GENESIS 35:3 - Lai (Hakha) Common Language Bible 2006

³ Hika hmun hi kan chuahtak lai i Bethel ah kan kal lai, cuka ah cun harnak ka in caan le khuazeika ka kalnak hmanh i a ka umpitu Pathian caah khan biakṭheng pakhat ka ser lai,” a ti hna.

GENESIS 35:3 ပူးပေါင်းရင်းမြစ်များ

GENESIS 28:15

Khuazeika na kalnak hmanh ah kan umpi zungzal lai i kan huhphenh zungzal lai, cucu philh hlah, cun hi ram ah hin kan kirpi ṭhan lai. Kan chimhmi vialte ka tuah dih hlanah cun nangmah cu kan kaltak lai lo,” tiah a ti.

GENESIS 31:3

Cun Bawipa nih khan, “Na pupa hna le na rualchan hna ram ah khan kir cang. Na sinah ka um lai,” a ti.

GENESIS 31:42

Ka pa Pathian Abraham Pathian, Isak nih a biakmi Pathian nih khan rak ka umpi hlah seh law kut ro in na ka kalter ko hnga. Asinain Pathian nih cun harnak ka inmi le ka rianṭuanmi kha a hmuh i zahan ah bia a kan ceih cang,” a ti.

GENESIS 32:24

Amah lawng hnuah a tang. Cun mipa pakhat nih khuadei tiang a hung paih.

GENESIS 32:7

Jakob cu a thin a phang ngaingai i a awlok a chong. A sin i a ummi minung hna le a tuu hna le a meheh hna le a caw hna le a kalauk hna kha bu hnih ah a ṭhen hna.

GENESIS 35:4

Cucaah an i chiahmi ramdang pathian vialte le an i tonhmi hnatonh vialte kha Jakob cu an pek i Shekhem pawng i a ummi kuhthing toiah khan a thuh hna.

GENESIS 35:7

Cuka ah cun biakṭheng pakhat a ser i cuka hmun cu a min ah Bethel a sak; zeicahtiah a u sinin a zam lioah khan khaka hmun ah khan a sinah Pathian a lang.

GENESIS 48:15

Thluachuahnak a pek hna i: Ka pu Abraham le ka pa Isak, a hmaiah a rak umtertu hna Pathian nih hi ngakchia hi thluachuah pe ko hna seh. Nihin ni tiangin a ka hruai zungzaltu Pathian nih thluachuah vanluh pe ko hna seh.

SALM 107:6

An harnak chung cun Bawipa kha an auh i an harnak chung khan a khamh hna.

SALM 107:8

Cucaah Bawipa cu, an cung i thil ṭha a tuahmi caah khan le a fekmi a dawtnak ruangah khan, an lawmh hrimhrim awk a si.

SALM 46:1

Pathian cu kan i dornak le kan thazang a si, harnak caan ah a kan bawm zungzaltu a si.

SALM 50:15

Harnak a phak tikah ka au u, kan khamh hna lai i nan ka thangṭhat lai,” a ti.

SALM 91:15

An ka auh tikah ka leh hna lai i harnak an in tikah ka umpi hna lai. Ka chuah hna lai i ka upat hna lai.

PHUNGTHLÛKBIA 3:6

Na kalnak lam kip ah amah kha hngal law Amah nih na lam kha a tluanter hna lai.

ISAIAH 30:19

Jerusalem khua i a ummi hna, nan ṭap ti lai lo. Bawipa cu zaangfah a thiammi a si i bawmhnak nan hal tikah nan auhnak cu an leh hna lai.

ISAIAH 43:2

Ti thuk na tan tikah na sinah ka um lai, harnak na inmi nih an tei lai lo. Mei alh na tan tikah an kangh lai lo, harnak na inmi nih an hliam lai lo.

1 SAMUEL 10:3

Cun cuka cun na va kal deuh lai i Tabor kuhthing kha na hei phan lai; cuka ah cun Bethel i Pathian sinah a hung kalmi mi pathum nih an in ton lai, pakhat nih meheh fa pathum aa cawi hna lai, cun pakhat nih changreu tlang thum aa put lai i pakhat nih mitsur hang cua khat aa phorh lai.