GENESIS 37:15 - Lai (Hakha) Common Language Bible 2006

¹⁵ ramlak i aa chawh len ko kha mipa pakhat nih a rak hmuh i, “Zeidah na kawl?” tiah a hal.

GENESIS 37:15 ပူးပေါင်းရင်းမြစ်များ

GENESIS 21:14

A thaizing cu zingka tein Abraham nih Hagar cu rawl tlawmpal le saphaw tithawl ti a khat tein a ummi kha a pek i nau kha a puakter i a kalter hna. Hagar cu Beer-sheba ramlak ah khan a vai lengmang.

GENESIS 37:14

A pa nih cun a thawh i, “Va kal law na ule kha an dam dam lo va zoh hna law saṭil zong cu an i nincan le nincan lo va zoh hna; cun bia rak ka phorh te,” a ti. Cuticun a pa nih khan Hebron nelrawn khan a thlah. Shekhem kha a va phak tikah

GENESIS 37:16

Anih nih, “Ka ule ka kawl hna,” a ti. Cun, “Khuazei ah dah saṭil kha an cawngh hna ka chim tuah?” a ti.

2 SIANGPAHRANG 6:19

Cun Elisha nih a thawh hna i, “Lam nan tlau, nan kawlmi khua cu mah hi a si lo; ka zul u law nan kawlmipa sin cu kan phakpi hna lai,” tiah a ti. Cun Samaria ah a hruai hna.

JOHAN 1:38

Jesuh cu a hnulei ah a hun i mer i an zulh kha a hmuh hna tikah, “Zeidah nan kawl?” tiah a hal hna. Annih nih, “Rabbi, khuazei ah dah na um?” tiah an leh. (Rabbi a sullam cu cawnpiaktu saya tinak a si).

JOHAN 18:4

A cung i a tlung ding kha Jesuh nih cun a rak hngalh dih ko i cucaah cun hmailei ah a va chuak i, “Ahodah nan kawl?” tiah a ti hna.

JOHAN 18:7

Jesuh nih cun, “Ahodah nan kawl?” tiah a hal ṭhan hna. “Nazareth khuami Jesuh,” tiah an ti.

JOHAN 20:15

Jesuh nih cun, “Zeicahdah na ṭah len ko? Ahodah na kawl?” tiah a hal. Mary nih cun dum cawngtu pa kha a si rua tiah a ruah i, “Bawipa, nangmah nih na lak a si ahcun na chiahnak kha ka chim tuah, ka va kal lai i ka va lak lai,” tiah a ti.

JOHAN 4:27

Cu liote ah cun Jesuh zultu pawl kha an hung kir; minu he bia an rak i ruah kha an hmuh hna tikah an khuaruah a har ngaingai. Sihmanhsehlaw ahohmanh nih minu cu, “Zeidah na herh?” tiah an ti lo i Jesuh zong cu, “Zeicahdah minu he khan bia nan i ruah,” tiah an hal lo.

BIACEIHTU 4:22

Cun zohhmanh, Barak nih Sisera a dawi lioah khan, Jael nih ton awkah a va chuak i a sinah, “Ra hmanh, na kawlmipa cu kan hmuhsak lai,” tiah a ti. Cucaah a thlam chungah cun a vung lut; khika ah cun Sisera cu a phuzep i puan thlam khenhnak fung he khan a rak ril ko.