GENESIS 45:3 - Lai (Hakha) Common Language Bible 2006

³ Josef nih a unau pawl cu, “Josef ka si. Ka pa kha a nung rih maw?” a ti. Sihmanhsehlaw a unau pawl nih khan an ṭih tuk i zeihmanh an let kho lo.

GENESIS 45:3 ပူးပေါင်းရင်းမြစ်များ

GENESIS 37:20

Ra u law that u sih, a ruak cu tikhor chungah kan hlonh lai; sahrang nih a seh kan ti lai. Cun a mang kha zeidah an lawh kan zoh tuah lai,” an ti.

GENESIS 42:21

Pakhat le pakhat kha, “Kan nau cung i ṭhat lonak kan rak tuah kha kan rak palh taktak; ka bawm ko sawh u tiah a rak kan nawl i a harnak kan hmu ko na i a bia kan rak theih duh lo kha! Kha ruangah khan atu harnak kan phak hi a si,” tiah an i ceih.

GENESIS 42:22

Reuben nih khan, “Ngakchiapa kha harnak pe hlah u kan ti hna i nan rak ngai duh lo cu ta. Atu cu amah thih ruangah khan hi ton kan tong,” a ti hna.

GENESIS 43:27

An dam dam lo kha a hal hna i, “A kong nan ka chimhmi nan pa patar kha zeitindah a um? A nung rih maw? A dam ko maw?” a ti.

JOB 23:15

Cucaah amah ton cu ka ṭih i amah kong ka ruah tikah ka thin a phang.

JOB 4:5

Sihmanhsehlaw atu cu nangmah cungah harnak tlun caan a phan i na thin a tawi, Nangmah cu an tawngh i na lung a dong.

ZEKHARIAH 12:10

sihmanhsehlaw David ciruang hna le Jerusalem khua i a ummi hna cungah cun zaangfahnak le zawnruahnak thlarau kha ka thlet lai. Khi tikah An rak ka chunhmi keimah kha an ka zoh lai i Mi nih an fa ngeih chunte an ṭah bang le an fater an ṭah bangin an ka ṭah lai.

MARKA 6:50

an dihlak in an hmuh i an thin a phang i, mithla a si, tiah an ruah i an ai. Sihmanhsehlaw Jesuh nih cun khulrang tein a hei chawnh hna i, “Nan thin phang hlah u, keimah ka si,” tiah a ti hna.

LUKA 5:8

Simon Peter nih cucu a hmuh tikah Jesuh hmaiah cun a khuk aa bil i, “Bawipa, ka kaltak ko, kei cu misual ka si,” tiah a ti.

LAMKALTU 7:13

An vung tlawn a voi hnihnak ah Josef nih cun a unau hna sinah khan a rak i hngalhter i Faro nih cun Josef innchungkhar kong cu a hun hngalh.

LAMKALTU 9:5

“Ahodah na si, Bawipa?” tiah a leh. Aw nih cun, “Keimah cu na hremmi Jesuh ka si.

BIAPHUAN 1:7

Zohhmanh u, khuadawm sin khin a ra lio! Mi kip nih an hmuh lai, a rak chuntu hna zong nih khan an hmuh lai. Cun vawlei cung mi vialte cu a cung i an rak tuahmi kha i ngaichih in an ṭap lai. Cu ti hrimhrim cun a si lai! Amen.