GENESIS 42:28 - Lai (Hakha) Common Language Bible 2006

²⁸ “Ka tangka an ka khirh ṭhan ai e,” tiah a unau pawl kha a ti hna i, ‘Ka sawngkhoi chungah a rak um ko,” tiah a chimh hna. An khuaruah a har. Thinphang ngaiin pakhat le pakhat cu, “Pathian nih hin kan cungah zeidah a tuah hnga?” an i ti.

GENESIS 42:28 ပူးပေါင်းရင်းမြစ်များ

GENESIS 27:33

Isak cu a therh in a therh i, “Ahodah sa aa thah i a rak ka pemi kha a si kun? Na rat hlan deuhte ah khan pei ka rak ei cu. Amah cu ka thluachuah donghnak kha ka pek cang i cucaah amah ta a si zungzal ko lai,” a ti.

GENESIS 42:29

Kanaan ram i an pa Jakob sin kha an phak tikah an cung i a tlungmi thil vialte kha an chimh:

GENESIS 42:36

An pa Jakob nih cun a thawh hna i, “Fa loin pei nan ka chiah lai hi. Josef a lo cang; Simeon a lo cang; atu Benjamin zong kalpi nan duh fawn. A ingtu cu keimah ṭheo ka si ko,” a ti.

GENESIS 43:23

Cun inn zohtu nih cun, “Nan thin phang hlah u. Nan lungre thei hlah u. Nan Pathian, nan pa Pathian nih hi tangka cu nan sawngkhoi chungah khan an chiahpiak hna. Hmasa i nan ka cawknak phaisa cu ka hmuh ko,” a ti. Cun Simeon kha an sinah a ratpi.

1 SIANGPAHRANG 10:5

a cabuai i rawl le a bawi pawl an ṭhut-umning le a sinum hna nih mi an tuammuai hna ning le, an hnipuan le an hrai putu hna le Bawipa inn i a pekchanhmi a khangh thawinak hna kha a hmuh tikah, a chungah thlarau a taang ti lo.

SALM 61:2

Inn in hlapi ah ka um i khuaruahhar vansang au in ka umnak hmun hin nangmah cu kan auh.

SOLOMON HLA 5:6

Ka dawtte cu innkhar hunpiak tuan kar hlanah, A khoi ah hen hnulei hertak in, lam dang a tlai cang ai rua. Tuar kho hlah ing kan ṭian zawn ah cun, kawl len hmanh ning ka hmu kho ti lo, Au len zong nih lehrul um ti lo.

ISAIAH 45:7

Keimah nih ceunak zong ka ser i muihnak zong ka ser; thluachuahnak zong ka tlunter i vanchiatnak zong ka tlunter, Bawipa nih hi thil vialte hi ka tuah dih hna.

ṬAHNAK HLA 2:17

Bawipa nih aa timhmi cu a tuah cang, A hronak hna cu a tlinter cang; Hlan liopi in a ruah cang bantukin Zaangfahnak um loin aan hrawh i Na ral cu na cungah a lawmhter hna i Nangmah an dohtu cu a lianhnganter hna.

ṬAHNAK HLA 3:37

Bawipa nih a thlauhmi thil cu Aho nih dah tuah si seh tiah nawl a pek khawh lai?

LEVITIKAS 26:36

Nannih lak i a tangmi hna tu cu, an ral hna ram chungah an lung chungah lungdernak ka umter lai; hnahchawl aa hninmi thawng nih a zamter hna lai i vainam lak i zam bantukin an zam lai i ahohmanh i dawi lo ah an thi lai.

AMOS 3:6

Khua chungah muko cu tum a si tikah mi cu lau loin an um bal maw? Khua chungah vanchiatnak a tlun tikah cucu Bawipa tuahmi a si lo maw?

LUKA 21:26

Vawlei cung pumpi i a tlung dingmi thil an ruah ah khan mi cu ṭihnak in a ther in an ther lai; zeicahtiah vancung ṭhawnnak cu an i hnin lai.

DEUTERONOMI 28:65

Cun hi miphun hna lakah hin daihnak nan hmu lai lo, nan keza ca zongah dinh ti a um lai lo, sihmanhsehlaw khika ah Bawipa nih lung retheihnak le mit hram dernak le hnabei donghnak an pek hna lai.