GENESIS 42:13 - Lai (Hakha) Common Language Bible 2006

¹³ Annih nih, “Bawipa, kannih hi unau hleihnih chuak kan si, pa khat hrin kan si i kan pa cu Kanaan ram i a ummi a si. A ngakchia bik cu atu hi kan pa sinah a um i pakhat cu a thi cang,” an ti.

GENESIS 42:13 ပူးပေါင်းရင်းမြစ်များ

GENESIS 37:30

A unau pawl sinah khan a va kir i, “Ngakchiapa kha a um ti lo. Zeitindah ka tuah lai?” a ti.

GENESIS 42:11

Kan dihlak hin unau chuakkhat kan si. Mingiatu kan si lo, bia hmaan a chimmi kan si, bawipa,” tiah an leh.

GENESIS 42:12

Josef nih cun, “A si lai lo! Kan ram hi khuazeika zawn dah a der ti ngiat duh ah nan ra ko,” a ti hna.

GENESIS 42:14

Josef nih cun, “Ka chimning te cu nan si ko. Mingiatu nan si ko.

GENESIS 42:32

Unau hleihnih chuak kan si, pa khat hrin kan si. Pakhat nih cun a kan thihtak cang i a ngakchia bik cu kan pa sinah Kanaan ram ah a um,” kan ti.

GENESIS 42:36

An pa Jakob nih cun a thawh hna i, “Fa loin pei nan ka chiah lai hi. Josef a lo cang; Simeon a lo cang; atu Benjamin zong kalpi nan duh fawn. A ingtu cu keimah ṭheo ka si ko,” a ti.

GENESIS 42:38

Asinain Jakob nih, “Ka fapa nih cun an zul kho hna lo; a u a thi cang, amah lawng a tang. Lampi ah a thi sual hnga. Ka cung i nan tlunter sual ding ngaihchiatnak hi ka ing kho lai lo; ka tar tuk cang, a ka thah sual lai,” a ti.

GENESIS 43:29

A chuahpi a nau Benjamin kha Josef nih a hmuh tikah, “Hi pa hi nan ka chimhmi nan nau hniang bik cu a si ṭheo lai. Ka fapa, Pathian nih thluachuahnak in pe ko seh,” a ti.

GENESIS 43:7

Annih nih, “Mipa nih cun kanmah kong le kan innchungkhar kong kha a kan hal lengmang i, ‘Nan pa a nung rih maw? Nau nan ngei maw?’ ti hoi hna in a kan ti i a kan halmi cu leh lo awk a ṭha lo. Nan nau nan i ratpi lai a kan ti lai ti kha a ruah awk hrimhrim kan rak hngal lo,” tiah an leh.

GENESIS 44:20

Kannih nih, ‘Bawipa, pa pakhat kan ngei i a tar cang; cun nau ngakchia kan ngei i cu pa cu a tar hnu i a hrinmi a si. Cu ngakchiapa i a u cu a thi i an nu i a hrinmi hna lakah amah lawng cu a nungmi a si; a pa nih cun a dawt ngaingai,’ tiah kan in leh.

GENESIS 44:28

Pakhat nih cun a ka thihtak cang. Ka ruahnak ah sa nih a seh i a thleh baoh dih ṭheo lai, ka ti, kha ri khan ka hmu ti lo.

GENESIS 45:26

“Josef kha a nung ko rih. Amah cu Izipt ram vialte a uktu a si,” an ti. Jakob cu a lung a caw i a zum kho hna lo.

JEREMIAH 31:15

Bawipa nih hi bangin a ti: “Ngai hmanh, lunghno ngaiin ṭahnak thawng cu Ramah khua ah a thang, Cucu Rachel nih a fale a ṭah hnanak thawng kha a si; A fale kha an um ti lo caah hnemh kha a duh lo.”

ṬAHNAK HLA 5:7

Kan pupa hna nih an rak sual i atu ah an um ti lo, Annih sualnak thilrit kha kannih nih kan phorh.

MATTHAI 2:16

Herod nih, nichuahlei mifim hna nih an ka hlen, ti kha a hngalh tikah, a thin a hung ngaingai. Arfi a chuahnak kong nichuahlei mifim hna nih an chimning khan a caan cu a tuak i Bethlehem khua le a pawngkam i a ummi khua hna chung i ngakchiapa kum hnih ri in a tanglei paoh kha thah dih hna awkah nawlbia a pek hna.

MATTHAI 2:18

“Ramah khua chungah thawng a thang, Cu thawng cu ṭahnak le ainak thawng a si. Rachel nih a fale cu a ṭah hna, An dihlak in an thih dih caah a ṭap lengmang ko i ngamh khawh a si lo,” ti hi a si.