GENESIS 35:1 - Lai (Hakha) Common Language Bible 2006

¹ Pathian nih Jakob cu a thawh i, “I tim law Bethel ah kal law cuka ah cun va um. Cun na u Esau sinin na zam lio i na sin i a langmi Pathian caah khan cuka ah cun biakṭheng pakhat in va ser,” a ti.

GENESIS 35:1 ပူးပေါင်းရင်းမြစ်များ

GENESIS 12:8

Cu hnuah cun thlanglei ah khan a vun i thawn chin i Bethel khua nichuahlei i a ummi tlang ram ah khan umhmun a khuar, cuka cu Bethel le Ai karlak ah khan a si, Bethel kha nitlaklei ah a um i Ai kha nichuahlei ah a um. Cuka ah cun biakṭheng zong kha a ser i Bawipa kha a biak.

GENESIS 16:8

“Sarai salnu Hagar, khuazei in dah na rat i khuazei ah dah na kal lai?” a ti. Hagar nih cun, “Sarai sinin ka zaam,” tiah a leh.

GENESIS 22:14

Abraham nih cu hmun cu, “Bawipa nih a khaan ko,” tiah min a sak i atu chan tiang zongin mi nih, “Bawipa tlang cungah cun Bawipa nih a khaan ko,” an ti tawn.

GENESIS 29:1

Jakob cu a kal lengmang i nichuahlei mi hna ram cu a phan.

GENESIS 31:13

Kei cu Bethel khua i na sin i a langmi Pathian kha ka si, Bethel khua cu rolung pakhat chiti na toih i keimah sinah biakamnak na sernak khua kha a si. Cucaah atu cu i tim law na chuahkehnak ram i kal awkah hi ram hin chuak tuah’ a ka ti,” tiah a ti hna.

GENESIS 31:3

Cun Bawipa nih khan, “Na pupa hna le na rualchan hna ram ah khan kir cang. Na sinah ka um lai,” a ti.

GENESIS 34:31

Sihmanhsehlaw annih nih, “Kan farnu kha hlawhhlang bantukin tuah cu kan ing kho lo cu ta,” tiah an leh.

GENESIS 35:15

Cuka hmun cu a min ah Bethel a sak.

GENESIS 35:7

Cuka ah cun biakṭheng pakhat a ser i cuka hmun cu a min ah Bethel a sak; zeicahtiah a u sinin a zam lioah khan khaka hmun ah khan a sinah Pathian a lang.

SALM 46:1

Pathian cu kan i dornak le kan thazang a si, harnak caan ah a kan bawm zungzaltu a si.

SALM 47:4

Kan umnak ram hi amah nih a kan thimpiakmi a si; a dawtmi a mi nih kan i porhlawt ngaimi ram a si.

SALM 91:15

An ka auh tikah ka leh hna lai i harnak an in tikah ka umpi hna lai. Ka chuah hna lai i ka upat hna lai.

EXODUS 2:15

Cucu Faro nih a hngalh tikah Moses cu thah a zalh. Asinain Moses nih cun a zamtak i Midian ram i va um awkah a kal. Cuka a va phak tikah tikhor pawngah khan a ṭhu.

HOSEA 12:4

Vancungmi he khan an i pai i a tei. Jakob cu a ṭap i thluachuahnak ka pe tiah a hal. Khi tikah Pathian cu Jakob sinah cun Bethel ah khan a ra i amah he cun an i chawn.

NAHUM 1:15

Zohhmanh u! Thawngṭha a rak phortu ke khi tlang cungin a ra lio! Teinak thawng kha amah nih cun a thanh lai. Judah mi hna, nan puai cu tuah hna u law Pathian sinah nan i kammi kha pe u, Miṭhalo nih nan ram kha an luhhnawh ti lai lo. Annih cu hrawh dih cikcek an si cang,

DEUTERONOMI 32:36

Zeitintiah, an ṭhawnnak kha a loh cang i Khihmi siseh, a luatmi siseh, Pakhat hmanh an tang ti lo ti kha Bawipa nih a hmuh tikah, A mi cu thiam a coter hna lai i A sal hna cungah zaangfahnak a ngei lai.

1 SAMUEL 10:3

Cun cuka cun na va kal deuh lai i Tabor kuhthing kha na hei phan lai; cuka ah cun Bethel i Pathian sinah a hung kalmi mi pathum nih an in ton lai, pakhat nih meheh fa pathum aa cawi hna lai, cun pakhat nih changreu tlang thum aa put lai i pakhat nih mitsur hang cua khat aa phorh lai.