GENESIS 47:30 - Lai (Hakha) Common Language Bible 2006

³⁰ Ka pu le ka pa an vui hnanak hmun ah khan vui ka duh ve. Cucaah Izipt ram in ka chuahpi law an thlan ah khan ka vui,” tiah a ti. Josef nih cun, “Na chim bangin ka tuah lai,” tiah a leh.

GENESIS 47:30 ပူးပေါင်းရင်းမြစ်များ

GENESIS 15:15

Nang tu cu chan tling in na nung lai i dai tein na thi lai; khup kha hmuah in na nun hnuah an in vui lai.

GENESIS 23:17

Cuticun Mamre nichuahlei i a ummi Makpelah lo Efron ta a rak simi kha, Abraham thil ah a cang; a lo he a chung i a ummi lungkua he, thingkung vialte he, Abraham ta ah an cang dih.

GENESIS 23:19

Cun Abraham nih khan a nupi cu hi lungkua, Kanaan ram chung i a ummi lungkua ah cun a vui.

GENESIS 25:10

Cu lo cu Abraham nih khan Hit mi hna sin cun a cawk i Abraham le a nupi Sarah cu an pahnih tein cuka ah cun vui an si.

GENESIS 25:9

A fapa Isak le Ishmael nih khan Makpelah lungkua ah khan an vui, cu lungkua cu Mamre nichuahlei i a ummi lo, Hit mi Zohar fapa Efron ta a simi i a ummi kha a si.

GENESIS 35:29

Tar tlung nung in a mi hna cu thihnak ah khan a fonh hna i a fapa Esau le Jakob nih khan an vui.

GENESIS 50:25

Cun Josef nih cun Israel fapale kha bia a kamter hna i, “Pathian nih nannih kha ka chim bantuk cun an bawmh hna tikah ka ruh hi hi hmun hin nan sinah i kalpi hrimhrim dingin bia ka kam u,” a ti hna.

2 SAMUEL 19:37

Keimah ka khuate ah ka pa le ka nu hna thlan pawngah ka thih nakhnga, na sal hi ka kirter ko. Sihmanhsehlaw hika ah na sal Khimham a um hih; amah nih hin siangpahrang ka bawipa cu in zul seh law, nangmah nih a ṭha na timi paoh tuahpiak ko,” tiah a ti.

2 SAMUEL 2:32

Cun Asahel kha an lak i Bethlehem i a pa thlan ah khan an vui. Cun Joab le a mi hna cu zan khuadei an kal i Hebron an phak ah khua nih a dei phuat hna.

1 SIANGPAHRANG 13:22

sihmanhsehlaw na ra kir i, “Rawl ei hlah, ti ding hlah,” tiah a tinak hmun ah khan rawl na ei i ti na din caah, na pum cu na pupa hna thlan ah a phan lai lo,’ a ti,” tiah a au.

NEHEMIAH 2:3

Cun siangpahrang cu ka thawh i, “Siangpahrang cu zungzal in nung ko seh! Ka pupa hna thlan umnak khuapi cu a rawh ko i a kutka hna cu mei nih a kangh dih hna tikah hin, zeicahdah hmaichia loin ka um hnga,” tiah ka ti.

NEHEMIAH 2:5

Cun siangpahrang cu ka thawh i, “Siangpahrang duhnak a si i na hmaiah na sal nih hin mithmai ṭha ka hmuh a si ahcun, ka va remh nakhnga, Judah ram ka pupa hna thlan umnak khuapi ah cun ka kalter tuah,” tiah ka ti.

DEUTERONOMI 31:16

Cun Bawipa nih Moses sinah, “Zohhmanh, na pupa hna sinah na it dengmang cang; khi tikah hi mi hna hi an tho lai i, an va umnak dingmi hna lakah cun cu ram pathian hna sinah cun hlawh an hlang lai i, an ka hlawt lai i, anmah he ka biakamnak ka sermi kha an buar lai.