GENESIS 43:18 - Lai (Hakha) Common Language Bible 2006

¹⁸ A inn i an kalpi hna caah cun an thin a phang i, “Kan hnulei tan i kan phaisa kan sawngkhoi chung i an kan khirhmi ruangah khan a si ko lai. An kan zuanhnawh lai i sal ah an kan tlaih lai i kan laa hi an i lak hna lai,” tiah an ruah.

GENESIS 43:18 ပူးပေါင်းရင်းမြစ်များ

GENESIS 42:21

Pakhat le pakhat kha, “Kan nau cung i ṭhat lonak kan rak tuah kha kan rak palh taktak; ka bawm ko sawh u tiah a rak kan nawl i a harnak kan hmu ko na i a bia kan rak theih duh lo kha! Kha ruangah khan atu harnak kan phak hi a si,” tiah an i ceih.

GENESIS 42:27

Zan i an riahnak hmun ah khan ka laa rawl ka pe lai tiah pakhat nih a sawngkhoi kha a vun kau i a kaa ah a tangka kha a hmuh.

GENESIS 42:28

“Ka tangka an ka khirh ṭhan ai e,” tiah a unau pawl kha a ti hna i, ‘Ka sawngkhoi chungah a rak um ko,” tiah a chimh hna. An khuaruah a har. Thinphang ngaiin pakhat le pakhat cu, “Pathian nih hin kan cungah zeidah a tuah hnga?” an i ti.

GENESIS 42:35

An sawngkhoi kha an vun tlen cio tikah an phaisa sawngkhoi cio kha an sawngkhoi chung cio ah cun an rak um; an phaisa sawngkhoi kha an hmuh hna tikah anmah he an pa he an thin a phang.

GENESIS 43:17

A inn zohtu nih khan Josef nih a chim bantuk khan a tuah i Josef inn ah khan a kalpi hna.

GENESIS 43:19

Cucaah Josef inn zohtu cu an va fuh i innka hram ah khan an va chawnh i,

GENESIS 44:8

Kan sawngkhoi kaa i kan hmuhmi tangka kha Kanaan ram in na sin i kan rak kirpi ṭhan kha na hmuh. Zeicahdah ngun siseh sui siseh na bawipa innchung ta cu kan fir lai?

JOB 15:21

Ṭihnak thawng kha a hna chungah an au lai i Him tein ka um tiah aa ruah lioah, mifir nih an chuahhnawh lai.

JOB 30:14

A awnnakpi cun an rung lut i a ril in an rung ril lulhmalh.

SALM 53:5

Sihmanhsehlaw Pathian nih nan ral hna cu an ruh kha a ṭhek dih hna caah an thin a phang ngaingai lai; hmasa i an thin a rak phan tawnning bantuk sawhsawh kha si loin atu cu an thin a phang taktak lai. Annih cu a hlawt cang hna caah an sung cikcek lai.

SALM 73:16

Cucaah cun hihi hngalh a har tuk ko nain, hngalh awkah kaa zuam;

ISAIAH 7:2

Judah siangpahrang nih Siria ralkap hna cu Israel ram chung kha an phan cang, ti kha a theih tikah, amah le a mi hna cu an thin a phang tuk hringhran i thlitu nih thingkung a hninh bantuk khin an i hnin.

DANIEL 6:4

Khi tikah vuanzi pawl le mangki bawi hna nih khan Daniel nih ram a ukning sual kawl khawhnak ding caah lam an kawl, sihmanhsehlaw thil ṭhalo a tuahmi kha pakhat hmanh an hmu kho lo; zeicahtiah siangpahrang nih a fialmi kha fel tein a tuah.

MARKA 6:16

Cucu Herod nih a theih tikah, “Hi pa hi Tipil petu Johan kha a si ko. A lu kha ka rak tanter hna. Sihmanhsehlaw a nung ṭhan ko hi ta!” tiah a ti.

ROM 7:8

Nawlbia kha hmang riangmang in sualnak nih cun ka chungah mi thil mitthitnak a phunphun kha a chuahter. Zeicahtiah nawlbia um lo ahcun sualnak cu a thi ko.

DEUTERONOMI 22:14

‘Hi minu hi ka ṭhit i ka ihpi tikah a cungah ngaknu thiang a sinak ka hmu lo,’ tiin a mualphoh i a cungah thangchiatnak a tlunter ahcun,

DEUTERONOMI 22:17

cun zohhmanh u, a mual a phoh i, “Na fanu cungah ngaknu thiang sinak ka hmu lo,” tiah a ti. Sihmanhsehlaw mah hihi ka fanu ngaknu thiang a sinak hmelchunhnak hna cu an si ṭung,’ a ti lai. Cun puan cu khua upa hna hmaika ah cun an phah lai.

BIACEIHTU 13:22

Cun Manoah nih a nupi sinah khan. “Kan thi ṭheoṭheo lai, Pathian kha kan hmuh caah,” tiah a ti.

BIACEIHTU 14:4

A nu le a pa nih mah cucu Bawipa sinin a si kha an hngal lo; zeitintiah Filistin mi kha doh awkah caan rem a kawl. Cun caan lioah cun Filistin mi nih Israel mi kha an uk hna.