GENESIS 34:7 - Lai (Hakha) Common Language Bible 2006

⁷ cu lio te ah cun Jakob fapale zong cu ramlak khan an ra tlung. Shekhem nih cu bantuk thil ṭhalo a tuah i Jakob fanu a sualnak thawngin Israel mi a serhsat hna kha an theih tikah a lau in an lau i an thin a khenh ngaingai hna.

GENESIS 34:7 ပူးပေါင်းရင်းမြစ်များ

GENESIS 20:9

Cun Abimelek nih Abraham kha a auh i, “Kan cung i na tuahmi hi zeidah a si? Zei palhnak dah na cungah ka tuah i hi ṭhat lonak nganpi hi kan cungah tlunter na zalh? Ka cung i na tuahmi hi ahohmanh nih a tuah awk a si hrimhrim lo.

GENESIS 34:6

Shekhem pa Hamor cu Jakob he bia vaa ruah awkah khan a va kal i

GENESIS 34:8

Hamor nih khan a thawh i, “Ka fapa Shekhem nih na fanu cu a duh, cucaah cun a nupi ah kan pe ko.

GENESIS 46:7

a fapa hna he a fapale fa hna he a fanu hna he a fanu fale hna he aa kalpi dih hna.

2 SAMUEL 13:21

David Siangpahrang nih hi thil vialte hi a theih tikah a thin a hung ngaingai.

SALM 93:5

Bawipa, na phunglam cu zungzal in an hmun, na Biakinn cu zungzal in zungzal tiang a thiang taktak.

PHUNGTHLÛKBIA 7:7

Seino lungmawng rual hna lakah khan, ruahnak a ngei lomi tlangval pakhat kha ka hmuh;

JEREMIAH 29:23

Annih nih mihrut bantukin thil an tuah caah hi ṭhat lonak hi an cungah a tlung lai — mi nupi cung sualnak an tuah i ka min in lih an chim. Mah hihi Bawipa duhnak he aa ralchanhmi a si; an tuahmi cu ka hngalh i an cungah tehte ka si, tiah Bawipa nih a ti.”

LEVITIKAS 4:13

“Israel mi bu nih an bupi in hngalh loin sualnak an tuah i cu thil cu zapi hmuh lomi thil a si i Bawipa nih tuah lo awk tiin nawl a pekmi pakhatkhat cu an tuah i an mawh ahcun,

LEVITIKAS 4:2

timh ciammam si loin sualnak a tuah i Bawipa nawlbia a buarmi hna cu a tanglei nawlbia hi an zulh a hau lai, va ti hna.

LEVITIKAS 4:27

“Zaran chungin pakhatkhat nih Bawipa nih tuah lo awk i nawl pekmi thil pakhatkhat tuah in, hngalh lo i sualnak a tuah i a mawh a si ahcun,

1 KORIN 10:8

An lak i a cheu nih an rak tuah bang khan nu le pa sualnak kha kan tuah awk a si lo, cu ruangah cun ni khat ah thong kul le thong thum an rak thi.

1 KORIN 6:18

Nu le pa sualnak kha hrial ko u. Sualnak dang nih cun mi hi a pum kha a hnorsuang lo, asinain nu le pa sualnak a tuahmi nih cun amah pum cung hrimhrim ah khan sualnak a tuah a si.

EFESA 5:3

Nannih cu Pathian mi nan si caah nu le pa sualnak le dawhcah loin khuasaknak le hakkauhnak cu a chim hmanh nan chim awk a si lo.

DEUTERONOMI 22:20

Sihmanhsehlaw cu thil cu biatak a si i ngaknu cungah cun ngaknu thiang a sinak cu a um lo ahcun,

DEUTERONOMI 22:21

ngaknu cu a pa innka ah an kalpi lai i cu khua chung pa hna nih cun thi lakin lung in an cheh lai, a pa inn chungah hlawhhlangnu aa celhnak in Israel mi lakah hruhnak a tuah caah; cuticun nan lakin ṭhat lonak cu nan thianh lai.

DEUTERONOMI 23:17

“Israel mi fanu hna lakah biaknak hlawhhlang an um awk a si lo; Israel mi fapa hna lak zongah biaknak hlawhhlang an um awk a si lo.

KOLOSE 3:5

Nan chung i rian a ṭuanmi vawlei pum duhnak: nu le pa sualnak tehna, dawhcah loin umtu khuasak tehna, hornak tehna, thin ṭhat lo tehna le hakkauhnak tehna hi nan thah hrimhrim awk an si (hakkauhnak hi siasal biakning phun khat a si).

1TIMOTE 5:13

Inn khat hnu inn khat an vak lengmang i an caan kha pakpalawng men ah an hman. Cun cu nak hmanh in a ṭhalo chinmi cu, mi congoih kha an thiam i a kenkip ah khan an vaa sawh i chim awk a si lomi zong kha an chim lengmang.

HEBRU 13:4

Ṭhitumnak hi mi vialte nih kan hmaizah awk a si i nu le va hi zumh awk tlak an si veve awk a si. Nu le pa sualnak a tuahmi hna le va cungin pa aa duhmi hna cu Pathian nih an bia a ceih hna lai.

JEIM 3:10

Thangṭhatnak bia le chiatserhnak bia kha kan kaa pakhat chung cun an chuak. Ka u le ka nau hna, hitihin cun a si awk a si lo.

JOSHUA 7:15

Bawipa biakamnak cu a buar i Israel mi lakah ningzah awk a simi thil a tuah caah, pekchanhmi thil a rak lami cu, amah he a ngeihmi vialte he, mei in khangh a si lai,” tiah a ti.

1 PETER 2:9

Sihmanhsehlaw nannih cu thimmi miphun, Siangpahrang tlangbawi, miphun thiang, Pathian miphun hrimhrim nan si. Muihnak chungin amah ceunak chungah an kotu hna Pathian nih khuaruahharmi thil a tuahmi thanh awkah nannih cu an thimmi hna nan si.

BIACEIHTU 20:6

Cun ka nuchun cu ka lak i ka can i Israel comi ram chung dihlak ah khan ka kuat; zeitintiah Israel chungah fihnung le hawrnak kha an tuah.