GENESIS 44:16 - Lai (Hakha) Common Language Bible 2006

¹⁶ Judah nih aa thawh i, “Bawipa, na sinah zeidah kan chim khawh rua hnga! Zeitindah kan i hlihphuah khawh rua hnga. Pathian nih kan sualnak kha a phuan cang, bawipa. Kan dihlak in pei dik na sal kan si ko lai, na hrai an hmuhnak pa lawng si loin,” a ti.

GENESIS 44:16 ပူးပေါင်းရင်းမြစ်များ

GENESIS 37:7

Lo pakhat ah hin kan dihlak in kan um i faphal kan tom len ko. Cu lioah cun ka faphal cu a tho i ding tein a dir. Cun nannih nan faphal hna nih khan an kulh i a hmaiah an kun,” a ti.

GENESIS 37:9

Cun Josef nih cun mang dang pakhat a manh ṭhan i, “Mang dang pakhat ka manh ṭhan i cu ka mang ah cun nika le thlapa le arfi hleikhat nih ka hmaiah an kun,” tiah a unau pawl cu a chimh hna.

GENESIS 44:17

Josef nih cun, “Si hlah, si hlah, cuticun kan ti hna hnga lo. Ka hrai an hmuhnak pa lawng kha ka sal a si ko lai. A dang cu nan pa sinah himte le dam tein nan kal ko lai,” a ti.

GENESIS 44:32

Cun bawipa, na salpa keimah nih hin hi ngakchiapa caah hin ka nunnak in ka pa sinah bia kaa kam i, na sinah ngakchiapa hi ka rak kirpi ṭhan lo ahcun, na hmaiah mawhchiatnak cu ka nun chung vialte ka in lai, ka ti.

GENESIS 44:9

Bawipa, cu thil cu aho kan sin paoh hmanh ah na hmuh a si ahcun, cu pa cu thah si u sih, cun a taangmi cu na sal si u sih,” tiah an leh.

1 SIANGPAHRANG 17:18

Cun anih nih Elijah cu a thawh i, “Maw Pathian mipa, ka cungah lung si lonak zeidah na ngeih? Ka sualnak kha hngalhter ṭhan awk le ka fapa kha thihter awkah pei na rat ko hi!” tiah a ti.

EZRA 9:10

“Maw kan Pathian, atu cu mah hnuah hin zeidah kan chim ti lai? Zeicahtiah na nawlbia,

EZRA 9:15

Maw Bawipa, Israel Pathian, nihin ah a si bang hin, kannih cu a luatmi a tangmi na kan nganh caah nangmah cu na ding ko. Na hmaiah misual si ko hmanh u sih law, kan zoh ko rih, zeicahtiah kan sualnak ruangah cun na hmaiah a dir khomi ahohmanh kan um lo,” tiah ka ti.

JOB 40:4

“Zei rel awktlak a si lomi kei nih hin nangmah cu zeitindah ka leh khawh lai? Ka kut in ka ka kaa huh ah a ṭha deuh lai.

PHUNGTHLÛKBIA 17:15

Miṭhalo thiamcoh le miding sualphawt hi, an pahnih in Bawipa mithmuh ah fihnung an si veve.

PHUNGTHLÛKBIA 28:17

Mi thisen a chuahtu cu tlaihnak luatnak caah tikhor chung hmanh ah khan a zuang lai.

ISAIAH 27:9

Pathian bia lomi biakṭheng kha thungrang bantukin rial an si hlan le tung thiang le zihmui khanghnak biakṭheng hna kha hlonh dih an si hlanah cun, Israel sualnak cu ngaihthiam a si kho lai lo.

ISAIAH 5:3

Cucaah ka hawipa nih cun aa thawh i, “Jerusalem khua chung i a ummi hna le Judah ram chung i a ummi hna, keimah le ka mitsur dum hi bia kan thlek tuah u.

DANIEL 9:7

Maw Bawipa nangmah cu na ding zungzal ko i kannih cu kan dihlak in kan tuahmi cu ningzak a si zungzal ko — Judea ram chungah a ummi le Jerusalem khua chungah a ummi si u sih, ram hla ah siseh, ram nai ah siseh, na kan ṭhekmi si u sih, nangmah sinah zumhawktlak loin khua a sami kan si ko.

NAMBAR 32:23

Sihmanhsehlaw cu bangin nan tuah lo ahcun, zohhmanh, Bawipa cungah nan sual cang; nan sualnak nih an langh hna lai kha vaa hngalh ko u.

MATTHAI 7:2

midang na soi hna ning te khan Pathian nih an soi lai i midang cung i na hmanmi tahnak te kha Pathian nih na cungah a hman ve lai.

LUKA 12:2

Khuhmi thil paoh hi hun an si dih lai i biathli paohpaoh hi hngalh an si dih lai.

LAMKALTU 2:37

Hi kong kha an theih tikah an lungthin a hriah ngaingai hna i Peter le lamkaltu dang kha an thawh hna i, “U le nau hna, zeidah kan tuah kun lai?” an ti.

DEUTERONOMI 25:1

“Mi an i sik i zung ah an chuah i biaceihtu nih an ceih hna i a sual lomi kha an luatter i a sualmi kha sual an pek ahcun,

JOSHUA 7:1

Sihmanhsehlaw pekchanhmi thil kongah cun Israel mi cu zumhawktlak loin an um ai; zeitintiah Judah phun chungmi Zerah fapa Zabdi fapa Karmi fapa Akhan nih pekchanhmi thil cu tlawmpal a lak i Bawipa thinhunnak cu Israel mi cungah a alh.

JOSHUA 7:18

cun amah nih amah innchungkhar cu a mi a mi in a naih ah a ratpi hna i Judah phun Zerah fapa Zabdi fapa Karmi fapa Akhan cu lak a si.

BIACEIHTU 1:7

Cun Adonibezek nih cun, “An siapi hna le an kepi hna tan a simi siangpahrang sawm sarih nih ka cabuai toiah rawl ṭiltlawt an char tawn; ka rak tuah bangin Pathian nih a ka rulh ve cang,” tiah a ti. Jerusalem ah an ratpi i khika ah a thi.