GENESIS 43:11 - Lai (Hakha) Common Language Bible 2006

¹¹ An pa Israel nih cun, “Cu ti bantukin a si awk a si ahcun, hitihin tuah u: hi ram chung thil chuak ṭha bikbik kha i phorh hna u, mitsur thei car tlawmpal, khuaihliti tlawmpal, hangṭamh, hru thei le almon thei, hi hna hi nan sawngkhoi chungah i sanh hna u law mipa cu laksawng ah vung phorh u.

GENESIS 43:11 ပူးပေါင်းရင်းမြစ်များ

GENESIS 33:10

Jakob nih, “Cuticun si hin hlah seh. Na ka zaangfah a si ahcun kan pekmi laksawng cu ka cohlanpiak ko. Hi tlukin ka cung i na ṭhat caah na hmai hmuh hi ka caah Pathian hmai hmuh tluk a si.

GENESIS 37:25

Rawl an ei lioah khin Gilead lei in a rami Ishmael mi khualtlawng bu khat kha an hmuh hna. An kalauk cu mitsur thei car le hangṭamh a phunphun kha Izipt i vung zuar awkah an phor.

GENESIS 43:10

Rak kal u si law cu, atu hi voi hnih kan i let manh cang hnga,” a ti.

GENESIS 43:14

Lianngan Bik Pathian nih nannih cu in zaangfah hna seh law mipa nih cun nan unaupa kha le Benjamin cu ka sinah rak kirter hna seh. Ka fale nih nan ka thihtak a si ahcun thih tak pei dik a si ko lai,” a ti.

GENESIS 43:15

Cucaah laksawng kha an i phorh i tangka zong kha a let hnih in an i phorh; Benjamin zong kha an i kalpi. An i tim i Izipt ah cun an vung kal i Josef hmaiah cun an vung chuak.

GENESIS 43:25

Josef chun i a rat tik caah cun an laksawng cu an rak timh hna; cuka ah rawl kan ei lai ti kha an theih.

GENESIS 43:26

Josef cu inn i a ra ṭin tikah inn chungah cun an laksawng kha an va pek i a hmaiah khan an kun.

1 SIANGPAHRANG 10:15

mah hihi chawlet hna le chawdawr hna lam in le Arabia ram siangpahrang vialte hna le, cu ram uk bawi hna sinin a lutmi lengah a si.

1 SIANGPAHRANG 10:25

Cun an dihlak khan kum khat ah cu zat cio ah tiin amah cu laksawng, ngun umkheng hna le sui umkheng hna, hnipuan le zihmui le rangtum hna le laa hna kha an rak phorh lengmang.

1 SIANGPAHRANG 15:19

“Ka pa le na pa karlak i a rak um bangkhan, keimah le nangmah karlak ah ṭanṭinak um seh: zohhmanh, laksawng ah ngun le sui kan kuat; cucaah va kal law Israel siangpahrang Baasha nih hin a ka kirtak nakhnga, amah he nan ṭanṭinak kha chat tuah,” tiah a ti.

1 SIANGPAHRANG 4:21

Solomon nih Zufrates in Filistin mi hna ram le Izipt ramri tiang ram vialte cu a uk dih hna; a nun chung vialte Solomon sinah cun ngunkhuai an thawh i a rian an ṭuan.

2 SIANGPAHRANG 16:8

Bawipa innchung le siangpahrang inn rokuang chung i a ummi sui le ngun zong kha a lak hna i Assiria siangpahrang cu laksawng ah a kuat.

2 SIANGPAHRANG 20:12

Khi caan ah Babilon siangpahrang Baladan fapa Merodak-baladan nih Hezekiah cu a zaw ti kha a rak theih caah lamkaltu hna cu ca le laksawng he a hei thlah hna.

2 SIANGPAHRANG 8:8

siangpahrang nih cun Hazael kha, “Laksawng i put law Pathian mi don awkah khan va kal tuah, cun, ‘Hi zawtnak hin, ka dam ṭhan lai maw?’ tiin Pathian rak ka halpiak tuah seh,” tiah a ti.

ESTHER 4:16

“Va kal law Susa khua chung i a ummi Judah mi vialte kha va pum hna, cun keimah caah rawl ulhnak pakhat ni thum chung rak ser u; chun ah siseh zan ah siseh zeihmanh ei in ding hlah u. Cun nannih nih nan tuah bantukin kei le ka sinum hna zong nih rawl ulhnak cu kan rak tuah ve lai. Cun phung he aa ralchanhmi a si nain siangpahrang sinah cun ka va kal lai, ka thih ah thih si ko seh,” tiah a ti hna.

SALM 68:29

Siangpahrang nih laksawng an in putnak Jerusalem khua chung i na biakinn khan langhter ko.

SALM 72:10

Spain ram siangpahrang le tikulh ram siangpahrang hna nih khan laksawng an rak put lai; Arabia ram siangpahrang le Ethiopia ram siangpahrang hna nih khan laksawng an ra ṭhenh lai.

SALM 76:11

Kan in pek lai tiah nan i kammi kha Bawipa nan Pathian cu pe u; kan pawngkam i a ummi miphun hna, Bawipa cu laksawng ra pe u. Pathian nih minung cu amah ṭih dingin a ser hna,

EXODUS 3:8

Izipt mi hna sinin chanh i a vawlei a ṭhami le a hmun a kaumi ram i annih cu kalpi awkah ka rung ṭum cang. Cu ram cu ram rum le ram ṭha a si i atu ah Kanaan mi hna le Hit mi hna le Amor mi hna le Periz mi hna le Hiv mi hna le Jebus mi hna kha cuka ah cun an um.

PHUNGTHLÛKBIA 17:18

Midang caah aamah aa khaang i biakamnak caah aa pemi cu mihrut a si.

PHUNGTHLÛKBIA 18:16

Laksawng nih laksawng petu caah khan lam a hun i mingan hna sinah khan a phakpi.

PHUNGTHLÛKBIA 19:6

Mi tampi nih mi lian he hawikom sinak kha an kawl, Laksawng a pe lengmang tu caah cun aho paoh hawikom an si ko.

PHUNGTHLÛKBIA 21:14

A thli tein pekmi laksawng nih thinhunnak kha a damter, puan tangin pekmi nawhthuh nih thinlinhnak ṭhawngpi kha a daihter.

SOLOMON HLA 4:10

Zei bangin dawh maw far can ka thainu, Mitsur hang thaw le maw na sathau rimhmui ṭha, lo ai na ka dawtnak sung cem cu.

SOLOMON HLA 4:14

Phun sang rimhmui spaik-nard le maw Saffron, kalamus, nakzik thing hna he, Frankinsen, mura, aloes rimhmui phun zakip an tling.

SOLOMON HLA 8:14

Ka dawtte aw ra lang cang tuah law, Rimhmui tlang i sazuk le maw saza nochuan bang, Ra lang ko sawh law.

JEREMIAH 8:22

Gilead ah damnak si-ai a um ti lo maw? Khika ah sibawi pakhat tal an um lo maw? Zeicahdah ka mi hna hi an dam lo?

EZEKIEL 27:15

Rods mi zong nih an in dawr, tikulh ngan hna cu na chawlehnak hram an si, na hmuh awk hnga kha vui ho le eboni thing in an in pek.

EZEKIEL 27:17

Judah le Israel zong nih an in dawr, Minnith in a chuakmi changvut le rawl le a thlummi thil le chiti le balsam thingthling kha na cawk awk caah an in pek.

EZEKIEL 27:22

Sheba le Raamah in a rami chawdawr hna zong nih an in dawr ve i zihmui ṭha bik phun le lung mansung phun zakip le sui kha na lungthuhreng chaw caah an in pek.

LEVITIKAS 20:24

Sihmanhsehlaw nannih sinah cun, ‘An ram cu nan co lai i nan co awkah kan pek hna lai, cawhnuk le khuaihliti in a luangmi ram cu,’ tiah ka ti. Keimah hi Bawipa nan Pathian, mi hna sinin an thleidangtu hna cu ka si.

LAMKALTU 21:14

Kannih nih a lung kha kan ṭhial khawh lo caah, “Pathian nawl si ko kun seh,” ti tu ah kan ti.

DEUTERONOMI 33:14

Ni chungin a chuakmi theitlai ṭha bik hna le, Thla kip nih an chuahter ciomi thil sung hna le,

1 SAMUEL 25:27

Cun na sal nih ka bawipa sinah ka rak putmi laksawng hi ka bawipa zultu tlangval hna cu pek si hna seh.

1 SAMUEL 9:7

Cun Saul nih a sinum sinah cun, “Sihmanhsehlaw, kan kal ahcun mipa cu zeidah kan put khawh lai? Kan zal chung i changreu a dih cang caah Pathian mi cu laksawng zeihmanh put awk a um ṭung lo. Zeidah kan ngeih?” tiah a ti.