GENESIS 41:40 - Lai (Hakha) Common Language Bible 2006

⁴⁰ Ka ram zohkhenhtu ah hin nangmah cu kan chiah lai i na bia kha a mi kip nih an ngaih lai. Nangmah nakin ka ngan deuhnak cu siangpahrang ṭhutdan cung ṭhutnak kong lawngah hin a si lai,” a ti.

GENESIS 41:40 ပူးပေါင်းရင်းမြစ်များ

GENESIS 39:9

Hi inn chungah hin amah tlukin nawl ka ngei i a ka sianh lomi zeihmanh a um lo, a nupi nangmah dah ti lo cu. Cucaah cun cu bantuk thil ṭhalo cu zeitindah ka tuah khawh lai i Pathian cungah ka sual lai?” tiah a leh.

GENESIS 44:18

Judah nih Josef cu a hei fuh i, “Bawipa, na sinah luat tein biachimnak nawl ka zaangfah tuah. Bawipa, ka cungah na thin hung hlah, nangmah cu Faro bantuk hrimhrim na si ko.

GENESIS 45:26

“Josef kha a nung ko rih. Amah cu Izipt ram vialte a uktu a si,” an ti. Jakob cu a lung a caw i a zum kho hna lo.

ESTHER 10:3

Judah mi Mordekai cu Siangpahrang Ahasuerus changtu a si i a miphun hna ṭhathnemnak kha a kawl i a mi vialte hna sinah khan daihnak bia a chim caah Judah mi lakah khan mingan a si i a unau hna mi tampi lakah khan zapi duhmi a si.

ESTHER 3:1

Cun hi thil hna ah hin Siangpahrang Ahasuerus nih Agag mi Hamedatha fapa Haman cu a rian a kaiter i hawi hmaiah khan a chiah i amah sinah a ummi bawi vialte hna cungah khan a ṭhutter.

JOB 31:27

Ka lung cu a pingah kalpi a si i anmah upatnak in ka kut ka hler hna ahcun,

SALM 2:12

a hmaiah kun tuah u. Cu ti a si lo ahcun, a thinhunnak kha khulrang in a alhmi a si caah, a thin a hung lai i nan thi sual lai. Amah chungah aa dormi cu thluachuakmi an si.

PHUNGTHLÛKBIA 22:29

Amah a rian ah a thiammipa cu siangpahrang hna hmaiah a dirmi a si lai, mi sawhsawh hna hmai men ah a dirmi a si lai lo.

DANIEL 5:29

Cun Belshazzar nih nawl a pek hna i Daniel cu puan sen kha an aih i a pennak chungah bawi ngan bik pathumnak a si tiah thawngthanhnak an tuah.

DANIEL 6:3

An rianṭuannak ah cun Daniel nih vuanzi dang hna le mangki dang hna cu a thil ti khawhnak in a iap hna i cucaah siangpahrang nih ram vialte uktu ding i chiah awkah a lung chungin a ruah.

LAMKALTU 7:10

harnak a inmi dihlak chungin him tein a chuahter. Josef cu Izipt siangpahrang Faro hmaiah a chuah tikah khan nuncan dawh le fimnak kha a pek. Faro nih cun Josef cu ram uktu bawi le siangpahrang innchungkhar uktu bawi ah a ser.

1 SAMUEL 10:1

Cun Samuel nih chiti thawl kha aa chuah i a lu ah khan a toih i a hnamh i, “Bawipa nih a mi Israel mi hna cung i bawi si awkah chiti an thuh a si lo mei? Cun Bawipa mi cu na uk hna lai i an pawngkam i a ummi an ral hna kut chung khan na khamh hna lai. Cun Bawipa nih amah ro cung i bawi si awkah chiti an thuh cang, ti hmelchunhnak cu mah hihi a si lai.