GENESIS 41:51 - Lai (Hakha) Common Language Bible 2006

⁵¹ Josef nih cun, “Pathian nih ka temhinnak vialte le ka pa innchungkhar chung mi vialte kha a ka philhter dih hna,” tiin a fapa hmasa bik cu a min ah Manasseh a sak.

GENESIS 41:51 ပူးပေါင်းရင်းမြစ်များ

GENESIS 41:30

Cu hnuah cun pam kum sarih a tlung lai i pam nih khan Izipt ram cu a hrawh dih lai caah kum ṭha kum vialte kha an philh dih hna lai.

GENESIS 41:50

Mangṭam a tlun hlanah khan Josef nih cun On khua tlangbawi Potifera fanu Asenath he khan fapa pahnih an hrin hna.

GENESIS 41:52

Cun, “Harnak ka innak ram ah Pathian nih fa a ka pek,” tiin a fapa pahnihnak cu Efraim a sak.

GENESIS 48:1

Cu hnu tlawmpal ah cun Josef cu, na pa a zaw, tiah an chimh. A fapa pahnih Manasseh le Efraim kha aa kalpi hna i a pa cu an va zoh.

GENESIS 48:5

Na fapa pahnih, hika i ka rat hlanah Izipt ram i na rak hrinmi hna zong kha keimah ta an si; Reuben le Simeon kha ka fa an si tluk tein Efraim le Manasseh zong hi ka fa an si lai.

JOB 11:16

Na harnak cu na philh lai i tilian a lanmi bantuk ceo khin na cinken lai.

SALM 30:11

Ka ngaihchiatnak cu lunglawmh lamnak ah na ka thlenpiak cang, ka mithi ngaihnak puan cu na ka lakpiak i lunglawmhnak puan kha na ka pek.

SALM 30:5

A thinhun cu caan tawite chung lawng a si; a ṭhatnak tu nih cun chantlung a nguh. Zan ah mitthli tlaknak um hmanh seh law zinglei ah cun lawmhnak a ra ṭhan ve.

SALM 45:10

Siangpahrang bawipa i a ngaknu, ka chimmi hi ngai tuah — na mi le na rualchan kha philh ta hna.

PHUNGTHLÛKBIA 31:7

Ding hna seh law an sifahnak kha i philh hna seh, an harnak kha hngal ti loin um hna seh.

ISAIAH 57:16

Ka mi cu nunnak kha ka pek hna i sual ka phaw lengmang hna lai lo, a zungzal in an cungah ka thin zong a hung lai lo.

ISAIAH 65:16

Ram chung i a ummi ahopaoh nih thluachuahnak an hal tikah Pathian cu thluachuahnak kan pe tiah an hal lai, amah cu zumhawktlak a si. Chiat a sermi paoh nih Pathian min in an ser lai, amah cu zumhawktlak a si. Hlanlio harnak kha cu an dih cang lai i philh an si cang lai,” a ti.

NAMBAR 26:28

Josef fapa hna cu an chung ning cio in: Manasseh le Efraim an si.

DEUTERONOMI 33:17

A hrin hmasa bik cawtum cu lianhngannak a ngei i A ki hna cu fung ki an si; Cu ki cun mi kha, an dihlak in, vanhramdeng tiang a suk hna lai; Cu hna cu Efraim mi, sang tampi hna cu an si, Hi hna hi Manasseh mi, thong tampi hna cu an si,” tiah a ti.

JOSHUA 14:4

Josef tefa hna cu phun hnih an si, Manasseh le Efraim; ram chungah Levi mi hna cu vo an pe hna lo, sihmanhsehlaw umnak khua hna le cu pawngkam i caw le saṭil dang tlonnak ram lawnglawng cu pek an si.

JOSHUA 17:1

Cun Manasseh phun kha vo pek an si, amah cu Josef fater kha a si. Manasseh fater Makhir, Gilead pa cu ralkap a si caah Gilead le Bashan kha pek a si.

1 SAMUEL 1:20

cun a caan a tlin tikah Hannah cu fa a pawi i fapa a hrin i, “Amah cu Bawipa sinin ka halmi a si,” tiin a min ah Samuel a sak.