GENESIS 37:8 - Lai (Hakha) Common Language Bible 2006

⁸ A unau pawl nih cun, “Kan cungah siangpahrang ka si lai tiin dahra naa ruah? Nangmah nih cun maw na kan uk ko hnga?” an ti i a mang kong a chimhmi hna ruangah cun an huat chinchin.

GENESIS 37:8 ပူးပေါင်းရင်းမြစ်များ

GENESIS 27:41

A pa nih Jakob kha thluachuahnak a pek caah cun Esau nih Jakob cu a huat i a lungchung in, “Ka pa cu va thi deng cang kaw, a zun ngaih kan lim cun Jakob cu ka thah lai,” tiah a ti.

GENESIS 37:4

An pa nih annih nakin Josef a dawt deuh kha a unau hna nih cun an hmuh tikah an huat ngaingai i a chawnh hmanh ṭhiṭha in an chawn duh lo.

GENESIS 37:9

Cun Josef nih cun mang dang pakhat a manh ṭhan i, “Mang dang pakhat ka manh ṭhan i cu ka mang ah cun nika le thlapa le arfi hleikhat nih ka hmaiah an kun,” tiah a unau pawl cu a chimh hna.

GENESIS 42:10

Annih nih, “Asilo, bawipa, na salle hi rawl cawk ah kan ra ko.

GENESIS 44:18

Judah nih Josef cu a hei fuh i, “Bawipa, na sinah luat tein biachimnak nawl ka zaangfah tuah. Bawipa, ka cungah na thin hung hlah, nangmah cu Faro bantuk hrimhrim na si ko.

GENESIS 49:26

Rawl thluachuahnak le Pangpar thluachuahnak le Hlan piin a rak ummi tlang cung thluachuahnak le Zungzal hmunmi tlang cung i thil dawh le thil ṭha a ummi vialte, Hi vialte hi Josef lu cungah i fu hna seh, A unau hna sinin thleidanmi cal cungah cun um hna seh.

GENESIS 50:18

Cun a unau pawl hrimhrim kha an ra i a hmaiah an kun i, “Na sal kan si ko hih,” an ti.

SALM 118:22

Inn satu pawl nih santlailo ah an rel i an hlawtmi lung cu, santlai bik lung a rak si ziar ko!

EXODUS 2:14

Cu pa nih cun aa thawh i, “Aho nih dah nangmah cu a kan uktu bawi le bia a kan ceihtu ding bawi ah an in ser? Izipt mipa na thah bantuk khan dahra thah na ka timh ve?” a ti. Moses cu a thin a phang i, “Ka tuahmi kha mi nih an hngalh ko cang hi ta,” tiah a ruah.

LUKA 19:14

A ram mi nih cun amah cu an huat i, ‘Hi pa hi kan siangpahrang si awkah kan duh lo,’ tiin lamkal a hnu in an hei thlah hna.

LUKA 20:17

Jesuh nih annih cu a zoh hna i, “ ‘Inn satu nih san a tlai lo tiin an hlawtmi lung kha innkil lung ah a cang,’ tiin Cathiang chungah a ummi bia hi tah a sullam zeidah a si kun?” tiah a hal hna.

LAMKALTU 7:35

“Moses kha Israel mi nih an rak hlawtmipa a si. ‘Kan cung i uktu bawi le biaceihtu ah aho nih dah aan chiah?’ tiah an rak ti, sihmanhsehlaw amah cu a alh hluahmahmi burbuk chungin a sinah a hung langmi vancungmi bawmhnak thawngin, Pathian nih uktu si ding le khamhtu si dingah a rak thlah mipa a si.

DEUTERONOMI 33:16

Vawlei le a cungah a ummi thil vialte hna an laksawng ṭha bik le, Burbuk chungah a ummi duhdawtnak cu, Hi thluachuahnak hna cu Josef lu cungah rung ṭum hna seh, A unau hna lak i bawi a simi luthlung cungah cun, rung tum hna seh.

HEBRU 10:29

Cu hmanh cu ti a si ahcun, Pathian Fapa zei i a rel lomi cu zeitindah tuah a si lai? Sualnak in a thianhtu Pathian biakamnak thisen zei i a rel lomi cu zeitindah tuah a si lai? Vel a ngeimi Thlarau a nihsawhtu cu zeitindah tuah a si lai? A in laimi dantatnak cu zeitluk in dah a ngan chinchin lai, ruat ko hmanh.

1 SAMUEL 10:27

Sihmanhsehlaw, mizeiruaramlo a cheu khat nih cun, “Mah pa nih hin zeitindah a kan khamh khawh lai?” tiah an ti. An nihsawh i laksawng zeihmanh an put lo. Sihmanhsehlaw dai tein a um ko.

1 SAMUEL 17:28

Cun a u upa bik Eliab nih mi hna sin i bia a chim kha a rak theih i David cungah cun a thin a hung i, “Zeidah na ra tuah?” Kha tuu, tlawmte kha ramlak ah khan aho sinah dah na kaltak hna? Na ninghngalte le raltuk zoh awkah na ra ko hih?” tiah a ti.

1 SAMUEL 18:8

Cun Saul cu a thin a hung ngaingai i hi chimnak nih hin a lawmh loter ngaingai; aa thawh i, “David vial cu a sang sang that ah an rel i kei tu cu a thong thong that ceo ah an ka rel; pennak hi dah ti lo cu zeidah cu hleiah a ngeih ding a um ti?” tiah a ti.