GENESIS 48:19 - Lai (Hakha) Common Language Bible 2006

¹⁹ A pa nih cun a duh lo i, “Ka fa, ka hngalh ko. Manasseh tefa hna zong hi mi lianngan an si ko lai. Asinain a nau pa cu amah nakin a ngan deuh lai a tefa cu miphun lianngan pipi ah an i chuah lai,” a ti.

GENESIS 48:19 ပူးပေါင်းရင်းမြစ်များ

GENESIS 17:4

“Hi biakamnak hi kan pek: nangmah cu miphun tampi a hringsortu hna na si lai.

GENESIS 25:23

Bawipa nih cun a rak thawh i, “Na chungah hin miphun pahnih an um. Aa ralmi miphun phun hnih na hrin hna lai, pakhat cu a ṭhawng deuh lai i a upa deuh nih a ngakchia deuh kha a rianh lai,” a ti.

GENESIS 25:28

Isak nih Esau cu a dawt deuh, zeicahtiah a sa kahmi sa kha a ei lengmang, sihmanhsehlaw Rebekah nih Jakob kha a dawt deuh ve.

GENESIS 28:14

Na tefa cu an tam tuk ah vawlei cung leidip zat an si lai. An ram cu nichuahlei he nitlaklei he chaklei he thlanglei he a kau chin lengmang lai i vawlei cung miphun vialte nih na tefa hna thluachuah ka pek hna bantuk hin kan pe ve tiah an ka hal lai.

GENESIS 46:3

“Keimah cu Pathian, na pa i a Pathian ka si. Izipt ram kal cu ṭih hlah; cuka ah cun na tefa hna cu miphun ngan ah ka ser hna lai.

GENESIS 48:14

Sihmanhsehlaw Israel nih khan a kut cu a rak kalhkeh hna i a orhlei kut cu ngakchia deuh a simi Efraim lu cungah khan a chiah i a kehlei kut cu upa deuh a simi Manasseh lu cungah khan a chiah.

GENESIS 48:18

A pa cu, “Ka pa, hitihin cun a si lai lo. Hi pa hi pei upa deuh a si cu, amah cungah hin ta na orhlei kut kha na chiah,” a ti.

ISAIAH 7:17

“Israel pennak le Judah pennak an i ṭhennak in atu tiangah harnak a tlungmi vialte hna nakin a har deuhmi harnak cu nangmah le na mi hna le siangpahrang innchungkhar dihlak cungah Bawipa nih a tlunter lai — cu a tlunter dingmi cu Assiria siangpahrang kha a si!

EZEKIEL 27:10

Paras mi le Lud mi le Put mi nih ralkap an in ṭuanpiak; An phaw le an luchin kha na velchum in an thlai hna i Sunparnak an petu hna cu anmah cu an si.

DEUTERONOMI 1:10

Bawipa nan Pathian nih an karhter cang hna i zohhmanh, nihin cu nan tam ning ah van arfi zat khi nan si cang.

DEUTERONOMI 33:17

A hrin hmasa bik cawtum cu lianhngannak a ngei i A ki hna cu fung ki an si; Cu ki cun mi kha, an dihlak in, vanhramdeng tiang a suk hna lai; Cu hna cu Efraim mi, sang tampi hna cu an si, Hi hna hi Manasseh mi, thong tampi hna cu an si,” tiah a ti.

BIAPHUAN 7:6

Asher phun in thong hleihnih, Naftali phun in thong hleihnih, Manasseh phun in thong hleihnih,

BIAPHUAN 7:8

Zebulun phun in thong hleihnih, Josef phun in thong hleihnih, Benjamin phun in thong hleihnih an si.