna lo,” tiah a ti. Cun Samuel cu a thin a hung i Bawipa kha zan khuadei in a auh.