GENESIS 40:15 - Lai (Hakha) Common Language Bible 2006

¹⁵ A ngaingai ti ah cun kei cu Hebru ram hin hramhram in an rak ka tlaih i hika zongah hin thong tlaknak ding tlak zeihmanh ka tuahmi a um lo,” a ti.

GENESIS 40:15 ပူးပေါင်းရင်းမြစ်များ

GENESIS 14:13

Sihmanhsehlaw a luat sualmi pakhat nih Hebru mi Abram cu cu kong cu a chimh. Abram cu Mamre thingzarh pawng i khua a sami a si, Mamre cu Eshkol le Aner hna u kha a si i hi hna hi Abram he ṭangṭi an si.

GENESIS 39:20

Josef cu a tlaihter hna i siangpahrang thongtla pawl an chiah hnanak hmun ah khan an chiah i cuka ah cun a um.

GENESIS 40:16

Changreu sertu upa bik nih zu bawi mang sullam kha a ṭha lei a si ti a hmuh tikah Josef cu a thawh i, “Kei zong mang ka ngei ve; ka mang ah cun ka lu ah changreu bawm pathum kaa khinh i

GENESIS 41:12

Kan sinah cun Hebru tlangval note pakhat, inn cawngtu hna haotu bawi a simi sal kha a um ve i kan mang cu kan chimh. Amah nih cun kan mang cu a kan lehpiak i an sullam cu a kan chimh veve.

SALM 105:18

A ke ah hreng an khenh i a hngawng ah hngawngkual an bunh.

SALM 109:2

Miṭhalo le milihchim pawl nih an ka tlakphuat i lih in ka thang an ka chiat.

EXODUS 21:16

“Ahohmanh mi a firmi cu, a zuar ah siseh, amah kut chung i hmuh a si ah siseh, thah a si lai.

DANIEL 6:22

Ka Pathian nih chiandeih hna cu an kaa phih awkah a vancungmi kha a run thlah hna i cucaah ka cungah zeihmanh ṭhat lonak an tuah lo, zeicahtiah amah nih a ka hmuh ning ah kei cu a sual lomi ka si i cuhleiah maw siangpahrang, nangmah cungah ṭhat lonak zeihmanh ka tuah lo,” tiah a ti.

JOHAN 10:32

Annih kha Jesuh nih cun a thawh hna i, “Ka Pa nih a ka fialmi thil ṭha tampi nan hmaiah ka tuah hna; hi thil hna lakah hin a zei ruangte ah hin dah lung in cheh nan ka duhnak cu a si?” tiah a ti hna.

JOHAN 15:25

Cucu a si awk a si ko, zeicahtiah cuticun pei an Phung chung i, ‘Zei ruang lo ah an ka huat,’ tiah aa ṭialmi kha a tlin khawh ding a si cu.

DEUTERONOMI 24:7

“Ahohmanh nih Israel mi chungin a unau pakhatkhat kha a fir i sal bantukin a tuah i a zuar i hngalh a si ahcun, mifirtu cu thah a si lai; cu bangin ṭhat lonak cu nan lakin nan thianh lai.

1TIMOTE 1:10

nu le pa sualnak a tuahmi hna le nu le pa kong ah ningcanglo in khua a sami hna le minung fir a hmangmi hna le lihchim a hmangmi hna le tehte dinglo a simi hna le cawnpiaknak ahmaanmi he aa tlak lomi thil a tuahmi hna ca tu ah khan tuah a si.

1 SAMUEL 24:11

Zohhmanh, ka pa, ka kut chung i na puanki par hi zohhmanh; na puanki par ka hlep nain nangmah kan thah lonak ah hin, ka kut chungah ṭhat lonak siseh, rawinak siseh, a um lo ti kha na hngalh lai i na hmuh ko lai. Nangmah nih ka nunnak kha lak awkah na kawl lengmang nain, na cungah ka sual lo.