GENESIS 50:17 - Lai (Hakha) Common Language Bible 2006

¹⁷ Josef cu va chim u law a unau hna nih a cung i an tuahmi thil ṭhalo hi ngaithiam hna seh tiah na pa nih an nawl va ti u,’ a ti. Cucaah cun na pa Pathian sal hna nih na cungah kan tuahmi ṭhat lonak cu kan ngaithiam ko,” an ti. Hi bia an chimh tikah Josef cu a ṭap.

GENESIS 50:17 ပူးပေါင်းရင်းမြစ်များ

GENESIS 31:42

Ka pa Pathian Abraham Pathian, Isak nih a biakmi Pathian nih khan rak ka umpi hlah seh law kut ro in na ka kalter ko hnga. Asinain Pathian nih cun harnak ka inmi le ka rianṭuanmi kha a hmuh i zahan ah bia a kan ceih cang,” a ti.

GENESIS 45:8

Cucaah cun hika i a rak ka kaltertu ngaingai hi nanmah nan si lo, Pathian a si. Faro caah pa bantuk ah a ka ser i a ram vialte cu keimah nih ka zohkhenh dih i Izipt ram vialte cu ka uk dih.

GENESIS 49:25

Nangmah bawmtu cu na pa i a Pathian, Nangmah thluachuah an petu Lianngan Bik Pathian kha a si. Cunglei van ruah thluachuahnak le Tanglei ti thuk thluachuahnak le Hnuk thluachuahnak le Paw thluachuahnak le

GENESIS 50:16

Cucaah Josef kha bia an hei cah i, “Na pa nih a thih hlanah hi bia hi a kan chimhtak:

GENESIS 50:18

Cun a unau pawl hrimhrim kha an ra i a hmaiah an kun i, “Na sal kan si ko hih,” an ti.

GENESIS 50:20

Ka cung i ṭhat lonak tuah awkah khua nan khan, sihmanhsehlaw cu nan khuakhannak cu Pathian nih thil ṭha ah a canter. Cu a canter cu zeicahdah a si ti ahcun cu thawngin nihin i a nungmi mi tampi hna hi, an nunnak khamh awkah a rak si.

SALM 21:11

A cung i ṭhat lonak tuah kha an i tim lai i khua an khang lai, sihmanhsehlaw an khuakhanmi le an timhnak cu an tling kho lai lo.

PHUNGTHLÛKBIA 28:13

A palhnak kha a thupmi cu khua-awng a tong lai lo, sihmanhsehlaw a phuang i a hlawmi nih cun zaangfahnak a hmuh lai.

MATTHAI 10:42

Cun hihi philh hlah u! A ka zultu hna hi a ka zultu an si ruangah anmah lak i a nauta bik hmanh kha tikik hrai khat a pemi cu, laksawng kha a hmu hrimhrim lai,” tiah a ti.

MATTHAI 18:35

“Nannih nih nan u nan nau kha nan lungchung taktak in nan ngaihthiam hna lo ahcun cu bantuk cun vancung khua i a ummi ka Pa nih nannih zong cu an tuah ve hna lai,” tiah a ti hna.

MATTHAI 25:40

Cun Siangpahrang nih cun, ‘Hihi kan chimh hna: Ka unau pakhatkhat cungah, zeitluk hmanh in sifak le nauta si seh law, nan tuahmi thil paoh hi ka cung i nan tuah a si,’ tiah a leh hna lai.

MATTHAI 6:12

Mi nih kan cungah ṭhat lonak an tuahmi kan ngaihthiam hna bangin Kan ṭhat lonak cu kan ngaithiam ve ko.

MARKA 10:41

Hi kong kha a dang zultu pahra hna nih khan an theih tikah Jeim le Johan cungah cun an thin a hung.

GALATI 6:10

Cucaah a caan kan ngeih fate, mi cungah ṭhatnak tuah kha i zuam u si law zumhnak lei i kan rualchan a simi hna cungah khan i zuam khun u sih.

GALATI 6:16

Hi phung an nunning ah a zulmi hna cu daihnak le zaangfahnak kha an cungah um ko seh — Pathian mi dihlak cungah cun um ko seh.

EFESA 4:32

Pakhat le pakhat cungah zaangfahnak lungthin le nemnak lungthin ngei u law Pathian nih Khrih thawngin an ngaihthiam hna bantukin pakhat le pakhat i ngaithiam u.

JEIM 5:16

Cucaah cun nan sualnak kha pakhat le pakhat i chim u law pakhat le pakhat thla i campiak u, cu ti nan tuah ahcun damnak nan hmuh lai. Miṭha mi thlacamnak cu hmual a ngei.