GENESIS 35:11 - Lai (Hakha) Common Language Bible 2006

¹¹ Cun Pathian nih amah cu, “Keimah cu Lianngan Bik Pathian ka si. Fa tam piin ngei hna. Tefa tampi na ngei lai i a cheu cu siangpahrang an si lai. Na tefa cu an tam tuk lai caah miphun tampi ah an cang lai.

GENESIS 35:11 ပူးပေါင်းရင်းမြစ်များ

GENESIS 12:2

Tefa tampi kan pek lai i miphun nganpi ah an cang lai. Nangmah cu thluachuah kan pek lai i na min kan thanter lai, cucaah na min cu thluachuah peknak ah an hman lai.

GENESIS 13:16

Tefa tampi kan pek lai i an tam tuk ah ahohmanh nih an rel kho hna lai lo, leidip cu ahohmanh nih an rel khawh hna lo bantuk khi an si lai.

GENESIS 15:5

Bawipa nih cun lengah a chuahpi i, “Van khi zoh law na rel khawh ahcun arfi khi rel tuah hna. Na tefa cu khi arfi zat khi an si lai,” a ti.

GENESIS 17:1

Abram cu kum sawm kua le kum kua a si tikah Bawipa cu a sinah a lang i, “Kei cu Lianngan Bik Pathian ka si. Na nun chung vialte ka nawl ka ngai law soi awk zeihmanh um loin um.

GENESIS 17:16

Amah cu thluachuahnak ka pek lai i fapa pakhat an hrinpiak lai. Amah cu thluachuah ka pek lai i miphun hna nu a si lai; a tefa hna lakah cun siangpahrang zong an um lai,” a ti.

GENESIS 17:4

“Hi biakamnak hi kan pek: nangmah cu miphun tampi a hringsortu hna na si lai.

GENESIS 18:14

Bawipa caah hin zei thil paoh hi a har tukmi a um maw? A caan a tlin tikah kumvoi atu tikah hin na sinah ka ra ṭhan lai i Sarah nih fapa a hrin lai,” a ti.

GENESIS 18:18

A tefa hna cu a ngan i a ṭhawngmi miphun ah an cang lai i vawlei cung miphun vialte hna nih hin Abraham thluachuahnak ka pekmi bantuk kha kan pe ve tiah an ka hal lai.

GENESIS 22:17

Van i arfi zat le rili kam i thetse zat khin tefa kan pek lai. Na tefa nih cun an ral kha an tei hna lai.

GENESIS 28:14

Na tefa cu an tam tuk ah vawlei cung leidip zat an si lai. An ram cu nichuahlei he nitlaklei he chaklei he thlanglei he a kau chin lengmang lai i vawlei cung miphun vialte nih na tefa hna thluachuah ka pek hna bantuk hin kan pe ve tiah an ka hal lai.

GENESIS 32:12

‘Na caah thil cu tluang tein ka umter ko hna lai i tefa kan pek lai i an tam tuk ah a rel in rel cawk an si lai lo, rili kam thetse zat khi an si lai,’ tiin bia na ka kammi kha philh sawh hlah,” a ti.

GENESIS 36:31

Israel siangpahrang ahohmanh nih Edom ram cu an uk hlanah, cu ram a rak uktu siangpahrang cu hi hna hi an si.

GENESIS 43:14

Lianngan Bik Pathian nih nannih cu in zaangfah hna seh law mipa nih cun nan unaupa kha le Benjamin cu ka sinah rak kirter hna seh. Ka fale nih nan ka thihtak a si ahcun thih tak pei dik a si ko lai,” a ti.

GENESIS 46:3

“Keimah cu Pathian, na pa i a Pathian ka si. Izipt ram kal cu ṭih hlah; cuka ah cun na tefa hna cu miphun ngan ah ka ser hna lai.

GENESIS 47:27

Israel mi cu Izipt ram ah khan an um i an rum i fa tampi an ngei.

GENESIS 9:1

Pathian nih Noah le a fapa hna cu thluachuah a pek hna i, “Fa tampi in ngei hna u law nan fale cu vawlei cung khuazakip ah khat hna seh.

GENESIS 9:7

Nannih cu fa tampi ngei u law nan tefa hna kha vawlei cung khuazakip ah khat dih hna seh,” a ti.

1 CHANRELNAK 16:16

Abraham he biakamnak a tuah, Isak sinah chiatser in bia a kam;

1 CHANRELNAK 16:17

Jakob sinah nawlbia a fehter, Israel sinah zungzal hmunmi biakamnak a tuah;

1 CHANRELNAK 16:18

“Nangmah sinah Kanaan ram cu ro caah, Na covo ah kan pek lai,” a ti.

EXODUS 1:7

Asinain Israel mi nih cun fa tampi an ngeih hna i an tam tuk i an ṭhan tuk hringhran caah cu ram cu an khat dih.

EXODUS 2:24

an hrumainak kha a theihpiak hna i Abraham le Isak le Jakob sin i a sermi a biakamnak kha a philh lo.

EXODUS 6:3

Abraham le Isak le Jakob sinah Lianngan Bik Pathian in ka rak lang. Annih sinah khan ka min in ka rak i langh lo, ka min cu Bawipa a si.

LEVITIKAS 26:42

cu tikah cun Jakob sin i ka biakam kha ka hngalh ṭhan lai, Isak sin i ka biakam le Abraham sin i ka biakam kha ka hngalh ṭhan lai i ram kha ka hngalh ṭhan lai.

2 KORIN 6:18

Keimah cu nan pa ka si lai i nannih cu ka fapale le ka fanule nan si lai, tiah Bawipa Lianngan Bik nih a ti,” tiah a ti.