GENESIS 44:18 - Lai (Hakha) Common Language Bible 2006

¹⁸ Judah nih Josef cu a hei fuh i, “Bawipa, na sinah luat tein biachimnak nawl ka zaangfah tuah. Bawipa, ka cungah na thin hung hlah, nangmah cu Faro bantuk hrimhrim na si ko.

GENESIS 44:18 ပူးပေါင်းရင်းမြစ်များ

GENESIS 18:30

Cun Abraham nih cun aa thawh ṭhan i, “Bawipa, ka cungah na thin hung sawh hlah. Ka chim rih ko lai. Sawm thum lawng um hna seh law tah?” a ti. Anih nih, “Sawm thum ka hmuh hna ahcun ka hrawk hna lai lo,” a ti.

GENESIS 18:32

Cun Abraham nih cun, “Bawipa, na thinhung hlah, voi khat in ka chim ko rih lai. Pahra lawng um hna seh law tah?” a ti. Cun anih nih, “Pahra an um ahcun ka hrawk lai lo,” a ti.

GENESIS 37:6

A thawh hna i, “Ka mang hi ngai hmanh u.

GENESIS 37:7

Lo pakhat ah hin kan dihlak in kan um i faphal kan tom len ko. Cu lioah cun ka faphal cu a tho i ding tein a dir. Cun nannih nan faphal hna nih khan an kulh i a hmaiah an kun,” a ti.

GENESIS 37:8

A unau pawl nih cun, “Kan cungah siangpahrang ka si lai tiin dahra naa ruah? Nangmah nih cun maw na kan uk ko hnga?” an ti i a mang kong a chimhmi hna ruangah cun an huat chinchin.

GENESIS 41:40

Ka ram zohkhenhtu ah hin nangmah cu kan chiah lai i na bia kha a mi kip nih an ngaih lai. Nangmah nakin ka ngan deuhnak cu siangpahrang ṭhutdan cung ṭhutnak kong lawngah hin a si lai,” a ti.

GENESIS 41:44

Faro nih Josef cu, “Keimah hi siangpahrang cu ka si; Izipt ram chung a dihlak ah hin ahohmanh nih nangmah nawl loin an kut hmanh an hler lai lo i an ke zong an cawi lai lo,” a ti.

GENESIS 44:17

Josef nih cun, “Si hlah, si hlah, cuticun kan ti hna hnga lo. Ka hrai an hmuhnak pa lawng kha ka sal a si ko lai. A dang cu nan pa sinah himte le dam tein nan kal ko lai,” a ti.

2 SAMUEL 14:12

Cun minu nih khan, “Siangpahrang ka bawipa sinah bia ka khatte in ka chimter rih tuah, tiah kan nawl,” tiah a ti. Cun anih nih, “Chim tuah,” tiah a ti.

ESTHER 1:12

Sihmanhsehlaw tildit pawl nih siangpahrang nawlbia an hei lanhpimi cu Siangpahrangnu Vashti nih khan a rak al i a chuak duh lo. Hi ruangah hin siangpahrang cu a thin a hung a thinhunnak cu a chungah a kangh in a kang.

JOB 33:31

“Maw Job, na hna chi tuah, ka bia kha ngai tuah; Dai tein um law ka chim lai.

SALM 79:5

Bawipa, zei can dah kan cungah na thin a hun lai? Zungzal in maw a hun ko lai? Na thinhunnak cu zungzal in maw mei bantukin a alh ko lai?

EXODUS 32:22

Aaron nih cun, “Ka cungah na thinhung hlah, bawipa; hi mi hna cu sualnak kan tuah lai an ti cang ahcun zeitluk in dah an lung a ṭhawn cu na hngalh.

PHUNGTHLÛKBIA 19:12

Siangpahrang thinhunnak cu chiandeih ngur bantuk a si, Sihmanhsehlaw a duhdawtnak cu ram cung i a tlami dap bantuk a si.

DANIEL 3:15

Nannih nih muko thawng le tingtang thawng le tummi a phunphun le hlasak thawng kha nan theih tikah, kan bawk lai i na phunmi milem cu kan biak lai, nan ti ahcun a ṭha ko lai. Sihmanhsehlaw nan biak lo ahcun, a alh hluahmahmi meiphu chungah nannih cu paih nan si colh ko lai; ka ṭhawnnak chungin an chuah khotu hna zei pathian tal a um lai, tiah nan ruat maw?” tiah a ti.

DANIEL 5:19

cu ṭhawnnak a pekmi thawng cun mi vialte le holh phun dangdang a hmangmi vialte hna nih a hmaiah a ther in an ther i amah cu an ṭih dih. Thah a duhmi kha a thah ko hna i nunh a duhmi kha a nunh ko hna, santer a duhmi kha a santer ko hna i ṭhumh a duhmi kha a ṭhumh ko hna.

JOHAN 5:22

Cun ka Pa nih hin ahohmanh hi amah lawngin bia a ceih hna lo, a Fapa tu hi biaceihnak nawl tling kha a ka pek,

LAMKALTU 2:29

“U le nau hna, kan pu David kong kha fiang tein in chim tuah hna ning. Anih cu a thi i an vui i nihin ni tiang hin a thlan zong kan sinah a um ko rih.