GENESIS 37:11 - Lai (Hakha) Common Language Bible 2006

¹¹ Josef cu a unau pawl nih khan cun an nahchuah ngaingai, sihmanhsehlaw a pa nih cun thil vialte kha a lung chungin a ruah lengmang.

GENESIS 37:11 ပူးပေါင်းရင်းမြစ်များ

GENESIS 24:31

Amah cu, “Bawipa, ra lut tuah. Nangmah cu Bawipa nih thluachuah an pekmipa na si. Zeicahdah lengah cun na um ko. Kan inn chungah nangmah caah hmun pakhat kan sersiampiak cang i na kalauk hna ca zongah hmun a um ko,” a ti.

GENESIS 37:12

An pa saṭil run khalh awkah khan Josef unau pawl cu Shekhem ah khan an va kal i

GENESIS 42:9

Anmah kong i mang a manhmi kha a hun hngalh i, “Mingiatu nan si; kan ram a dernak zawn kawl awkah nan ra,” a ti hna.

SALM 106:16

Thetse ram ah cun Moses kha an nahchuah, Bawipa sal thiang Aaron zong kha an nahchuah;

PHUNGCHIMTU 4:4

Zeicahdah minung nih hin tlamtlinnak ding caah fak piin rian a ṭuan ti zong kha ka hngalh cang: hawi nakin tam deuh ngeih an duh caah a si. Cucu pakpalawng a si ko, thlitu dawi men kha a si ko.

ISAIAH 11:13

Israel ram nih khan Judah ram kha a nahchuah ti lai lo i Judah zong cu Israel ral a si ti lai lo.

ISAIAH 26:11

Na ral nih, dan a kan tat lai, ti awk an hngal lo, temhinnak pe hna law na timhmi dantatnak kha inter hna. Na mi kha zeitluk in dah na dawt hna ti kha annih cu hmuhsak hna.

DANIEL 7:28

Hika ah hin hi kong cu a dong. Kei Daniel tu cu ka khuaruahnak nih van a ka sanh i a dangh zongin ka daang dih; hi thil hna tu cu ka lungchung in kaa cinken hna.

MATTHAI 27:18

Pilat nih khan Jesuh ka kut chung i an ka pek hi an nahchuah caah a si ti kha fiang tein a hngalh.

MARKA 15:10

Jesuh ka kut chung i an ka pek hi, tlangbawi upa nih an nahchuah caah a si, ti kha Pilat nih ṭha tein a hngalh.

LUKA 2:19

Mary nih hi thil vialte hi aa cinken hna i thuk piin a ruah hna.

LUKA 2:51

Cuticun Jesuh cu an sinah Nazareth khua ah khan a kir i a nu le a pa kut tangah nawl ngai tein a um: Hi thil vialte hi a nu nih a lung chungah aa ken dih.

LAMKALTU 13:45

Judah mi nih mizapi kha an hmuh hna tikah nahchuahnak in an khat; Paul nih a chimmi kha an al i amah kha an nihsawh.

LAMKALTU 7:9

“Kan pupa hna nih cun Josef kha an nahchuah i Izipt ram i sal vung si awkah an zuarh. Sihmanhsehlaw Pathian nih a umpi i

GALATI 5:21

ziar an i ngeih, zu an ri, an au an khuang i cu bantuk thil a dang tampi kha an tuah lengmang hna. Hmasa ah ralrin bia ka rak in chimh cang hna bantuk khan atu ah kan chimh ṭhan hna: cu bantuk thil a tuahmi cu Pathian Pennak an hmu lai lo.

TITAS 3:3

Zeitintiah kanmah hrimhrim zong kha kan rak hrut, nawl ngai loin khua kan rak sa i kan rak palh. Pumsa duhnak le nuamhnak sal kan rak si. Mi kha kan rak nahchuah hna i ziar kan rak ngeih hna; mi nih an rak kan huat i kannih zong nih kan rak huat hna.

JEIM 4:5

“Pathian nih kan chungah a chiahmi thlarau cu duhnak ṭihnung in a khat,” tiah Cathiang nih a timi kha sullam ngei lo a si tiah ruat sual hlah u.

1 SAMUEL 18:8

Cun Saul cu a thin a hung ngaingai i hi chimnak nih hin a lawmh loter ngaingai; aa thawh i, “David vial cu a sang sang that ah an rel i kei tu cu a thong thong that ceo ah an ka rel; pennak hi dah ti lo cu zeidah cu hleiah a ngeih ding a um ti?” tiah a ti.