GENESIS 41:25 - Lai (Hakha) Common Language Bible 2006

²⁵ Josef nih khan Faro cu a thawh i, “Na mang pahnih kha an sullam aa khat; Pathian nih a tuah ding kha an chimh.

GENESIS 41:25 ပူးပေါင်းရင်းမြစ်များ

GENESIS 40:8

Annih nih, “Mang pakhat veve kan ngei i a kan lehpiaktu ahohmanh an um lo,” tiah an leh. Josef nih cun, “Mang lehnak a pe khotu cu Pathian a si. Nan mang cu ka chim tuah u,” a ti hna.

GENESIS 41:16

Josef nih cun, “Keimah leh khawh bia a si lo, Pathian nih Faro cu a ṭhami lehnak a pek lai,” tiah a leh.

GENESIS 41:26

Caw thau pasarih kha kum sarih an si, favui ṭha pasarih zong kha kum sarih an si ṭhiamṭhiam; an sullam cu aa khat ko.

GENESIS 41:28

Pathian nih a tuah laimi kha an hmuhsak tiah kan ti bantukte khan a si.

GENESIS 41:32

Faro nih voi hnih tiangtiang in na manh cu, hi thil hi Pathian nih a ruah cang i a rauh hlanah a tlunter lai tinak caah a si.

SALM 98:2

Bawipa nih cun ral a tei hnanak thawng kha a thanh i a khamhnak ṭhawnnak kha miphun vialte a hngalhter hna.

EXODUS 9:14

Atu cu dantatnak vialte kha keimah hrimhrim nih nangmah cung le na bawi pawl cung le na mi hna cungah ka tlunter lai, cu ti in ka tuah lai cu vawlei cung dihlak ah hin keimah bantuk pathian dang ahohmanh an um lo ti kha na hngalh nakhnga caah a si.

ISAIAH 43:9

Biaceihnak hmun i chuah awkah miphun dang kha au hna u. An pathian aho tal nih hmailei thil kong an chimchung kho maw? Atu i a um liomi thil hi aho tal nih an rak chimchung kho maw? Hi pathian hna nih hin, kan chimmi cu a hmaan i kan bia cu biatak a si ti langhternak caah tehte rak i chuahpi hna seh.

DANIEL 2:45

Ahohmanh tawngh loin zeitindah lungpi cu lungpang cungin a rung rilh i thir le dar le tlak le ngun le sui in sermi milempi cu a den ti kha na hmuh. A liannganmi Pathian nih siangpahrang Bawipa cu hmailei ah zeidah a tlung lai ti kha an chimhnak a si. Na manhmi hrimhrim cu kan chimhmi hi a si i a sullam taktak kha kan pek cang,” tiah a ti

DANIEL 2:47

Cun aa thawh i, “Nan pathian hi pathian hna Pathian le siangpahrang hna cung i Siangpahrang a si taktak, amah cu biathli a phuangtu a si i cucaah nangmah nih hi biathli cu na phuan khawh,” tiah a ti.

AMOS 3:7

Bawipa Pathian nih aa tinhmi kha, a sal profet hna theihter hmasa loin zeihmanh a tuah bal lo.

MATTHAI 24:40

Cu caan ah cun mi pahnih lo ah rian a ṭuanmi hna lakah pakhat cu kalpi a si lai i pakhat cu nganhta a si lai.

MARKA 13:23

Ralring tein um ko u. A hlankan in zeizong vialte kan chimh dih cang hna hih,” tiah a ti.

EFESA 1:17

Kan Bawipa Jesuh Khrih i a Pathian, a liannganmi kan Pa cu, nanmah kha Thlarau pek awkah ka hal lengmang, thlarau nih cun an fimter hna lai i Pathian kha nan sinah a phuan lai i Pathian cu nan hngalh lai.

JOSHUA 11:6

Cun Bawipa nih Joshua cu a chawnh i, “Annih kha ṭih hna hlah, zeicahtiah thaizing atu tikah hin an dihlak in thah cia in Israel mi sinah ka pek hna lai; an rang cu an tha nan pheh hna lai i an rangleng cu mei in nan khangh hna lai,” tiah a ti.

BIAPHUAN 4:1

Hi dih hin langhnak a dang pakhat ka hmuh ṭhan i vancung ah khin innka pakhat aa hungmi kha ka hmuh. Cun hlan deuh ah ka rak theihmi aw, muko aw bantuk a simi kha, a hung thang i, “Hika ah hin hung kai law, hi dih hin zeidah a um lai ti kha kan hmuhsak lai,” a ti.