GENESIS 41:1 - Lai (Hakha) Common Language Bible 2006

¹ Kum hnih a liam hnuah khin Faro nih mang pakhat a manh i a mang ah cun Nail Tiva kamah khan a dir.

GENESIS 41:1 ပူးပေါင်းရင်းမြစ်များ

GENESIS 20:3

Cu zan ah cun a mang ah Pathian cu a sinah a lang i, “Sarah hi va ngeimi a si caah nan thi lai,” tiah a ti.

GENESIS 28:12

Mang a manh i a mang ah cun hlei pakhat a hmuh i cu hlei cu vawlei in van tiang a phan i cu hlei ah cun Pathian vancungmi kha an kai i an ṭum lengmang.

GENESIS 29:14

Laban nih cun a thawh i, “Asi, nangmah cu ka thi le ka sa taktak na si,” tiah a ti. Cuka ah cun Jakob cu thla khat pumte a um.

GENESIS 31:21

A ngeihmi thil vialte kha aa lak i a zaam. A chuak i Zufrates tiva kha a tan i Gilead Tlanglei kha a fuh.

GENESIS 40:23

Asinain zu bawi nih khan Josef kha cu a ruat ti lo, a philh diam ko.

GENESIS 40:5

Zan khat cu Izipt siangpahrang din awk lei khuakhangtu bawi le changreu sertu nih cun thong chungah cun mang an manh veve i sullam an ngei veve.

GENESIS 41:2

Cu lioah cun tiva chung khan caw thau pasarih an hung chuak i hluang lakah khan an tlong.

ESTHER 6:1

Cu zan cu siangpahrang cu aa hngilh kho lo; cun hngalh camcin awk a tlakmi thil ṭialnak cauk, chanrelnak hna kha rak pu u, tiah nawl a pek hna i siangpahrang hmaiah cun an rel.

EXODUS 1:22

Cu tikah Faro nih a mi vialte kha nawl a pek hna i, “Hebru mi nih fa an hrinmi pa paohpaoh cu tiva ah nan hlonh dih hna lai, nu lawnglawng kha nan nunh hna lai,” tiah a ti hna.

EXODUS 4:9

Cun hi hmelchunhnak pahnih hna thawng zongin an zumh khawh hlei lo i na chimmi kha an ngaih duh ṭhiamṭhiam lo ahcun, tiva chung ti kha tlawmpal in na lak lai i vawlei ah khan na thlet lai. Cu ti cu thisen ah a cang lai,” a ti.

ISAIAH 19:5

Nail tiva ti cu a puan lai i tiva cu a car te lai.

EZEKIEL 29:3

Hihi Bawipa Pathian bia an si tiah chim: Izipt siangpahrang Faro, Nail tiva chung i aa bualmi tisartlam, Nangmah cu kan doh. Naa thawh i, ‘Ka Nail tiva cu keimah ta a si, a sertu kha keimah ka si,’ na ti.

EZEKIEL 29:9

Nangmah nih naa thawh i, ‘Nail tiva cu keimah ta a si, a sertu cu keimah ka si,’ na ti caah, Izipt ram cu ram pakpalawng ah a cang lai i annih nih Bawipa ka si kha an hngalh lai.

MATTHAI 27:19

Pilat cu biaceihnak khaan chung i a ṭhut lioah khan a nupi nih bia a hun cah i, “Kha mipa, sualnak zeihmanh a tuah lomi kha zei ti hmanh in rak ti hlah; zeicahtiah zahan ah ka mang in kha pa ruangah khan sifahnak tampi ka in,” tiah a ti.

DEUTERONOMI 11:10

Zeitintiah nannih nih co awkah nan va luhhnawh laimi ram cu nan hung chuahnak Izipt ram, a chung i thlaici nan tuh tik i anhring dum bangin nan ke in ti nan toihmi ram bantuk kha a si lo;