GENESIS 45:6 - Lai (Hakha) Common Language Bible 2006

⁶ Ram chung i mangṭam a tlun hi a kum hnihnak lawng a si rih, a dang kum nga a um rih lai i cu chungah cun lothlawh zong a um lai lo, rawl ṭuan zong a um lai lo.

GENESIS 45:6 ပူးပေါင်းရင်းမြစ်များ

GENESIS 37:2

Jakob tefa hna tuanbia cu hihi a si. Kum hleisarih a simi tlangval Josef cu a unau pawl, a pa nupi Bilhah le Zilpah fapa hna he khan tuu le meheh an cawng tawn i a unau pawl nih thil ṭhalo an tuahmi kha a pa cu a chimh tawn.

GENESIS 41:35

a ra laimi kum ṭha kum sarih chungah hin rawl vialte kha pum hna seh. Cun nangmah nawl pekning in ṭuan hna seh law khuapi chungah khan rawl cu khong hna seh law cawng hna seh.

GENESIS 41:46

Izipt ram siangpahrang Faro kut tang i rianṭuan hram aa thawk ah khan Josef cu kum sawm thum a si. Siangpahrang cu khualtlawnnak nawl kha a hal i Izipt ram chung khuazakip ah khan aa chawk.

GENESIS 41:53

Josef nih a rak chim bantuk te khan Izipt ram ah a tlungmi ngeih kum kum sarih kha a hung dong i

GENESIS 41:54

mangṭam kum sarih cu aa thawk. Ramdang ah cun mangṭam a tlung dih, sihmanhsehlaw Izipt ram chungah cun rawl a um.

GENESIS 41:56

Mangṭam nih ram cu a pum piin a hlanh tikah Josef nih rawl khonnak inn vialte kha a hun hna i rawl cu Izipt mi kha a zuarh hna; mangṭam kha Izipt ram chungah cun a fak ko cang.

GENESIS 47:18

A kumvoi ah an ra ṭhan i, “Bawipa, na sinin zeihmanh kan thup lai lo, kan tangka cu a dih cang i kan saṭil cu nangmah ta an si cang. Atu cu nangmah pek awkah zeihmanh a tang ti lo, kan pum le kan vawlei dah ti lo cu.

GENESIS 47:23

Josef nih mizapi cu a thawh hna i, “Nihin ah Faro caah nanmah le nan ram cu kan cawk cang hna. Hika ah hin nan caah thlaici a um. I lak u law nan lo ah tuh hna u.

EXODUS 34:21

“Ni ruk chung rian nan ṭuan lai, sihmanhsehlaw ni sarih ni ah cun nan ṭuan lai lo, leithuan caan le rawl ṭuan caan hmanh ah ni sarih ni ah cun rian nan ṭuan lai lo.

ISAIAH 30:24

Nan lei a thuangtu cawtum hna le laa hna nih khan cawhlek le fungṭe in an thianhmi ram rawl ṭha bikbik kha an ei lai.

DEUTERONOMI 21:4

Cun cu khua upa hna nih cun cawla cu, ti a um zungzalnak, leh bal lomi le thlaici cin bal lonak nelrawn ah an kalpi lai i cuka nelrawn chungah cun cawla cu a hngawng an khiah lai.

1 SAMUEL 8:12

Cun a thong pawl haotu hna le sawm nga pawl haotu hna kha aa chiah hna lai, cun a cheu cu a leithuangtu le a rawlṭuantu le a ral hriamnam sertu le a rangleng thilri sertu ah a chiah hna lai.