GENESIS 37:9 - Lai (Hakha) Common Language Bible 2006

⁹ Cun Josef nih cun mang dang pakhat a manh ṭhan i, “Mang dang pakhat ka manh ṭhan i cu ka mang ah cun nika le thlapa le arfi hleikhat nih ka hmaiah an kun,” tiah a unau pawl cu a chimh hna.

GENESIS 37:9 ပူးပေါင်းရင်းမြစ်များ

GENESIS 20:3

Cu zan ah cun a mang ah Pathian cu a sinah a lang i, “Sarah hi va ngeimi a si caah nan thi lai,” tiah a ti.

GENESIS 37:10

A mang cu a pa le a unau pawl kha a chimh hna i a pa nih cun a sik i, “Zei bantuk mang dah na manh? Na nu le na unau pawl le keimah hi na sinah ra in na hmaiah an kun lai tiin maw na ruah?” a ti.

GENESIS 37:7

Lo pakhat ah hin kan dihlak in kan um i faphal kan tom len ko. Cu lioah cun ka faphal cu a tho i ding tein a dir. Cun nannih nan faphal hna nih khan an kulh i a hmaiah an kun,” a ti.

GENESIS 37:8

A unau pawl nih cun, “Kan cungah siangpahrang ka si lai tiin dahra naa ruah? Nangmah nih cun maw na kan uk ko hnga?” an ti i a mang kong a chimhmi hna ruangah cun an huat chinchin.

GENESIS 41:25

Josef nih khan Faro cu a thawh i, “Na mang pahnih kha an sullam aa khat; Pathian nih a tuah ding kha an chimh.

GENESIS 41:32

Faro nih voi hnih tiangtiang in na manh cu, hi thil hi Pathian nih a ruah cang i a rauh hlanah a tlunter lai tinak caah a si.

GENESIS 42:6

Josef nih cun Izipt ram uktu a si bantukin rawl cu vawlei cung mi vialte kha a zuarh hna. Cucaah Josef ule zong cu an ra i a hmaiah cun an kun.

GENESIS 43:26

Josef cu inn i a ra ṭin tikah inn chungah cun an laksawng kha an va pek i a hmaiah khan an kun.

GENESIS 43:28

Annih nih, “Kan pa na salpa cu a nung ko rih i a dam ko,” tiah an leh. Cun an khuk an i bil i a hmaiah cun an lu an khun.

GENESIS 44:14

Judah le a unau pawl Josef inn an va phak ah khan Josef cu a rak um ko rih. A hmaiah an kun i

GENESIS 44:19

Bawipa, nangmah nih na kan thawh i, ‘Pa nan ngei maw, unau dang nan ngei maw?’ tiah na kan hal.

GENESIS 45:9

“Cucaah cun ka pa sinah khulrang in va kir u law, na fapa Josef nih, ‘Pathian nih Izipt ram vialte uktu ah a ka ser, cucaah khulrang in ka sinah ra.

GENESIS 46:29

Josef nih cun a rangleng kha a timhter hna i a pa Israel don awkah khan Goshen ah cun a kal. An i ton tikah a pa cu a hngawng in a kuh i a kuh bu cun saupi a ṭap.

GENESIS 47:12

Josef nih cun a pa le a unau pawl le a pa innchungkhar chung mi vialte kha a hniang bik tiangin rawl a pek hna.

DANIEL 8:10

Vancung ralkapbu tluk i lianhngan khi a duh i cu bu hna chung i tlawmpal le arfi tlawmpal cu vawlei ah a thlak hna i a lamh hna.

NAMBAR 12:6

Cun amah nih, “Ka bia ngai tuah u: Nannih lakah profet an um tikah Bawipa keimah nih langhnak in an sinah kaa hngalhter i mang in ka chawnh hna.

FILIPI 2:15

Hrokhrawlnak le ṭhat lonak in a khatmi chan ah hin sualnak ngei lo le a thiangmi si u law Pathian fale bantukin nung u. Nunnak bia nan pek hnanak ah hin