GENESIS 45:22 - Lai (Hakha) Common Language Bible 2006

²² Cun voi khat thil thlennak cio zong a pek hna, Benjamin tu cu ngun tangka za thum le voi nga thil thlennak a pek.

GENESIS 45:22 ပူးပေါင်းရင်းမြစ်များ

GENESIS 43:34

Josef cabuai cung rawl cu an pek hna i Benjamin kha hawi nak let nga tam in an pek. Cuticun an ei an ding i an i nuam.

GENESIS 45:23

A pa kha Izipt ram chung thil chuakmi lak i a ṭha bikbik laa pahra phor a kuat i a pa nih lampi i a run ei awkah rawl le changreu le rawl dangdang kha laa pahra phor a kuat fawn.

2 SIANGPAHRANG 5:5

Cun Siria siangpahrang nih khan, “Va kal law, Israel siangpahrang cu ca ka kuat lai,” tiah a ti. Cucaah a kal i ngun talen pahra, sui shekel thong ruk he puai puan zun hra aa phorh.

BIAPHUAN 6:11

Annih cu puan rang pakhat cio an pek hna i, “Tlawm tein i din ko rih u. Nanmah bantukin thihnak a ing ve ding nan salhawi le nan unau hna an tling rih lo,” tiah an ti hna.

BIACEIHTU 14:12

Cun Samson nih annih cu, “Biahleng pakhat kan hal tuah hna lai; cun zei a si kha puai chung ni sarih chungah hin nan ka chimh khawh i nan hngalh khawh ahcun puan hmangṭhia zun sawm thum le puai puan zun sawm thum kan pek hna lai;

BIACEIHTU 14:19

Cun Bawipa thlarau cu ṭhawng ngaiin a cungah a tlung i Ashkelon ah a vung kal i cu khuami cu sawm thum a vung thah hna i an thuam cu a lak i biahleng a chimtu hna kha puai puan cu a pek hna. Thin lin ngaiin a pa inn ah a hung kir ṭhan.