GENESIS 43:8 - Lai (Hakha) Common Language Bible 2006

⁸ Judah nih khan a pa Israel cu, “Ngakchiapa cu keimah sinah kalter ko, cun kan i tim lai i kan kal ko lai. Cu ti lawnglawng cun kan dihlak in, nangmah he kan fale he, kanmah he rawl loin kan thi lai lo.

GENESIS 43:8 ပူးပေါင်းရင်းမြစ်များ

GENESIS 42:2

Izipt ram ah rawl a um ti kha ka theih; cuka ah cun vung kal u law mangṭam in kan thih nakhnga lo vung kan cawkpiak u,” a ti.

GENESIS 42:38

Asinain Jakob nih, “Ka fapa nih cun an zul kho hna lo; a u a thi cang, amah lawng a tang. Lampi ah a thi sual hnga. Ka cung i nan tlunter sual ding ngaihchiatnak hi ka ing kho lai lo; ka tar tuk cang, a ka thah sual lai,” a ti.

GENESIS 44:20

Kannih nih, ‘Bawipa, pa pakhat kan ngei i a tar cang; cun nau ngakchia kan ngei i cu pa cu a tar hnu i a hrinmi a si. Cu ngakchiapa i a u cu a thi i an nu i a hrinmi hna lakah amah lawng cu a nungmi a si; a pa nih cun a dawt ngaingai,’ tiah kan in leh.

GENESIS 44:26

Kannih nih, ‘Kan kal kho lai lo, zeicahtiah kan nau hniang bik nih a kan zulh lo ahcun mipa kha kan tong kho lai lo. Kan nau hniang bik aa tel lawnglawng ah kan kal kho lai,’ kan ti.

GENESIS 45:19

“Cun Izipt ram in an nupile an fale caah rangleng zong kha i kalpi hna seh. An pa kha an va lak i an rat nakhnga chim hna.

GENESIS 50:21

Cucaah nan thinphang hlah u. Nanmah he nan fale he ṭha tein kan zohkhenh hna lai,” a ti.

GENESIS 50:8

Cun Josef a innchungkhar le a unau hna le a pa innchungkhar zong kha an kal ve. An ngakchia hna le an tuu hna le an meheh hna le an caw hna lawng kha Goshen ram ah cun an chiahtak hna.

2 SIANGPAHRANG 7:13

Cun a sinum pakhat nih a thawh i, “A tang rihmi rang hna lakah panga hi aho ho nih dik i kalpi hna seh law annih cu thlah hna u sih law zoh u sih; zeicahtiah hika i a tangmi hna zong hi Israel mi bu a ning piin a rawk cangmi bantuk kha pei an si ṭhiamṭhiam ko lai cu,” tiah a ti.

2 SIANGPAHRANG 7:4

‘Khua chungah lut u sih,’ tiah khua chungah cun mangṭam a um i khika ah kan thi ko lai; cun hika i kan ṭhut ko zongah, kan thi ṭhiamṭhiam lai. Cucaah cun ra u law, Siria mi hna riahhmun ah khan va kal u sih; kan nunnak kha an kan zuah a si le kan nung lai, cun an kan thah a si le kan va thi ko lai ta,” tiah an ti.

EZRA 8:21

Cun kan Pathian sinin kanmah ca le kan fale hna ca le kan thilri vialte ca i lam ding kawl awkah amah hmaiah cun kan lung kan i ṭhumh khawh nakhnga Ahava tiva ah cun rawl ulhnak kan thanh.

SALM 118:17

Ka thi lai lo, ka nung ko lai i Bawipa nih a tuahmi thil kha ka chim hna lai.

EXODUS 20:12

“Nan nu le nan pa kha upat hna u, cu ti nan tuah ahcun, Bawipa nan Pathian nih an pekmi hna ram ah hin saupi nan um lai.

NAMBAR 14:31

Sihmanhsehlaw nan ngakchia hna, annih cu tlaih khih awk men an si lai, nan timi hna kha ka luhpi hna lai i nannih nih zei i nan rel lomi ram kha an umhnawh lai.

DEUTERONOMI 33:6

“Reuben cu a mi an tlawm nain, nung seh law, thi hlah seh,” tiah a ti.