GENESIS 43:23 - Lai (Hakha) Common Language Bible 2006

²³ Cun inn zohtu nih cun, “Nan thin phang hlah u. Nan lungre thei hlah u. Nan Pathian, nan pa Pathian nih hi tangka cu nan sawngkhoi chungah khan an chiahpiak hna. Hmasa i nan ka cawknak phaisa cu ka hmuh ko,” a ti. Cun Simeon kha an sinah a ratpi.

GENESIS 43:23 ပူးပေါင်းရင်းမြစ်များ

GENESIS 42:24

Josef cu a kal i a ṭap. An sinah bia ka chim kho cang lai a tiin a ra kir i Simeon kha a thim i an hmaika ah cun a khih.

GENESIS 42:28

“Ka tangka an ka khirh ṭhan ai e,” tiah a unau pawl kha a ti hna i, ‘Ka sawngkhoi chungah a rak um ko,” tiah a chimh hna. An khuaruah a har. Thinphang ngaiin pakhat le pakhat cu, “Pathian nih hin kan cungah zeidah a tuah hnga?” an i ti.

GENESIS 42:36

An pa Jakob nih cun a thawh hna i, “Fa loin pei nan ka chiah lai hi. Josef a lo cang; Simeon a lo cang; atu Benjamin zong kalpi nan duh fawn. A ingtu cu keimah ṭheo ka si ko,” a ti.

GENESIS 43:14

Lianngan Bik Pathian nih nannih cu in zaangfah hna seh law mipa nih cun nan unaupa kha le Benjamin cu ka sinah rak kirter hna seh. Ka fale nih nan ka thihtak a si ahcun thih tak pei dik a si ko lai,” a ti.

GENESIS 43:22

Cun rawl dang cawknak dingah phaisa zong a dang kan i phorh fawn. Aho nih dik kan phaisa cu kan sawngkhoi chungah a rak sanh kan hngal lo,” an ti.

1 CHANRELNAK 12:18

Khi tikah sawm thum hna lak i haotu bik Amasai cungah khan Thlarau a tlung i amah nih cun hi bangin a ti: “Kannih cu nangmah ta kan si, maw David; Maw Jesse fapa, nangmah sin tel kan si; Daihnak, daihnak cu na sinah um ko seh, Daihnak cu nangmah an bawmtu hna cungah um ko seh! Zeitintiah na Pathian nih an bawmh.” Khi tikah David nih tlun inn a onh hna i a ralkap hna haotu bawi ah khan a ser hna.

1 CHANRELNAK 12:19

David cu Saul doh awkah Filistin mi hna he an rat tikah, Manasseh mi cheukhat cu a sinah khan an zam. A ngaingai ti ahcun, Filistin mi kha a bawm hna lo, zeicahtiah Filistin siangpahrang hna nih khan hmasa a bawipa Saul sinah khan a kan lei sual lai ti an phang i Ziklag ah an kirter.

EZRA 4:17

Cun siangpahrang nih cun lehnak ca a kuat hna i, “Ralbawi Rehum le caṭialtu Shimshai le an hawikom Samaria le Tiva Ral ram i a ummi hna, nan kut kan tlaih hna.

LUKA 10:5

Inn pakhatkhat ah nan luh tikah a hmasa bik ah, “Hi inn chungah daihnak um ko seh,” va ti u.

LUKA 24:36

Cucu an chimh lengmang hna lioah khan Bawipa hrimhrim cu an lakah a hung dir i, “Nan cungah daihnak um ko seh,” tiah a ti hna.

JOHAN 14:27

“Daihnak kan chiahtak hna, keimah daihnak cu kan pek hna. Vawlei nih an pek hna bantukin kan pe hna lo. Lungrethei le vansang au in um hlah u: nan thin zong phang hlah u.

JOHAN 20:19

Zarhpi ni zanlei sang tlai nawn ah khin a zultu hna cu an i pum i Judah upa kha an ṭih hna caah inn an i hrenhkhumh. Cun Jesuh kha a ra i an lakah cun a hung dir. “Nan cungah daihnak um ko seh,” tiah a ti hna.

JOHAN 20:21

Cun Jesuh nih cun, “Nan cungah daihnak um ko seh, Ka Pa nih a ka thlah bantukin kei zong nih kan thlah ve hna,” tiah a ti ṭhan hna.

JOHAN 20:26

Cu hnu zarh khat ah khin a zultu hna cu inn chungah khan an um ṭhan i Thomas zong kha a um ve. Innka cu an hrenh dih hna, sihmanhsehlaw Jesuh cu a rung lut i an lakah khan a dir, “Nan cungah daihnak um ko seh,” tiah a ti.

BIACEIHTU 19:20

Cun tarpa nih cun, “Nan cungah daihnak si ko seh; nan herhmi vialte cu keimah nih kan ruahpiak hna lai; khua lai bel ah cun riak hrimhrim hlah u,” tiah a ti.

BIACEIHTU 6:23

Sihmanhsehlaw Bawipa nih cun a chawnh i, “Na cungah daihnak um ko seh; ṭih hlah, na thi lai lo,” tiah a ti.

1 SAMUEL 25:6

Cun hi bangin amah cu, ‘Nangmah cungah daihnak um ko seh, cun na innchungkhar cungah daihnak um seh law, na ngeihmi vialte cungah daihnak um ko seh.