GENESIS 4:17 - Lai (Hakha) Common Language Bible 2006

¹⁷ Kain nih a nupi cu a hngalh i fa a pawi i fapa pakhat a hrin i a min ah Enok a sak. Cun Kain nih cun khua pakhat a ser i cu khua cu a min ah a fapa min chuankhan in Enok a sak.

GENESIS 4:17 ပူးပေါင်းရင်းမြစ်များ

GENESIS 11:4

Cun annih nih an i thawh i, “Atu cu khuapi pakhat kan ser lai i a chungah innsang pakhat, a par van tawng in kan sak lai. Kan thang kan i chuah lai i vawlei cungah hin kan i ṭhek lai lo,” an ti.

GENESIS 4:16

Kain nih cun Bawipa cu a kaltak i Eden nichuahlei i a ummi ram “Vahvaihnak ram” timi ah cun a va um.

GENESIS 4:18

Enok nih fapa pakhat a ngeih i a min cu Irad a si; Irad cu Mehujael pa a si, Mehujael cu Methusael pa a si i Methusael cu Lamek pa a si.

GENESIS 5:18

Jared cu kum za sawm ruk le kum hnih a si ah fapa pakhat Enok a ngei i

GENESIS 5:22

Cu hnuah Enok cu Pathian he i kom in kum za thum a nung i fa dang kha a hrin hna;

2 SAMUEL 18:18

Cun Absalom nih khan a nun lioah Siangpahrang Nelrawn ah khan lungphun pakhat a rak i ser i, “Ka min hngalh camcin a si nakhnga caah fapa ka ngei lo,” a ti i cucaah cu lungphun cu amah min a rak i sak i nihin ni tiang hin mah cucu Absalom Lungphun, tiah ti a si.

SALM 49:11

Thlan cu zungzal in an umnak ding hmun a si ko lai i cuka ah cun a zungzal in an um ko lai. Hmun le ram kha an rak ngei ko lai nain an chaw le an va cu midang sin i an kaltak a hau ṭhiamṭhiam ko lai.

SALM 49:12

Mi cu a lianhngannak nih thihnak in a khamh kho lo; saram bantukin a thi ve ko lai.

DANIEL 4:30

“Mah hihi a liannganmi Babilon, keimah nih siangpahrang umnak caah keimah ṭhawnnak a nganmi le keimah upatnak langhternak caah ka sermi a si lo maw?” tiah a au.