GENESIS 38:24 - Lai (Hakha) Common Language Bible 2006

²⁴ Cu hnu thla thum tluk ah khin Judah cu, “Na fapa nupi ro kha fa a pawi,” tiah an chimh. Judah nih cun, “Khua lengah va chuahpi u law a khangh in va khang u,” a ti.

GENESIS 38:24 ပူးပေါင်းရင်းမြစ်များ

GENESIS 20:3

Cu zan ah cun a mang ah Pathian cu a sinah a lang i, “Sarah hi va ngeimi a si caah nan thi lai,” tiah a ti.

GENESIS 20:7

Asinain atu cu minu kha a va sinah kirter ṭhan. A va cu profet a si i thla an campiak lai i na thi lai lo. Sihmanhsehlaw na kirter ṭhan lo ahcun, nangmah le na innchungkhar kha nan thi dih lai, tiah ralrinnak kan pek,” a ti.

GENESIS 20:9

Cun Abimelek nih Abraham kha a auh i, “Kan cung i na tuahmi hi zeidah a si? Zei palhnak dah na cungah ka tuah i hi ṭhat lonak nganpi hi kan cungah tlunter na zalh? Ka cung i na tuahmi hi ahohmanh nih a tuah awk a si hrimhrim lo.

GENESIS 34:31

Sihmanhsehlaw annih nih, “Kan farnu kha hlawhhlang bantukin tuah cu kan ing kho lo cu ta,” tiah an leh.

GENESIS 38:23

Judah nih cun, “Thil kha lak vaa zuam hna hlah, mi nih an ka theih ahcun an ka nihsawh lai. Na hmuh khawh lo hmanh ah hi meheh note cu ka kuat ko hi ta,” a ti.

2 SAMUEL 12:5

Cun mipa cungah cun David thinhunnak cu a alh ciammam i Nathan sinah cun, “Bawipa nih a nun bangin, mah thil a tuahtu hi thih awk a tlak;

2 SAMUEL 12:7

Cun Nathan nih David cu a thawh i, “Mipa cu nangmah hi na si. Hi bangin Bawipa, Israel Pathian nih, ‘Nangmah cu Israel mi siangpahrang ah chiti kan thuh i Saul kut chungin kan chuah;

PHUNGCHIMTU 7:26

Thih nakin a kha deuhmi thil ka hmuhmi cu a lungthin rap le sur a si i a kut cu hreng a simi minu kha a si; Pathian duhnak a tuahmi cu amah sin cun an luat, sihmanhsehlaw misual cu a tlaih hna.

JEREMIAH 2:20

“Hlanpi ah na hngawngkual cu na khiah cang i na hri cu na chah cang hna i, ‘Na sal ka si ti lai lo,’ na ti. Asinain, tlang sang kip cungah le thing hring kip toiah hlawhhlangnu bangin na it.

JEREMIAH 3:1

Mipa pakhat nih a nupi kha a mak i a nupi nih cun a kaltak i midang nupi a si tikah, Cu pa nih cun cu nu cu a fuh ṭhan lai maw? Cu nu cu thurhhnawmh a si cang lo maw? A la ṭhan kho ti lo. Sihmanhsehlaw nannih cu duhtu tampi he hlawhhlang nan i celh i Atu cu ka sinah ra kir nan duh! tiah Bawipa nih a ti.

JEREMIAH 3:6

Josiah Siangpahrang chan ah Bawipa nih a ka thawh i, “Hi zumhawktlak lo Israel nih hin zeidah a tuah kha na hmu cang maw, tlang sang kip i a kai i thingkung hring kip toi i hlawhhlangnu aa celh hi?

JEREMIAH 3:8

Kha zumhawktlak lo Israel kha, vacung in pa aa duh caah maknak ca he ka kalter zong kha a hmuh fawn. Sihmanhsehlaw a unaunu, hlenhmang Judah kha a thin a phang lo, amah zong cu a kal i hlawhhlangnu kha aa celh ve lehlam.

EZEKIEL 16:15

“Sihmanhsehlaw naa dawhnak cu naa zum ciammam i na minthannak cu hlawhhlannak ah na hman i khualtlawngmi kip kha na rak i duh hna.

EZEKIEL 16:25

Lam ṭeka kip ah khan ṭhutdan sang cu na ser hna i naa dawhnak cu ningzahnak na phakter, aa chawkmi kip sinah khan na pum cu naa pe i a voi rel cawk loin na sual.

EZEKIEL 16:26

A hormi na innpa Izipt he khan sualnak na tuah i sualnak na tuahmi a rel in rel cawk a si lomi nih khan ka thin a ka phawh.

EZEKIEL 16:28

Mah hihi i zat rih loin Assiria mi hna sinah khan na sual ṭhan hoi, nu le pa sualnak chungah khan na luhpi hna, sihmanhsehlaw naa zaa ṭhiamṭhiam hlei lo.

EZEKIEL 16:41

Na inn kha an khangh hna lai i nu tampi hmuh hngan ah bia an in ceih lai. Nupa sualnak na tuahmi kha ka donghter lai i nangmah an duhtu hna sinah khan zeitikhmanh ah a man na pe ti lai lo.

EZEKIEL 23:19

A no lio i Izipt ram i hlawhhlangnu a rak i celh kha philh lo tein a um i atu le atu hlawhhlangnu cu aa celh lengmang ko.

EZEKIEL 23:44

Annih nih hlawhhlangnu an luhhnawh bantuk khan an luhhnawh ṭhiam, nu zuangzam Oholah le Oholibah kha cuticun an luhhnawh hna.

EZEKIEL 23:5

Oholah cu keimah ta a si ko nain hlawhhlangnu kha aa celh i a duhtu Assiria mi hna,

HOSEA 2:5

An nu kha hlawhhlangnu a si ai, Annih a pawitu hna cu ningzah a hngal lomi, Aa thawh i, “A ka duhtu cu ka dawi ko hna lai; rawl le din awk le sahmul le laa le chiti le zihmui an ka pek paoh ahcun,” a timi kha a si.

HOSEA 3:3

ka thawh i, “Caan sau nawn tiang ka inn ah na um lai i hlawhhlangnu naa celh lai lo, aho he hmanh nu le va nan si lai lo, keimah he zong kan si lai lo.

HOSEA 4:15

Nannih Israel mi cu keimah sinah zumhawktlak loin um hmanh u law Judah mi tu cu, cu bantukin si ve sawh hna hlah seh. Gilgal ah siseh, Bethel ah siseh, va kal in Pathian va bia hlah u; A nungmi Pathian min chalh in khika ah biakamnak va tuah hlah u.

LEVITIKAS 20:10

“Mipa pakhatkhat nih a innpa nupi he an sual ahcun, nu he pa he an pahnih in thah an si lai.

LEVITIKAS 21:9

Tlangbawi ahopaoh fanu nih hlawhhlang cannak in aa thurter ahcun, a pa a thurter a si; amah cu mei in khangh a si lai.

ROM 14:22

Cu kong ah cun nangmah nih na ruahning tein va ruat ko, Pathian le nangmah lawnglawng nih va hngal ko uh. Tuah awk a si ti i a ruahmi thil a tuah tikah a lung nih sual a phawt lomi cu lunglawmmi a si.

DEUTERONOMI 24:16

“Fale ruangah pale thah an si lai lo i pale ruangah fale zong thah an si lai lo; mah le sual ruang cio ah thah cu an si lai.

BIACEIHTU 19:2

Cun a nuchun cu a cungah a thin a hung i a sinin Judah ram Bethlehem khua i a pa inn ah khan khua a tli, khika ah thla li tluk a um.