GENESIS 46:5 - Lai (Hakha) Common Language Bible 2006

⁵ Jakob cu Beer-sheba khan aa thawh. Israel fapa hna nih khan an pa Jakob le an fale a hmemi hna le an nupile hna kha Faro nih an i cit awk ca i a kuatmi rangleng chungah khan an citter hna.

GENESIS 46:5 ပူးပေါင်းရင်းမြစ်များ

GENESIS 21:14

A thaizing cu zingka tein Abraham nih Hagar cu rawl tlawmpal le saphaw tithawl ti a khat tein a ummi kha a pek i nau kha a puakter i a kalter hna. Hagar cu Beer-sheba ramlak ah khan a vai lengmang.

GENESIS 45:19

“Cun Izipt ram in an nupile an fale caah rangleng zong kha i kalpi hna seh. An pa kha an va lak i an rat nakhnga chim hna.

GENESIS 45:21

Cu bantuk cun Israel fapa hna nih khan an tuah. Faro chim bangin Josef nih khan rangleng a pek hna i lampi ca riahcaw zong a rawnh hna.

GENESIS 45:27

Sihmanhsehlaw Josef nih a chimhmi vialte hna kha an chimh i amah Izipt ram i a kalnak ding caah Josef nih rangleng a kuatmi kha a hmuh tikah a lung aa lawm ngaingai ṭhan.

EXODUS 10:24

Faro nih cun Moses kha a kawh i, “Bawipa biak ah cun va kal u, nan nu pawl le nan ngakchia hna zong kal ve hna seh, asinain nan tuu le nan meheh le nan caw bel hika ah hin nan chiahtak hna lai,” a ti.

EXODUS 10:26

Kan saṭil cu kan sinah an kal ve hrimhrim a hau; pakhat hmanh kan kaltak hna lai lo. Bawipa kan Pathian biaknak caah cun saṭil kha kan thim hna a hau lai i cuka kan va phak hlanah cun kanmah hrimhrim zong nih Bawipa biaknak caah zei hi dah kan hman hna lai ti kha kan hngal rih lai lo,” a ti.

LAMKALTU 7:15

Cun Jakob cu Izipt ram ah cun a vung kal i khika ah khan amah le kan pupa a kan hringsortu hna cu an thi.

1 SAMUEL 12:8

Jakob nih Izipt ram chungah a vung kal i Izipt mi hna nih an hrem tikah, khi tikah nan pupa hna nih Bawipa kha an auh i Bawipa nih Moses le Aaron kha a thlah hna, annih nih nan pupa hna kha Izipt ram chungin an chuahpi hna i hi hmun ah hin an umter hna.