GENESIS 48:5 - Lai (Hakha) Common Language Bible 2006

⁵ Na fapa pahnih, hika i ka rat hlanah Izipt ram i na rak hrinmi hna zong kha keimah ta an si; Reuben le Simeon kha ka fa an si tluk tein Efraim le Manasseh zong hi ka fa an si lai.

GENESIS 48:5 ပူးပေါင်းရင်းမြစ်များ

GENESIS 46:20

Izipt ram ah On khua tlangbawi Potifera fanu Asenath nih khan Izipt ram ah Josef cu Manasseh le Efraim a hrinpiak hna.

GENESIS 48:1

Cu hnu tlawmpal ah cun Josef cu, na pa a zaw, tiah an chimh. A fapa pahnih Manasseh le Efraim kha aa kalpi hna i a pa cu an va zoh.

GENESIS 48:6

Sihmanhsehlaw anmah hnu i na hrinmi hna na fale cu nangmah ta an si lai; asinain ro kongah cun an ule min sinah khan rel chih an si lai.

SALM 77:16

Maw Pathian, ti nih an in hmuh tikah an thin a phang i rili tawne hna cu an ther.

ISAIAH 43:1

Israel, nangmah an sertu Bawipa nih hitihin a ti: “Na thinphang hlah, kan huhphenh lai. Nangmah cu na min in kan auh, keimah ta na si.

EZEKIEL 16:8

“Cun na pawngah ka ra ṭhan i va ngeih cu na si cang ti kha kan hmuh. Ka puan cu kan zawnh i na taklawng cu kan huh. Cun kan hamnak kha ka fehter i nupi ah kan ṭhit i keimah ta ah na cang, tiah Bawipa Pathian nih a ti.

EZEKIEL 47:13

Hihi Bawipa Pathian bia cu an si: Israel miphun hna nih ram cu co awkah an luh tikah hihi an ramri cu an si lai, Josef nih khan vo hnih a co lai.

LEVITIKAS 20:26

Nannih cu keimah caah mithiang nan si lai; zeitintiah keimah, Bawipa cu, ka thiang i nannih cu keimah ta nan si nakhnga, midang sinin kan thleidan hna.

MALAKHI 3:17

Ralkapbu Bawipa nih aa thawh i, “Annih cu keimah ta an si lai, ka thimmi ni a phak tik i keimah ca i ka zuah dingmi ka ta an si lai, cun mipa nih a rian a ṭuantu a fapa kha a zuah bantukin annih cu ka zuah hna lai.

NAMBAR 1:10

Josef fapa hna chungin, Efraim chungin Ammihud fapa Elishama, cun Manasseh chungin Pedahzur fapa Gamaliel;

2 KORIN 6:18

Keimah cu nan pa ka si lai i nannih cu ka fapale le ka fanule nan si lai, tiah Bawipa Lianngan Bik nih a ti,” tiah a ti.

EFESA 1:5

Pathian nih cun kannih cu Jesuh Khrih thawngin a fa i cohlan awk kha a rak timh cangmi le a duhmi a si.

HEBRU 11:21

Josef fapa kha an dihlak in Jakob nih a thih laite ah zumhnak in thluachuahnak a pek hna; a ṭhiangṭhunh kha aa hngauh i Pathian kha a biak.

JOSHUA 13:7

Cucaah atu cu hi ram hi phun kua le Manasseh phun cheu hna kha ro caah cheu tuah hna,” tiah a ti.

JOSHUA 14:4

Josef tefa hna cu phun hnih an si, Manasseh le Efraim; ram chungah Levi mi hna cu vo an pe hna lo, sihmanhsehlaw umnak khua hna le cu pawngkam i caw le saṭil dang tlonnak ram lawnglawng cu pek an si.