GENESIS 41:8 - Lai (Hakha) Common Language Bible 2006

⁸ A thaizing ah cun a khuaruah a har i cucaah cun Izipt ram chung camhthiam le mifim vialte kha a kawh dih hna. A mang cu a chimh hna, asinain ahohmanh nih a sullam an lehpiak kho lo.

GENESIS 41:8 ပူးပေါင်းရင်းမြစ်များ

GENESIS 40:6

Zinglei i Josef cu an sin i a rat tikah khan an lungre a thei ti kha a hmuh hna.

GENESIS 40:8

Annih nih, “Mang pakhat veve kan ngei i a kan lehpiaktu ahohmanh an um lo,” tiah an leh. Josef nih cun, “Mang lehnak a pe khotu cu Pathian a si. Nan mang cu ka chim tuah u,” a ti hna.

GENESIS 41:15

Faro nih khan Josef cu a thawh i, “Mang ka manh i ahohmanh nih an let kho lo. Nangmah nih hin mang cu na leh khawh tiah an ka chimh,” a ti.

GENESIS 41:24

Favui chia pasarih nih cun favui ṭha pasarih kha an dolh hna. Ka mang cu camh thiammi kha ka chimh hna, sihmanhsehlaw a ka lehpiak khotu ahohmanh an um lo,” a ti.

GENESIS 41:7

Thep selsul in a ummi favui nih khan a ngan i a khimmi favui kha an dolh hna. Faro cu a hun i ṭhang i a mang a si.

SALM 25:14

Bawipa cu a nawl a zulmi hna hawikom a si i a biakam kha a cawnpiak hna.

EXODUS 7:11

Cun Faro nih a mifim le camhthiam pawl kha a auh ve hna i annih zong nih cu bantuk cu an tuah khawh ve.

EXODUS 7:22

Cun Izipt mi camhthiam pawl nih khan cu bantuk cu an tuah ve i Faro cu hmasa bantuk ṭhiamṭhiam khan a lung a ṭhawng ko. Bawipa nih a chim bantukte khan Moses le Aaron cu an bia a ngai duh hna lo.

EXODUS 8:7

Asinain camhthiam pawl zong nih khan utlak cu ram chungah khan an chuahter ve hna.

EXODUS 9:11

Camhthiam pawl kha, annih zong cu hawi dang bantukin hma nih cun a tlunh ve hna caah Moses hmaiah khan an chuak kho lo.

ISAIAH 19:3

Izipt mi an khuakhannak kha ka tuai lai i an lung ṭhawnnak kha ka zorter lai. An siasal kha, kan bawm u, tiah an ti hna lai; khuavang kha zeitindah kan um lai tiah an hal hna lai i mithi thlarau kha ruahnak kan cheu u tiah an ti hna lai.

ISAIAH 29:14

Cucaah cun a tlung lai tiah a ruah in an ruah hrimhrim lomi thil kha pakhat hnu pakhat in an cungah ka tlunter lai i cu nih cun a hlauh in an hlauh hna lai. An mifim cu mihrut ah an cang lai i an fimnak cu an caah zeihmanh ṭhathnemnak a ngei lai lo,” a ti.

ISAIAH 8:19

Kutṭial zoh thiammi hna le thitlawn thiam hna, a awn a aumi kha, hal hna u, tiah mi nih an in ti hna lai. An in thawh hna lai i, “A donghnak in ti ahcun, mi nih hin thlarau kha pei bia an hal awk hna a si i mithi kha pei a nungmi can ah an tlawn awk hna a si cu,” an ti lai.

DANIEL 1:20

Siangpahrang nih zei bantuk bia hmanh ah siseh, zei bantuk thil har a chuakmi hmanh ah siseh, an ruahnak a hal hna fate, a ram chung dihlak i mitlehthiam hna le kutṭial zohthiam hna le camhthiam hna nakkhan a let hra in an hngal deuh ti kha a hmuh.

DANIEL 4:18

“Hihi keimah Siangpahrang Nebukhadnezzar nih ka manhmi ka mang cu a si; atu cu Belteshazzar, nangmah nih a sullam cu ka chim tuah; ka pennak chung i a ummi mifim vialte nih a sullam kha an ka chim kho lo nain, nang nih cun na chungah a thiangmi pathian hna thlarau kha a um caah na ka chimh khawh lai,” tiah a ti.

DANIEL 4:19

Daniel, Belteshazzar ti zongah ti a simi cu, tlawmpal cu ar ṭhup in a hung um i zeihmanh a chim kho lo. Sihmanhsehlaw siangpahrang nih cun aa thawh i, “Ka mang le a sullam nih cun na khuaruah in harter hlah seh,” tiah a ti. Belteshazzar nih cun a leh i, “Ka bawipa, hi mang le a sullam hi nangmah an huatu hna le na ral hna ca tu ah hei si seh law ka hei duh hnga dah!

DANIEL 4:5

ka ihnak i ka ih lioah mang pakhat ka manh i cu nih cun ka thin a ka phanter.

DANIEL 4:6

Cun mang ka manhmi le langhnak ka hmuhmi hna nih cun ka khuaruah an ka harter. Cucaah nawlbia pakhat ka chuah i Babilon mifim vialte hna kha ka mang sullam leh awkah cun ka hmaiah ka auh dih hna.

DANIEL 4:7

Mitlehthiam hna le khuachia thawl thiam hna le Khaldi mi hna le mang ih thiam hna kha an ra i an hmaiah cun ka mang cu ka chim.

DANIEL 5:11

Na ram chungah hin mipa pakhat, a chung i pathian thiang hna thlarau a ngei i na pa chan ah hngalhnak a ngei ti hngalhnak a fiangmi le pathian fimnak bantuk fimnak a ngei ti hngalhmi a um. Na pa Nebukhadnezzar siangpahrang nih khan mitleh thiam hna le khuachia ṭhawlthiam hna le Khaldi mi hna le mang ihthiam hna haotu bik ah khan a chiah.

DANIEL 7:28

Hika ah hin hi kong cu a dong. Kei Daniel tu cu ka khuaruahnak nih van a ka sanh i a dangh zongin ka daang dih; hi thil hna tu cu ka lungchung in kaa cinken hna.

DANIEL 8:27

Cun keimah Daniel cu ka tha a dih i ni tam nawn cu ka zaw i ka it. Cun ka tho i siangpahrang nih a ka fialmi rian cu ka ṭuan ṭhan. Sihmanhsehlaw phuannak ka hmuhmi nih cun ka khuaruah a ka harter i ahohmanh nih a sullam an ka chim kho fawn lo.

LEVITIKAS 19:31

“Khuavang le camhthiam kha fukpanh hna hlah u; annih nih nannih kha thurter awkah va kawl hna hlah u: keimah hi Bawipa nan Pathian cu ka si.

LEVITIKAS 20:6

“Mi pakhatkhat nih khuavang le camhthiam kha a fuhpanh hna i hlawh a hlanhnawh hna ahcun, cu mi cu ka hmai ka chiathnawh lai i a mi hna lak in ka hlonh lai.

HABAKKUK 3:16

Hi thil vialte hi ka theih tikah a therh in a ka therh, Cu thawng ka theih ah ka hmur cu a ther, Ka ruh cu ti bantuk ah an i cang i ka kal ah ka ke cu an ther; Kannih a kan dohtu hna cung i a tlung ding harnak ni ka ruah ah a ther in ka ther ko.

MATTHAI 2:1

Jesuh cu, Judea ram Bethlehem khua ah, Siangpahrang Herod bawi a si lioah khan a chuak. A chuah tlawmpal ah cun arfi zohthiammi hna kha nichuahlei in Jerusalem khua ah khan an ra i,

LAMKALTU 17:18

Epikurian cawnpiaktu saya a cheukhat le Stoik cawnpiaktu saya a cheukhat he zong an i al. A cheu nih an thawh i, “Hi mihrutpa, langh a duh ngai ṭungmi hi zeidah a chim len ko hnga?” an ti. A cheu nih, “Ramdangmi hna pathian kong chim dawh a si,” an ti. Hitihin zeicah dah an ti ti ahcun, Paul nih khan Jesuh kong le thawhṭhannak kong a chim caah khan a si.

LAMKALTU 7:22

Moses cu Izipt fimnak vialte kha an cawnter i bia ah siseh, thil tinak ah siseh, mingan ngaingai ah a hung cang.

1 KORIN 1:19

Cathiang nih, “Mifim mi hna fimnak cu ka hrawh lai i Cathiammi hna hngalhnak cu ka hnon lai,” a ti.

1 SAMUEL 6:2

Cun Filistin mi hna nih tlangbawi hna le litin thiam hna kha an auh hna i, “Bawipa kuang hi zeitindah kan tuah lai? A umnak ah zei he dah kan kuat lai, ti kha kan chim tuah u,” an ti.