GENESIS 35:18 - Lai (Hakha) Common Language Bible 2006

¹⁸ Cun a thaw hmanung bik sinah cun, a cahpah khin, “Ben-oni run ti u,” a ti, asinain a pa nih cun, Benjamin tiah a min cu a sak.

GENESIS 35:18 ပူးပေါင်းရင်းမြစ်များ

GENESIS 30:1

Rachel nih Jakob fa a hrinpiak khawh lo kha a hmuh tikah a u kha a nahchuah i Jakob cu a thawh i, “Fa ka pe, cu ti a si lo ahcun ka thi lai,” a ti.

GENESIS 35:17

Cu ti i a ngan a fah lioah cun, nau hlawmtu nu nih khan, “Na thinphang hlah, fapa na ngei ṭhan,” a ti.

GENESIS 35:19

Rachel cu a thi i Efrath lei kalnak lam ah khan an vui. Efrath cu Bethlehem ti a si cang.

GENESIS 35:24

Rachel fa ah Josef le Benjamin an si.

GENESIS 42:38

Asinain Jakob nih, “Ka fapa nih cun an zul kho hna lo; a u a thi cang, amah lawng a tang. Lampi ah a thi sual hnga. Ka cung i nan tlunter sual ding ngaihchiatnak hi ka ing kho lai lo; ka tar tuk cang, a ka thah sual lai,” a ti.

GENESIS 42:4

Jakob nih Josef chuahpi Benjamin kha cu a kalter lo, a thi sual lai ti a phang.

GENESIS 43:14

Lianngan Bik Pathian nih nannih cu in zaangfah hna seh law mipa nih cun nan unaupa kha le Benjamin cu ka sinah rak kirter hna seh. Ka fale nih nan ka thihtak a si ahcun thih tak pei dik a si ko lai,” a ti.

GENESIS 49:27

“Benjamin hi sa a seh lengmangmi cenghngia a si; Zinglei ah a sehmi kha a ei, Zanlei zongah a seh ciami kha a phaw lengmang ṭhiamṭhiam ko.”

1 CHANRELNAK 4:9

Jabez cu a unau hna nakin upat awk tlak deuh a si; cun a nu nih a min cu, “Har lengmang in ka hrin caah,” tiin Jabez tiah a ti.

SALM 16:10

Cu ti ka si cu Mithi khua ah khan na ka kaltak lai lo le na dawtmi cu Khor Thuk chungah na ka chiahtak lai lo caah a si.

SALM 80:17

Nangmah nih na thimmi miphun cu kan huppheng law kan zohkhenh ko, nangmah nih hi tluk ṭhawng in na ṭhantermi miphun cu kan zohkhenh ko!

EXODUS 12:7

Cun an thi kha tlawmpal in nan lak lai i nan innka tung le nan innkaba ah khan nan nalh hna lai i inn chungah khan sa cu nan ei lai.

ṬAHNAK HLA 2:12

‘Khuazei ah dah rawl le mitsur hang kan hmuh khawh lai?’ tiah an au — Khuachung lam ah cun hliammi hna bantukin an ba, an nule ṭang chungah cun ha lengmang in an thaw an chuah.

LUKA 12:20

Sihmanhsehlaw Pathian nih a thawh i, ‘Mihrutpa, tuzan hrimhrim ah hin na nunnak cu an in lakpiak a hau lai; cucaah nangmah ca i na khonmi thilri vialte hi aho nih dah a co kun lai?’ a ti,” tiah a ti.

LUKA 23:46

Jesuh cu aw thangpi in a au i, “Ka Pa, na kut chungah ka thlarau kha ka chiah,” tiah a ti. Cucu a chim dih in a cat.

LAMKALTU 7:59

Lung in an cheh chih lengmang lioah cun Steven nih, “Bawipa Jesuh, ka thlarau cu nangmah nih cohlang ko,” tiin a au.