GENESIS 41:42 - Lai (Hakha) Common Language Bible 2006

⁴² Faro nih cun a minkhenhnak kutdonghrolh kha aa phoih i Josef kutdong ah cun a hrolh; la hmangṭhia puan dawh ngaingai kha a aihter i a hngawng ah sui ṭhi a oih.

GENESIS 41:42 ပူးပေါင်းရင်းမြစ်များ

GENESIS 38:18

Biakamnak caah cun zeidah kan pek hnga? a ti. Tamar nih cun, “Na minkhenhnak kha a hri he, cun naa putmi na ṭhiangṭhunh kha,” a ti.

GENESIS 41:43

Siangpahrang rangleng pahnihnak ah khan a citter i a cawngtu hna kha a hmai in an kal i, “Lam kian u,” tiah an au. Cuticun Josef cu Izipt ram vialte uktu bawi ah khan ser a si.

ESTHER 10:3

Judah mi Mordekai cu Siangpahrang Ahasuerus changtu a si i a miphun hna ṭhathnemnak kha a kawl i a mi vialte hna sinah khan daihnak bia a chim caah Judah mi lakah khan mingan a si i a unau hna mi tampi lakah khan zapi duhmi a si.

ESTHER 3:10

Cucaah cun siangpahrang nih a kutdong cung i min khenhnak kutdong hrolh kha a lak i Hammedatha fapa Agag mi Haman, Judah mi hna ralpa kha a pek.

ESTHER 3:12

Cun siangpahrang ca ṭialtu hna kha thla khatnak thla, a ni hleithum ni ah an auh hna i Haman nih a nawlngeihnak vialte kha hmang in, siangpahrang kut tang bawi hna le peng vialte a uktu bawi hna le mi vialte a uktu bawi hna sinah khan, an peng chung i an hmanmi ca cio in le an miphun nih an hmanmi holh cio in nawlbia pakhat an ṭial; Siangpahrang Ahasuerus min in ṭial a si i siangpahrang kutdong hrolh in khenh chih a si.

ESTHER 8:10

An ṭialmi cu Siangpahrang Ahasuerus min in a si i siangpahrang kutdong hrolh in an khenh chih; cun ca hna cu siangpahrang rang an zuatnak hmun in a chuakmi, siangpahrang rian caah hmanmi rang lek mu kha aa citmi caphortu hna nih khan an kalpi hna.

ESTHER 8:15

Susa khuapi cu lunglawmhnak in a au len lioah khan Mordekai cu, siangpahrang puan a dum le a rang kha aa aih i sui luchin kha aa chinh i la hmangṭhia le sendung puan kha i aih in siangpahrang hmai cun a hung chuak.

ESTHER 8:2

cun siangpahrang nih cun Haman a pekmi a min khenhnak kutdonghrolh kha aa phoih i Mordekai kha a pek. Cun Esther nih Mordekai cu Haman inn zohkhenhtu ah khan a chiah.

ESTHER 8:8

Cun Judah mi kong ah cun siangpahrang min in nan duh bantukin ca nan ṭial lai i siangpahrang kutdong hrolh in nan khenhchih lai; zeicahtiah siangpahrang min in ṭial i siangpahrang kutdong hrolh in khenh chihmi nawlbia cu let khawh a si ti lo,” tiah a ti.

SALM 73:6

Cucaah cun ruamkai kha ṭhi bantukin an i oih i puarthau cu puan bantukin an i aih;

PHUNGTHLÛKBIA 1:9

Zeicahtiah na lu caah aa dawhmi pangpar ṭhi rual an si lai i Na hngawng caah pumṭek ṭhi an si lai.

PHUNGTHLÛKBIA 31:22

Puanbu aa ser hna i a thilpuan cu lahmangṭhia le maimaw in tahmi an si.

PHUNGTHLÛKBIA 31:24

La hmangṭhia puan kha a tah hna i taisawm kha a ser hna i chawlettu sinah khan a zuar tawn hna.

SOLOMON HLA 1:10

Na bel nih i dawh kaw na liang cung sam sawm-ai phiar he, Na lungvar ceu tleu le na sui ṭhi, rual nih duum hna na hngawng velchum tiang zong in.

SOLOMON HLA 4:9

Ka dawt far can mitsirthli ka ven cang zongah, Ka lung mawl in ka hlo ai dah kaw, Na mitfang le na hromhreng lungvar rual zong nih.

ISAIAH 3:23

an thlamlang hni hna le la hmangṭhia pavuah hna le an lu an i khuhnak puan hme tete hna le lukhuh thlamlang vialte hna cu a lakpiak dih hna lai.

JEREMIAH 52:33

Cucaah Jehoiachin nih a thongtla puan kha aa phoih i a chan chung vialte siangpahrang cabuai ah cun ni fate rawl a ei lengmang.

EZEKIEL 27:7

Na lawng puanzar le alan caah Izipt ram puan ṭamhmi kha an hman hna; Na lawng cung ni deu thlamhnak hna cu Elishah tikulh maimaw puan le puan senduk in an ser hna.

DANIEL 5:16

Sihmanhsehlaw nang cu mang sullam kha a chim khawh i dawi leh zong kha a thiam tiah kaan theih. Cucaah caṭial cu na rel khawh hna i a sullam na chim khawh hna ahcun maimaw puan kha aih na si lai i na hngawng ah sui ṭhi rual oih na si lai,” tiah a ti.

DANIEL 5:29

Cun Belshazzar nih nawl a pek hna i Daniel cu puan sen kha an aih i a pennak chungah bawi ngan bik pathumnak a si tiah thawngthanhnak an tuah.

DANIEL 5:7

Khuachia ṭhawlthiam hna le camhthiam hna le mang ihthiam hna kha, runpi hna u, tiah fak piin a au i Babilon mifim hna cu. “Hi ca ṭialmi hi a rel kho i a sullam a ka chim khotu paoh cu puan sen aih an si lai i a hngawng ah sui ṭhi rual oih an si lai i ka pennak chungah bawi ngan pathumnak an si lai,” tiah a ti.

LUKA 15:22

Sihmanhsehlaw a pa nih khan a sinum kha a auh hna i, ‘Khulrang in puan ṭha bik kha rak pu u law aih u. A kutdong ah kutdonghrolh hrolh u law a ke ah kedan danh u.

1 SAMUEL 18:4

Cun Jonathan nih aa aihmi puan kha aa phoih i David kha a pek, a ralthuam le a vainam le a likuk le a taisawm zong.