GENESIS 32:31 - Lai (Hakha) Common Language Bible 2006

³¹ ‘Jakob nih Peniel in a chuah ah ni zong a chuak ve, a khel ruangah cun a bei.

GENESIS 32:31 ပူးပေါင်းရင်းမြစ်များ

GENESIS 16:13

Hagar nih cun amah le amah kha, “A ka hmutu cu ka hmuh taktak ko maw?” tiah aa hal i cucaah Bawipa cu, “Nang cu mi a hmutu Pathian na si,” ti min in a auh.

GENESIS 19:15

Khua a hung dei tikah vancungmi nih khan Lot cu an hnawh i, “I hnawh tuah! Na nupi le na fanu pahnih kha i lak hna law chuak u. Cu ti nan chuah ahcun khua a rawh tikah nan thi lai lo,” an ti.

GENESIS 19:23

Ni a chuah ah khin Lot cu Zoar a phan ve;

GENESIS 32:25

Mipa nih cun ka tei kho ti lo ti kha a hmuh tikah Jakob cu a khel ah a thongh i an i paih lioah cun Jakob cu a khelruh a pelh.

GENESIS 32:32

Cu ruangah cun pei atu chan tiangin Israel tefa hna nih hin khelbo cung i a ummi tit an ei lonak hi a si cu; Jakob a thonghnak kha cu tit hlum ah cun a rak si.

1 SIANGPAHRANG 12:25

Cun Jeroboam nih Efraim tlangram ah Shekhem kha a sak i khika ah a um; cun khika in a chuak i Penuel kha a sak.

1 SIANGPAHRANG 18:26

Cun annih nih an pekmi hna cawtum cu an i lak i an can i Baal min cu zingka in chun tiang an auh i, “Maw Baal, kan let tuah!” tiah an ti. Sihmanhsehlaw zei aw hmanh a um lo i zeihmanh nih a let hna lo. Cun an sermi biakṭheng a velchum ah cun heh tiah an i hlok.

SALM 38:17

Ka tlu dengmang i ka nganfahnak nih hin a ka tlaih peng ko.

EXODUS 24:10

Israel mi Pathian kha an hmuh. A ke toiah khin safaiar lungvar dum an phahmi ṭuang bantuk a um i cu ṭuang cu van bantuk khin a ceu.

EXODUS 24:11

Israel mi hruaitu pawl kha harnak zeihmanh a pe hna lo; Pathian kha an hmuh i an ei i an ding.

ISAIAH 6:5

Cun kei nih kaa thawh i, “E law, mah hi ka si ko cang! Ka lo ko cang. Ka ka in a chuakmi bia hi bia sual lawngte an si i ka umnak mi zong hi bia sual le bia thur a hmangmi lawngte an si. Cun atu ah ka mit hrimhrim in Siangpahrang, Ralkapbu Bawipa cu ka hmuh,” ka ti.

MALAKHI 4:2

Sihmanhsehlaw ka min a ṭihzahmi nannih caah cun, dinnak ni, a thla ah damnak a hun i zuanpimi ni cu a hung chuak lai i kawm chungin chuahmi cawfano hna bantukin nan luat lai i nan i lawm lai.

2 KORIN 12:7

Sihmanhsehlaw ka hmuhmi thil khuaruahhar a tam ruangah porhlaw ruamkai in ka um sualnak hnga lo ka pum ah hin hling pakhat a ka chiah i cu hling Satan lamkaltu cu porhlaw in ka um sualnak hnga lo a ka dawntu dingah a hman.

2 KORIN 12:9

A ka lehnak cu, “Ka vel hi na caah a za ko, zeicahtiah ka ṭhawnnak cu derthawmnak ah hin a lang,” ti a si. Cucaah cun Khrih ṭhawnnak nih a ka huhphenh ti kha ka hngalh nakhnga, ka derthawmnak ah hin lunglawm tein kaa porhlaw cang.

DEUTERONOMI 5:24

cun nannih nih, ‘Zohhmanh, Bawipa kan Pathian nih a sunparnak le lianngannak kha a kan hmuhsak cang i a aw cu mei chungin kan theih cang; nihin ni ah hin Pathian nih minung he bia aa ruah nain minung nih a nun ko kha kan hmuh.

DEUTERONOMI 5:26

Zeitintiah mei chungin bia a chimmi, a nungmi Pathian aw cu kannih bangin a thei nain a nung komi ahodah titsa lakah a rak um?

BIACEIHTU 6:22

Khi tikah Gideon nih amah cu Bawipa vancungmi a si kha a hngalh; cun Gideon nih, “Aize, maw Bawipa Pathian! Atu cu Bawipa vancungmi cu hmaitonh in ka hmuh cang cu ta,” tiah a ti.

BIACEIHTU 6:23

Sihmanhsehlaw Bawipa nih cun a chawnh i, “Na cungah daihnak um ko seh; ṭih hlah, na thi lai lo,” tiah a ti.

BIACEIHTU 8:8

Cun khika in Penuel ah a hung kal i cu bantuk ṭhiamṭhiam in a hung chimh ve hna; cun Penuel mi hna nih cun Sukkoth mi hna nih an leh bang khan an rak leh ve.