GENESIS 44:30 - Lai (Hakha) Common Language Bible 2006

^30-31 “Cucaah cun bawipa, ka pa sinah ka va kir i ka pa nih ngakchiapa kha ka sinah a rak hmuh lo ahcun, cu cangka cun a thi ko lai. Kan pa nunnak cu hi ngakchiapa nunnak he hin aa ṭemṭawn tuk. Tlangvalpa hi kan sinah aa tel lo a hngalh ahcun a thi ko lai i na salle nih hin na salpa kan pa sampar cu ngaihchia in Sheol ah kan liamter ko lai.

GENESIS 44:30 ပူးပေါင်းရင်းမြစ်များ

GENESIS 44:17

Josef nih cun, “Si hlah, si hlah, cuticun kan ti hna hnga lo. Ka hrai an hmuhnak pa lawng kha ka sal a si ko lai. A dang cu nan pa sinah himte le dam tein nan kal ko lai,” a ti.

GENESIS 44:20

Kannih nih, ‘Bawipa, pa pakhat kan ngei i a tar cang; cun nau ngakchia kan ngei i cu pa cu a tar hnu i a hrinmi a si. Cu ngakchiapa i a u cu a thi i an nu i a hrinmi hna lakah amah lawng cu a nungmi a si; a pa nih cun a dawt ngaingai,’ tiah kan in leh.

GENESIS 44:22

Cun kannih nih, ‘Ngakchiapa nih cun a pa cu a kaltak kho lai lo, a kaltak ahcun a thi lai,’ tiah kan in chimh.

GENESIS 44:34

Zeitindah ngakchiapa tel loin ka pa sinah ka kir ngam lai? Ṭhat lonak ka pa cung i a tlun hmuh lai kha a ngamh in ka ngamh lo,” a ti.

2 SAMUEL 18:33

Cun siangpahrang cu a lung a suk i kutka cung dal ah khan a hung kal i a ṭap; cun a kal pah cun, “Maw ka fapa Absalom, ka fapa, ka fapa Absalom! Nangmah can ah khan keimah hi va thi deuh ning law mu, maw Absalom ka fapa, ka fapa,” tiah a ti.

1 SAMUEL 18:1

Saul sinah bia kha a chim dih tikah, Jonathan nunnak cu David nunnak ah aa ṭhitchih i Jonathan nih amah nunnak aa dawt tluk khan a dawt.

1 SAMUEL 25:29

Mi nih nangmah kha dawi awk le na nunnak kha kawl awkah an in thawhhnawh ahcun, ka bawipa nunnak cu Bawipa na Pathian zohkhenhnak chung i a ummi minung hna nunnak tom chungah khan tom chih a si lai; cun na ral hna nunnak tu cu lungherhchehnak ṭe karlak chung in cheh bantukin a cheh hlo hna lai.