GENESIS 41:56 - Lai (Hakha) Common Language Bible 2006

⁵⁶ Mangṭam nih ram cu a pum piin a hlanh tikah Josef nih rawl khonnak inn vialte kha a hun hna i rawl cu Izipt mi kha a zuarh hna; mangṭam kha Izipt ram chungah cun a fak ko cang.

GENESIS 41:56 ပူးပေါင်းရင်းမြစ်များ

GENESIS 12:10

Sihmanhsehlaw cuka ram ah cun rawl a um lo i mangṭam cu a fah ngaingai caah Abram cu Izipt ram i caan tlawmpal vung um ta awkah khan thlanglei kha a panh chin lengmang.

GENESIS 41:30

Cu hnuah cun pam kum sarih a tlung lai i pam nih khan Izipt ram cu a hrawh dih lai caah kum ṭha kum vialte kha an philh dih hna lai.

GENESIS 41:35

a ra laimi kum ṭha kum sarih chungah hin rawl vialte kha pum hna seh. Cun nangmah nawl pekning in ṭuan hna seh law khuapi chungah khan rawl cu khong hna seh law cawng hna seh.

GENESIS 41:55

Izipt ram chung mi vialte cu an rawl a hung ṭam tikah Faro sinah cun rawl cu an hal. Anih nih Izipt mi cu a thawh hna i, “Josef sinah va kal u law a chimning paoh in va tuah u,” a ti hna.

GENESIS 41:57

Cun mangṭam cu vawlei cung khuazakip ah a fah ngaingai caah vawlei cung khuazakip in Josef sin i rawl cawk awkah khan Izipt ram ah cun an ra.

GENESIS 42:6

Josef nih cun Izipt ram uktu a si bantukin rawl cu vawlei cung mi vialte kha a zuarh hna. Cucaah Josef ule zong cu an ra i a hmaiah cun an kun.

GENESIS 43:1

Kanaan ram chung mangṭam cu a zual chin,

ISAIAH 23:17

Kum sawm sarih a dih tikah Bawipa nih Tair cu a rak ṭuan tawnmi a rian hlawhhlan rian ah khan a kirter ṭhan lai i vawlei cung ram dihlak ah khan a kal ṭhan lai.

ZEKHARIAH 5:3

“Mah hihi ram pumpi a cultu chiatserhnak a si; khattelei kam i ṭialmi hin mifir vialte kha hloh dih an si lai i khattelei kam i aa ṭialmi hin lih in chiat a sermi vialte kha hloh dih an si lai.

LUKA 21:35

Zeicahtiah cu Ni cu vawlei cung i a ummi vialte hna cungah a tlung dingmi a si.

LAMKALTU 17:26

Minung pakhat chungin miphun vialte kha a ser hna i vawlei cungah hin khua a sakter hna. A hlankan in an caan le an umnak hmun kha a khiahpiak hna.