GENESIS 34:30 - Lai (Hakha) Common Language Bible 2006

³⁰ Jakob nih Simeon le Levi cu, “Harnak chungah nan ka paih ai; atu cu hi ramchung mi vialte Kanaan mi hna le Periz mi hna nih an ka huat cang. Kei cu mi tampi a ngeimi ka si lo, cucaah cun hi hna vialte hi an i fonh dih i an ka tuk ahcun, keimah he ka innchungkhar dihlak he an kan hloh ko lai,” a ti.

GENESIS 34:30 ပူးပေါင်းရင်းမြစ်များ

GENESIS 12:12

Izipt mi nih an in hmuh tikah, Abram nupi a si, an ti lai i nangmah duh ah keimah kha an ka thah lai.

GENESIS 12:2

Tefa tampi kan pek lai i miphun nganpi ah an cang lai. Nangmah cu thluachuah kan pek lai i na min kan thanter lai, cucaah na min cu thluachuah peknak ah an hman lai.

GENESIS 12:6

Abram cu ram chungah cun aa chawk i Shekhem khua an hmunthiang, Moreh thing zarh an timi kha a va phan. (Cu lioah cun Kanaan mi kha cu ram chungah cun an um ko rih).

GENESIS 13:7

Cucaah Abram saṭil cawng hna le Lot saṭil cawng hna kha an i si lengmang. (Cu lioah cun Kanaan mi hna le Periz mi hna kha cu ram chungah cun an um ko rih).

GENESIS 34:2

Cuka ram bawi Shekhem, Hiv mi Hamor fapa nih khan a hmuh tikah a tlaih i a ihpi i a min a chiatter.

GENESIS 34:29

An chawva vialte kha an lak, nu le ngakchia pawl vialte kha an tlaih hna i inn chung i a ummi thil vialte kha an i kalpi dih.

GENESIS 34:31

Sihmanhsehlaw annih nih, “Kan farnu kha hlawhhlang bantukin tuah cu kan ing kho lo cu ta,” tiah an leh.

GENESIS 46:26

Jakob tefa Izipt ram i a kalmi kha a fapale nupi hna rel loin sawm ruk le paruk an si.

GENESIS 46:27

Izipt ram ah khan Josef nih fapa pahnih a hrin hna i Jakob innchungkhar mi dihlak Izipt ram i a kalmi cu sawm sarih an si.

2 SAMUEL 10:6

Ammon mi hna nih annih cu David huat kan phor cang ti kha an theih tikah, Ammon mi hna nih cun mi an hei thlah hna i Beth-rehob i Siria mi hna le Zobah i Siria mi hna, ke ralkap sang hnih le Maakah ram siangpahrang le a mi thong khat, cun Tobram mi sang khat le thong hnih kha an i ruaih hna.

2 SAMUEL 16:21

Ahithophel nih Absalom cu, “Innhngaktu ah a chiahmi na pa nupichun kha va luhhnawh hna; cun Israel mi vialte nih na pa caah rim chia ah naa ser cang ti kha an theih lai i nangmah sinah a ṭangmi vialte hna kut cu a ṭhawng lai,” tiah a ti.

1 SIANGPAHRANG 11:25

Solomon chan chung vialte amah cu Israel mi ral a si i Hadad nih a tuah bantuk khan hnahnawhnak a tuah ve; amah nih cun Israel mi cu a huat hna i Siria ram kha a uk.

1 SIANGPAHRANG 18:18

Cun anih nih a leh i, “Keimah nih Israel mi cu harnak ka pe hna lo, nangmah le na pa hrin nih pei nan pek hna tiah, zeicahtiah nannih nih Bawipa nawlbia kha nan hlawt hna i Baal kha nan zulh hna.

1 CHANRELNAK 16:12

A tuahmi khuaruahhar rian le khuaruahharnak a tuahmi hna le Biakhiahnak a chimmi hna cu philh hlah u,

1 CHANRELNAK 16:19

Mi tlawmte an si i santlailo le khi ram chungah mipem an si i

1 CHANRELNAK 19:6

Ammon mi hna nih annih cu David huat kan phor cang ti kha an theih tikah, Hanun le Ammon mi hna nih khan Mesopotamia le Aram-maakah le Zobah ram in rangleng hna le rangcung ralkap hna hlan awkah ngun talen thong khat an kuat hna.

1 CHANRELNAK 2:7

Zerah tefa Karmi fapa Akhan kha Israel hna a hnawhtu, pekchanhmi thil a buartu a si;

SALM 105:12

Pathian mi cu an rak tlawm i cu ram ah cun khual an rak si.

EXODUS 5:21

Moses le Aaron cu an thawh hna i, “Nan tuahmi hi Bawipa nih hmu ko seh. Faro le a bawi pawl kha nan kan huatter hna, cucaah dan in tat ko hna seh. Kanmah thahnak ah an kut ah vainam nan pek hna,” an ti hna.

PHUNGTHLÛKBIA 11:17

Zaangfah a thiammi na si tikah nangmah le nangmah ṭhatnak naa pek a si, cun na puar ahcun nangmah le nangmah harnak naa pe ko.

PHUNGTHLÛKBIA 11:29

Amah innchungkhar cungah harnak a tluntermi cu a donghnak ah cun zeihmanh a ngei lai lo, mihrut cu mifim hna sinum an si zungzal lai.

PHUNGTHLÛKBIA 15:27

A hak a kaumi nih a innchungkhar cungah harnak a tlunter, sihmanhsehlaw nawhthuh a duh lomi cu saupi a nung lai.

DEUTERONOMI 4:17

vawlei cung i a ummi zei bantuk saram paoh a lomi maw, van i a zuangmi thla ngei va a lomi maw,

DEUTERONOMI 4:27

Cun Bawipa nih miphun hna lakah an ṭhek hna lai i Bawipa nih an dawi hna naklai miphun hna lakah tlawmte lawng nan taang lai.

DEUTERONOMI 7:7

Nannih cu midang nakin nan tam deuh caah Bawipa nih a dawtnak cu nan cungah a chiah i an thim hna a si lo, zeicahtiah nannih cu miphun vialte lakah a tlawm bik nan si ko.

JOSHUA 7:25

Cun Joshua nih, “Zeicahdah kan cungah harnak na tlunter? Nihin ah Bawipa nih na cungah harnak a tlunter ve,” tiah a ti. Cun Israel mi vialte nih lung in an cheh; mei in an khangh hna i lung in an cheh hna.

1 SAMUEL 13:4

Cun Israel mi vialte nih khan, Saul nih Filistin ralveng ralkapbu kha a tei hna ti le Israel mi cu Filistin mi hna huat kan phor cang ti zong kha an theih. Cun mi hna cu Saul kha Gilgal i hei fonh awkah an auh hna.

1 SAMUEL 16:2

Cun Samuel nih, “Zeitindah ka kal khawh lai? Saul nih a theih ahcun, a ka thah lai,” tiah a ti. Cun Bawipa nih, “Cawla pakhat in i lak law, ‘Bawipa sin i raithawi awkah ka ra,’ tiah va ti.

1 SAMUEL 27:1

Cun David nih a lung chungin, “Ni khatkhat cu Saul kut hin ka thi te lai; Filistin mi hna ram i ka va zam nakin a ṭha deuhmi thil ka caah a um ti lo; khi tikah Saul cu Israel ram chung i keimah kawl kha a lung a dong lai i a kut chungin ka luat lai,” tiah a ti.

1 SAMUEL 27:12

Cun Akhish nih David cu a zumh i, “A mi Israel mi kha aa huatter cikcek cang hna caah ka sal a si zungzal lai,” tiin a ruah.