GENESIS 45:5 - Lai (Hakha) Common Language Bible 2006

⁵ Hi ram i nan rak ka zuar caah hin nanmah le nanmah sual i phaw hlah u, lung ṭhalo zongin um hlah u. A ngaingai ti ahcun nan hmai i a rak ka kaltertu hi Pathian a si i nan nunnak khamhnak ding caah a rak si.

GENESIS 45:5 ပူးပေါင်းရင်းမြစ်များ

GENESIS 37:28

Cun Midian chawlet pawl cu an ra phak tikah Josef cu tikhor chung khan an va chuah i Ishmael mi sinah khan ngun tangka phar kul ah an zuar i annih nih Izipt ram ah khan an kalpi.

GENESIS 47:25

Annih nih an leh i, “Kan nunnak kha na kan khamh; kan cungah, bawipa, na ṭha i Faro sal kan si ko lai,” an ti.

GENESIS 50:19

Sihmanhsehlaw Josef nih cun a thawh hna i, “Nan thinphang hlah u; Pathian hmun ah khan keimah le keimah cu kaa chia kho lai lo.

GENESIS 50:20

Ka cung i ṭhat lonak tuah awkah khua nan khan, sihmanhsehlaw cu nan khuakhannak cu Pathian nih thil ṭha ah a canter. Cu a canter cu zeicahdah a si ti ahcun cu thawngin nihin i a nungmi mi tampi hna hi, an nunnak khamh awkah a rak si.

GENESIS 50:21

Cucaah nan thinphang hlah u. Nanmah he nan fale he ṭha tein kan zohkhenh hna lai,” a ti.

2 SAMUEL 12:12

Zeitintiah nang nih cun hi thil hi a thli tein na tuah, sihmanhsehlaw kei nih cun hi thil hi Israel mi vialte hna hmai le chun khua ceu ah ka tuah lai,’ a ti,” tiah a ti.

2 SAMUEL 17:14

Cun Absalom le Israel mi vialte nih cun, “Hushai ruahnak cheuhmi cu Ahithophel ruahnak cheuhmi nakin a ṭha deuh,” tiah an ti. Zeitintiah Bawipa nih Absalom cungah ṭhat lonak a tlunter nakhnga, Bawipa nih Ahithophel cheuhmi ruahnak ṭha cu sunghter awkah a rak ruah cia cang.

ESTHER 4:14

Zeicahtiah hi bantuk caan i dai tein na um ko ahcun, Judah mi hna caah hin himnak le luatnak cu hmun dang le ka dang in a chuak ṭhiamṭhiam ko lai, sihmanhsehlaw nangmah le na pa innchungkhar hna tu hi nan thi lai. Hi bantuk caan caah hin dahkaw pennak chung i na phak hi a hei si ko hnga, aho nih dah a hngalh?” tiah a ti.

JOB 1:21

Cun aa thawh i, “Ka nu paw chungin taklawng in ka chuak i taklawng in ka kir ṭhan lai; Bawipa nih a ka pek i Bawipa nih a lak ṭhan; Bawipa min cu thangṭhat si ko seh,” tiah a ti.

LUKA 23:34

Jesuh nih aa thawh i, “Ka Pa, ngaithiam hna. An tuahmi hi zei a si ti awk an hngal lo,” tiah a ti. Camcawhfung zuh in a hnipuan kha an i phaw.

2 KORIN 2:11

cuti ka ngaihthiam cu Satan nih khan kan tei sual hlah seh ti ka duh caah a si, zeicahtiah Satan thil tining cu fiang tein kan hngalh ko.

2 KORIN 2:7

Atu cu nannih nih nan ngaihthiam awk le thazang nan pek awk a si, a ngaih a chiat tuk ahcun a lung a dong sual lai.

FILEMON 1:15

Onesimas he caan tlawmpal nan i ṭhen hi zungzal in hmunkhat i nan um ṭi nakhnga ding ca tu ah a rak si deuh ko lai.

1 SAMUEL 1:19

Zingka tein an tho i Bawipa cu an biak i Ramah khua i an inn ah khan an tlung. Cun Elkanah nih a nupi Hannah kha a hngalh i Bawipa nih amah kha a philh lo;