GENESIS 46:32 - Lai (Hakha) Common Language Bible 2006

³² Annih cu tuukhal an si i saṭil kha an khal hna; an tuurun vialte le an saṭil run vialte hna le an ngeihmi thil vialte hna kha an rak i ratpi hna,’ tiah Faro kha ka va chimh a hau lai.

GENESIS 46:32 ပူးပေါင်းရင်းမြစ်များ

GENESIS 37:2

Jakob tefa hna tuanbia cu hihi a si. Kum hleisarih a simi tlangval Josef cu a unau pawl, a pa nupi Bilhah le Zilpah fapa hna he khan tuu le meheh an cawng tawn i a unau pawl nih thil ṭhalo an tuahmi kha a pa cu a chimh tawn.

GENESIS 4:2

Cun hnu deuh ah a nau Abel zong kha a hun hrin. Abel cu tuukhal a si i Kain cu lothlo a si.

GENESIS 45:10

Goshen peng ah na um lai i ka pawngah na um kho lai — nangmah he, na fale he, na tule he, na tuu hna he, na meheh hna he, na caw hna he, na ngeihmi thil vialte hna he.

GENESIS 46:31

Cun Josef nih a unau hna le a pa innchungkhar mi hna cu, “Ka unau pawl le ka pa innchungkhar mi Kanaan ram i a ummi kha ka sin an ra phan cang.

GENESIS 46:33

Cun Faro nih an auh hna i ‘Nan rianṭuanmi zeidah a si?’ tiah an hal hna tikah,

GENESIS 46:34

‘Kannih cu bawipa, kan pupa nih an rak tuah tawn bangin kan no lio tein saṭil zohkhenh kan si,’ nan ti lai. Cu ti nan ti ahcun Goshen ram ah hin nan um kho lai,” a ti hna. Hi bangin a chimh hna cu Izipt mi nih khan tuukhal paoh cu an duh hna lo caah a si.

GENESIS 47:3

Annih cu Faro nih khan, “Zei rianṭuan dah nan si?” tiah a hal hna i annih nih, “Kannih cu kan pu kan pa hna bantukin tuukhal kan si, bawipa,” tiah an leh.

GENESIS 9:20

Noah cu lothlo a si i amah cu mitsur dum a ser hmasa biktu a si.

1 SIANGPAHRANG 9:27

Cun cu sangphawlawng rual sinah cun Hiram nih a sinum, rili kong a hngal ngaimi tilawng rianṭuantu hna kha Solomon sinum hna he cun hmunkhat ah a thlah hna;

EXODUS 3:1

Moses cu a nupi pa Jethro, Midian tlangbawi a simi, tuu le meheh kha a cawng hna i saṭilrun cu thetse ram pinah khan a kalpi hna i Horeb tlang, Pathian tlang timi kha a phan.

ISAIAH 40:11

A tuurun kha tuukhal nih an tuu an zohkhenh hna bangin a zohkhenh hna lai; tuufa tete kha a pumh hna lai i a kut in a cawi hna lai; an nule kha nem tein a hruai hna lai.

ZEKHARIAH 13:5

Annih nih an i thawh lai i, “Kannih cu profet kan si lo, lothlo kan si ko, kan ngakchiat tein atu tiang kan pawcawmnak cu vawlei hin a si,” an ti lai.

1 SAMUEL 16:11

Cun Samuel nih Jesse sinah cun, “Hika ah hin na fapa an dihlak in an um maw?” tiah a ti. Cun anih nih, “A ngakchia bik a um rih, sihmanhsehlaw zohhmanh, amah cu tuu a khal,” tiah a ti. Cun Samuel nih Jesse sinah cun, “Mi hei thlah hna law, amah cu va la hna seh; zeitintiah hika a phak hlantiang kan ṭhu lai lo,” tiah a ti.

1 SAMUEL 17:15

sihmanhsehlaw David cu a pa tuu kha Bethlehem i va cawngh awkah khan Saul sin cun aa chawk aa let lengmang.