GENESIS 47:27 - Lai (Hakha) Common Language Bible 2006

²⁷ Israel mi cu Izipt ram ah khan an um i an rum i fa tampi an ngei.

GENESIS 47:27 ပူးပေါင်းရင်းမြစ်များ

GENESIS 13:16

Tefa tampi kan pek lai i an tam tuk ah ahohmanh nih an rel kho hna lai lo, leidip cu ahohmanh nih an rel khawh hna lo bantuk khi an si lai.

GENESIS 17:6

Tefa tampi kan pek lai i a cheu cu siangpahrang an si lai. Na tefa cu an tam tuk hringhran lai caah miphun phun ah an i chuah lai.

GENESIS 26:4

Van i arfi zat khin tefa kan pek lai i hi ram vialte hi annih cu ka pek hna lai. Na tefa thluachuah ka pek hna bantuk hin thluachuah kan pe ve tiah vawlei cung miphun vialte nih an ka hal lai.

GENESIS 28:14

Na tefa cu an tam tuk ah vawlei cung leidip zat an si lai. An ram cu nichuahlei he nitlaklei he chaklei he thlanglei he a kau chin lengmang lai i vawlei cung miphun vialte nih na tefa hna thluachuah ka pek hna bantuk hin kan pe ve tiah an ka hal lai.

GENESIS 34:10

Cun kan sinah kan ram chungah hin khua nan sa ve lai i nan duhnak hmun paoh ah nan um lai, nan duhduh in chaw nan let lai i nan ngeihmi thil kha nan ta a si lai,” a ti.

GENESIS 35:11

Cun Pathian nih amah cu, “Keimah cu Lianngan Bik Pathian ka si. Fa tam piin ngei hna. Tefa tampi na ngei lai i a cheu cu siangpahrang an si lai. Na tefa cu an tam tuk lai caah miphun tampi ah an cang lai.

GENESIS 46:3

“Keimah cu Pathian, na pa i a Pathian ka si. Izipt ram kal cu ṭih hlah; cuka ah cun na tefa hna cu miphun ngan ah ka ser hna lai.

GENESIS 47:11

Cun Josef nih cun a pa le a unau pawl cu Izipt ram chungah khan umnak a serpiak hna i Faro nawl peknak bangin Izipt ram chung i ram ṭha bik Rameses ram ah cun thilri a ngeihter hna.

GENESIS 8:7

langak pakhat a thlah. (Vawlei cungin ti cu a kao hlantiang a kenkip ah a zuang lengmang).

GENESIS 8:9

sihmanhsehlaw ti nih khan vawlei kha a rak khuh dih rih caah futnak hmun a hmu lo. Cucaah Noah nih khan a kut in a hei banh i lawng chungah cun a luh ṭhan.

NEHEMIAH 9:23

An tefa hna cu van i arfi zat khin na karhter hna i an pupa hna cu, “Va lut u law va co u,” tiah na rak timi hna ram chungah khan na luhpi hna.

SALM 105:24

Bawipa nih a mi hna cu fa tampi a ngeihter hna i an ral hna nakin ṭhawng deuh ah a ser hna.

SALM 107:38

A mi kha thluachuah a pek hna i fa tampi an ngei, an saṭil run kha a lohtlauter hna lo.

EXODUS 1:12

Sihmanhsehlaw Izipt mi nih Israel mi cu fak deuh in an hrem hna paoh ah tam deuh in an karh i kau deuh ah an i ṭhek. Izipt mi nih cun Israel mi cu an huat hna i an ṭih hna;

EXODUS 1:7

Asinain Israel mi nih cun fa tampi an ngeih hna i an tam tuk i an ṭhan tuk hringhran caah cu ram cu an khat dih.

ZEKHARIAH 10:8

Annih cu ka tlanh cang hna caah fifik in ka kawh hna lai i, Hlan lio i an rak tam bantuk khan an tam ṭhan lai.

LAMKALTU 7:17

“Pathian nih Abraham sinah bia-kamnak a sermi a tlin caan kha a nai tikah Izipt ram i a ummi kan mi hna cu fak piin an karh.

DEUTERONOMI 10:22

Na pupa hna nih Izipt ram ah an vung kal tikah sawm sarih an si; atu ah cun Bawipa na Pathian nih van arfi zat in nan tam leiah an ser cang hna.

DEUTERONOMI 26:5

“Cun Bawipa nan Pathian hmaiah hi bangin nan chim lai, ‘Kan pa cu a vakvaimi Aram mi a rak si. Izipt ah a vung kal i a vung pem, tlawmte lawng an si. Cun khika ah miphun pakhat, a ngan le a ṭhawng le a tammi ah a cang.