GENESIS 39:9 - Lai (Hakha) Common Language Bible 2006

⁹ Hi inn chungah hin amah tlukin nawl ka ngei i a ka sianh lomi zeihmanh a um lo, a nupi nangmah dah ti lo cu. Cucaah cun cu bantuk thil ṭhalo cu zeitindah ka tuah khawh lai i Pathian cungah ka sual lai?” tiah a leh.

GENESIS 39:9 ပူးပေါင်းရင်းမြစ်များ

GENESIS 13:13

Sodom khuami cu miṭhalo, Bawipa cung i ṭhat lonak a tuahmi misual an si.

GENESIS 20:3

Cu zan ah cun a mang ah Pathian cu a sinah a lang i, “Sarah hi va ngeimi a si caah nan thi lai,” tiah a ti.

GENESIS 20:6

Pathian nih cun a mang ah khan a vun leh i, “A si, lung thiang tein na tuah ti kha ka hngalh; cucaah cun pei ka cungah na sual sual lai tiah a tongh hmanh kan tonghter lo cu.

GENESIS 20:9

Cun Abimelek nih Abraham kha a auh i, “Kan cung i na tuahmi hi zeidah a si? Zei palhnak dah na cungah ka tuah i hi ṭhat lonak nganpi hi kan cungah tlunter na zalh? Ka cung i na tuahmi hi ahohmanh nih a tuah awk a si hrimhrim lo.

GENESIS 24:2

A sal upa bik, a ngeihmi thil vialte a zohkhenhtu kha a thawh i, “Ka phei tangah na kut chia law bia i kam.

GENESIS 39:10

Ni khat hnu ni khat a lem lengmang nain Josef nih cun zeihmanh ah a rel lo i a ihpi duh lo.

GENESIS 41:40

Ka ram zohkhenhtu ah hin nangmah cu kan chiah lai i na bia kha a mi kip nih an ngaih lai. Nangmah nakin ka ngan deuhnak cu siangpahrang ṭhutdan cung ṭhutnak kong lawngah hin a si lai,” a ti.

GENESIS 42:18

A ni thumnak ni ah Josef nih a thawh hna i, “Kei cu Pathian biami ka si caah hi ka chimmi nan tuah ahcun nan nunnak cu nan luat lai:

2 SAMUEL 11:27

Cun a ngaihnak kha a dih tikah, David nih a hei cah i a inn ah a ratter i a nupi ah a cang i fapa a hrinpiak. Sihmanhsehlaw David tuahmi thil nih cun Bawipa kha lunglawm loin a tuah.

2 SAMUEL 12:13

Cun David nih Nathan sinah cun, “Bawipa sinah ka sual cang,” tiah a ti. Cun Nathan nih David cu, “Bawipa zong nih na sualnak kha an ngaihthiam cang, na thi lai lo.

NEHEMIAH 5:15

Keimah hlan i a rak ummi uktu bawi hna nih cun mi zapi cungah khan thilrit an chuan i annih sin cun ngun shekel sawm li hleiah rawl le mitsur hang kha an lak hna. An sinum hna hmanh nih mi zapi cu an lalhnawh hna. Sihmanhsehlaw kei nih cun Pathian ka ṭih caah cu bantuk cun ka tuah lo.

NEHEMIAH 6:11

Sihmanhsehlaw kei nih ka thawh i, “Keimah bantuk hi a zam ding maw ka si hnga? Keimah bantuk hi biakinn chungah lut in nun khawh a si hnga maw? Ka lut hrimhrim lai lo,” tiah ka ti.

JOB 31:23

Pathian ṭihnak cu ka cungah a um i a lianhngannak cu ka ṭih caah hi thil cu ka tuah ngam hna lo.

SALM 51:4

Ka sualnak cu, nangmah cungah, nangmah cung hrimhrim ah a si i a ṭhalo ah na ruahmi kha ka tuah. Cucaah cun bia na ka ceih tikah na hmaan ko i sual na ka phawt tikah na ding ko.

EXODUS 20:14

“Va cung pa duh siseh, nupi cung nu duh siseh, nan tuah lai lo.

PHUNGTHLÛKBIA 6:29

Cu bantuk cu a innpa nupi sin i a va kalmi cu a si; Ahohmanh amah a tawngtu cu dantat loin an luat lai lo.

PHUNGTHLÛKBIA 6:32

Mi nupi he a sualmi cu ruahnak ngei lomi a si; Cu a tuahtu cu amah le amah aa hrawk ko.

PHUNGCHIMTU 7:26

Thih nakin a kha deuhmi thil ka hmuhmi cu a lungthin rap le sur a si i a kut cu hreng a simi minu kha a si; Pathian duhnak a tuahmi cu amah sin cun an luat, sihmanhsehlaw misual cu a tlaih hna.

JEREMIAH 28:16

Cucaah Bawipa nih hi bangin a ti: ‘Zohhmanh, vawleicung in nang cu kan ṭhial lai. Bawipa dohnak kha na chim caah tukum chung hrimhrim ah na thi lai,’ a ti,” tiah a ti.

JEREMIAH 50:7

A hmumi hna paoh nih khan annih cu an ei hna i an ral hna nih cun, “Annih nih Bawipa cungah an sual caah kannih nih kan tuahmi hi cu sual a si lo. An pupa hna nih khan Bawipa cu an rak i bochan i annih zong nih hin amah sinah cun zumhawktlak tein an um ve awk a si,” tiah an ti.

LEVITIKAS 20:10

“Mipa pakhatkhat nih a innpa nupi he an sual ahcun, nu he pa he an pahnih in thah an si lai.

LEVITIKAS 6:2

“Ahohmanh nih, a innpa kha chawva kennak kong ah siseh ṭilva zohkhenhnak kong ah siseh a hlen i, ramhnak in siseh, a innpa kha hremnak in siseh,

NAMBAR 32:23

Sihmanhsehlaw cu bangin nan tuah lo ahcun, zohhmanh, Bawipa cungah nan sual cang; nan sualnak nih an langh hna lai kha vaa hngalh ko u.

LUKA 12:48

Sihmanhsehlaw a bawipa duhnak a hngal lo i asinain tuk awk tlak a simi thil a tuahmi cu a dinmi tuknak a in lai. Tampi pekmi cu tampi hal ṭhan a si ve lai; tam deuh pek a simi cu tam deuh hal ṭhan a si ve ko lai,” tiah a ti.

1 KORIN 4:2

Cu bantukin thil ken fialmi a rian biapi bik cu a bawipa sin i zumh awk tlak te i um kha a si.

TITAS 2:10

Thil zeipaoh an tuahnak ah khan kan Khamhtu Pathian kha a thang an ṭhat nakhnga ṭha te le zumh awk tlak tein an tuah awk a si.

HEBRU 13:4

Ṭhitumnak hi mi vialte nih kan hmaizah awk a si i nu le va hi zumh awk tlak an si veve awk a si. Nu le pa sualnak a tuahmi hna le va cungin pa aa duhmi hna cu Pathian nih an bia a ceih hna lai.

1JOHAN 3:9

Pathian fa a simi paoh nih cun sualnak an tuah peng lo, zeicahtiah Pathian thlaici kha an chungah a um; cun Pathian cu an Pa a si caah an sual kho peng lo.

BIAPHUAN 21:8

Sihmanhsehlaw miralchia le mirawi hmang le fih awk lungthin a ngeimi le lainawngmi le horduhcuaimi le camh hmangmi le siasal biami le lihchimmi vialte hna an umnak ding cu, mei le kat in a alhmi tili, thih voi hnihnak kha a si,” a ti.

BIAPHUAN 22:15

Sihmanhsehlaw uico bantuk a simi hna le eih thiammi hna le horduhcuaimi hna le lainawngmi hna le siasal biami hna le bia in siseh tuahnak in siseh lih a chimmi hna kha cu, khuapi lengah cun an um lai.