GENESIS 47:19 - Lai (Hakha) Common Language Bible 2006

¹⁹ Kan thihter hlah! Zei zeital dik kan tuahpiak ko. Kan vawlei kha kan sunghter hlah. Nangmah nih rawl man ah kan lakpiak. Faro sal kan si lai i kan vawlei cu amah ta an si lai. Rawl loin kan thih nakhnga lo le kan vawlei hi thetse ram ah an can nakhnga lo thlaici kan pe tuah,” an ti.

GENESIS 47:19 ပူးပေါင်းရင်းမြစ်များ

GENESIS 41:36

Cu rawl cu Izipt ram cung i a tlung laimi mangṭam kum sarih chungah hin khonmi ah a cang lai i cuticun Izipt ram chung mi hi mangṭam chungah hin ahohmanh an thi lai lo,” a ti.

GENESIS 47:15

Izipt ram tangka le Kanaan ram tangka vialte cu a dih tikah Izipt mi vialte cu Josef sinah khan an ra i, “Kan thihter sawh hlah, rawl cu kan pe ko; kan caah thil pakhatkhat tuah ko tuah. Kan phaisa a dih cang,” an ti.

GENESIS 47:18

A kumvoi ah an ra ṭhan i, “Bawipa, na sinin zeihmanh kan thup lai lo, kan tangka cu a dih cang i kan saṭil cu nangmah ta an si cang. Atu cu nangmah pek awkah zeihmanh a tang ti lo, kan pum le kan vawlei dah ti lo cu.

GENESIS 47:20

Josef nih Izipt ram chung vawlei vialte cu Faro caah a cawk dih; mangṭam cu a fah tuk hringhran caah a mi kip nih an lo kha an zuarh cio ko i Izipt ram cu a dihlak in Faro ta a si.

JOB 2:4

Khi tikah Satan nih Bawipa cu a leh i, “Cuar caah cuar! Mi nih cun a ngeihmi vialte cu a nunnak caah cun a sian ko lai ta.

ṬAHNAK HLA 1:11

A mi vialte hna cu an hrum an ai, Rawl kha heh tiah an hal; An thazang kha hmuh ṭhan awkah An rothil cu rawl ah an zuar hna. “Maw Bawipa, run ka zoh law, Zeitluk in dah zohchuk ka si kha run ka hmu tuah,” tiah a ṭap.

ṬAHNAK HLA 5:6

Kannih cu rawl kha an kan pek nakhnga a chel ah Izipt mi hna he remnak kan tuah, A chel ah Assiria mi hna he kan tuah.

ṬAHNAK HLA 5:9

Ni lin lakah thih le thih tiin Kan rawl kha ramlak in kan rak i phorh.

MATTHAI 16:26

Mi nih hin vawlei pumpi hi co hmanh seh law, a nunnak a sungh ṭung ahcun zeital a miak hnga maw? A miak lai lo. A nunnak kha zeihmanh in a caw ṭhan kho lai lo.