GENESIS 41:15 - Lai (Hakha) Common Language Bible 2006

¹⁵ Faro nih khan Josef cu a thawh i, “Mang ka manh i ahohmanh nih an let kho lo. Nangmah nih hin mang cu na leh khawh tiah an ka chimh,” a ti.

GENESIS 41:15 ပူးပေါင်းရင်းမြစ်များ

GENESIS 40:8

Annih nih, “Mang pakhat veve kan ngei i a kan lehpiaktu ahohmanh an um lo,” tiah an leh. Josef nih cun, “Mang lehnak a pe khotu cu Pathian a si. Nan mang cu ka chim tuah u,” a ti hna.

GENESIS 41:8

A thaizing ah cun a khuaruah a har i cucaah cun Izipt ram chung camhthiam le mifim vialte kha a kawh dih hna. A mang cu a chimh hna, asinain ahohmanh nih a sullam an lehpiak kho lo.

2 CHANRELNAK 26:5

Bawipa ṭihnak kha a cawnpiaktu Zekhariah chan ah khan, Pathian kawl kha aa sehchih i Bawipa a kawl chung vialte cu Pathian nih khua awng a pemhter.

SALM 25:14

Bawipa cu a nawl a zulmi hna hawikom a si i a biakam kha a cawnpiak hna.

DANIEL 2:3

“Mang pakhat ka manh i cu nih cun ka lungre a ka theih ngaingai. Cu mang a sullam cu hngalh ka duh,” tiah a ti hna.

DANIEL 4:18

“Hihi keimah Siangpahrang Nebukhadnezzar nih ka manhmi ka mang cu a si; atu cu Belteshazzar, nangmah nih a sullam cu ka chim tuah; ka pennak chung i a ummi mifim vialte nih a sullam kha an ka chim kho lo nain, nang nih cun na chungah a thiangmi pathian hna thlarau kha a um caah na ka chimh khawh lai,” tiah a ti.

DANIEL 4:9

Amah zong cu ka mang cu ka chimh i, “Mitleh thiam hna lak i a thiam bik, keimah hrimhrim nih pathian thiang hna thlarau nih an umpimi a si ti ka hngalhmi le biathli zeihmanh a hngal kho dihtu a si tiah ka hngalhmi Belteshazzar, ka mang i ka hmuhmi langhnak cu ka ngaihpiak law a sullam cu ka chim tuah,” tiah ka ti.

DANIEL 5:12

Hi Daniel, siangpahrang nih Belteshazzar tiah min a sakmi hi hawi hlei in thil ti khawhnak a ngei tiah hngalh a si i hngalhnak le fimnak le mang leh khawhnak le biahar fianter khawhnak le dawi leh khawhnak a ngei; amah cu atu ah auh si seh law a sullam a chim khawh ko lai,” tiah a ti.

DANIEL 5:14

Nangmah cu pathian thiang hna thlarau kha a ngei i fiang tein hngalh khawhnak a ngei i hawi hlei in fimnak a ngeimi na si tiah ka theih.

DANIEL 5:16

Sihmanhsehlaw nang cu mang sullam kha a chim khawh i dawi leh zong kha a thiam tiah kaan theih. Cucaah caṭial cu na rel khawh hna i a sullam na chim khawh hna ahcun maimaw puan kha aih na si lai i na hngawng ah sui ṭhi rual oih na si lai,” tiah a ti.