GENESIS 49:15 - Lai (Hakha) Common Language Bible 2006

¹⁵ Aa dinhnak hmun kha zeitluk in dah a ṭhat ti le, a umnak ram kha zeitluk in dah a nuamh ti kha a hmuh tikah a phorhmi thil kha phorh awkah aa hnek ṭhan i sal bantukin rian har a ṭuanmi ah a cang.

GENESIS 49:15 ပူးပေါင်းရင်းမြစ်များ

GENESIS 49:14

“Issakhar cu a ṭhawngmi laa a si, asinain a thil phorhmi tom hnih hna karlak ah khan a bawk.

GENESIS 49:16

“Dan cu a mi hna uktu a si lai, A mi hna cu Israel phun cio bantuk kha an si lai.

2 SAMUEL 7:1

Cun siangpahrang cu amah inn ah a um i Bawipa nih a velchum i ral a ummi vialte hna lakin dinhnak a pek tikah,

SALM 81:6

“Nan keng cung thilrit pipi kha kan lakpiak cang hna i nan rianṭuannak bawm kha kan chiahter cang hna.

PHUNGTHLÛKBIA 12:24

Miteima cu uktu an si lai, sihmanhsehlaw mithathu cu an thathutnak nih mi sal ah a canter hna lai.

ISAIAH 31:8

Raldohnak ah hin Assiria mi cu hrawh an si lai, sihmanhsehlaw minung ṭhawnnak in a si lai lo. Assiria mi cu raltuknak hmun in an zam lai i an tlangval hna cu sal ah an tlaih hna lai.

EZEKIEL 29:18

A ka thawh i, “Mipa, Babilon siangpahrang Nebukhadnezzar nih Tair dohnak ah a ralkap hna cu raltuknak hmun ah saupi a chiah hna i cucaah an lu zong a kolh dih i an liang zong a kok dih. Sihmanhsehlaw amah nih siseh, a ralkap hna nih si hna seh, cu ti i Tair saupi an dohnak thawng in zeihmanh a miak an hmuhmi a um lo.

MATTHAI 23:4

Thil kha ritpi in an tom i mi keng cungah an chuan, sihmanhsehlaw annih vial nih cun an kutdong par hmanh in an tawng duh lo.

JOSHUA 14:15

Hebron khua min cu a hlanah cun Kiriath-arba a rak si; hi Arba cu Anak mi hna lakah mingan bik a rak si. Cun ram cu raldohnak in aa din.

BIACEIHTU 3:11

Cucaah ram cu kum sawm li aa din. Cun Kenaz fapa Othniel cu a thi.