GENESIS 32:28 - Lai (Hakha) Common Language Bible 2006

²⁸ Mipa nih cun, “Na min cu Jakob a si ti lai lo. Pathian zong na paih, minung zong na paih hna i na tei hna; cucaah na min cu Israel a si cang lai,” a ti.

GENESIS 32:28 ပူးပေါင်းရင်းမြစ်များ

GENESIS 17:15

Cun Pathian nih Abraham cu, “Na nupi cu Sarai tiah na ko ti lai lo, a min cu Sarah a si cang.

GENESIS 17:5

Na min kha Abram si ti loin Abraham a si cang lai. Zeicahtiah miphun tampi hringsortu ah kan ser cang.

GENESIS 25:31

Sihmanhsehlaw Jakob nih aa thawh i, “Fater na sinak kha na ka pek ahcun kan pek lai,” a ti.

GENESIS 31:24

Cu zan ah cun Aramean mi Laban sinah khan Pathian cu mang in a ra i, “Jakob sinah hronak bia na chim nakhnga lo i ralring,” a ti.

GENESIS 32:24

Amah lawng hnuah a tang. Cun mipa pakhat nih khuadei tiang a hung paih.

GENESIS 32:27

Mipa nih cun, “Na min ahodah a si?” tiah a hal i, “Jakob,” tiah a leh.

GENESIS 33:20

Cuka ah cun biakṭheng pakhat a ser i a min ah El, Elohe-Israel, a sak.

GENESIS 33:4

Esau tu nih cun a hun zuanhnawh i a kuh i a pom i a hnamh. An pahnih in an ṭap.

GENESIS 35:10

Pathian nih cun a thawh i, “Na min cu Jakob a si, sihmanhsehlaw atu ri hin cun na min cu Israel a si cang lai,” a ti. Cucaah Israel ti a si.

2 SAMUEL 12:25

profet Nathan sinin bia a cah; cucaah Bawipa ruangah cun a min ah Jedidiah sak a si.

1 SIANGPAHRANG 18:31

Bawipa bia a sinah a phan i, “Na min cu Israel a si lai,” tiah a timi Jakob i a fapa hna an phun zat khan Elijah nih lung hlei hnih aa lak i

2 SIANGPAHRANG 17:34

Nihin ni tiang hin hlan i an rak tuahning khan an tuah ko. Annih nih Bawipa kha an bia lo i Bawipa nih Israel tiah min a sakmi Jakob i a tefa hna sinah nawl a pekmi nawlbia si hna seh, phunglam si hna seh, phungbia siseh, phung siseh, an zul lo.

1 CHANRELNAK 1:34

Abraham cu Isak pa a si. Isak fapa hna cu: Esau le Israel.

PHUNGTHLÛKBIA 16:7

Mi cu a umtuning kha Bawipa duhning a si ahcun, a ral hna hmanh kha amah he i rem tein a umter hna.

ISAIAH 43:1

Israel, nangmah an sertu Bawipa nih hitihin a ti: “Na thinphang hlah, kan huhphenh lai. Nangmah cu na min in kan auh, keimah ta na si.

ISAIAH 65:15

Ka thimmi ka mi hna nih cun nan min cu chiatserhnak ah an hman lai. Bawipa nih kan thah hna lai. Sihmanhsehlaw ka nawl a zulmi cu min thar ka pek hna lai.

NAMBAR 13:16

Mah hihi Moses nih ram va ngiatthlai awk i a thlahmi hna min cu an si. Nun fapa Hoshea cu Moses nih Joshua tiah min a sak.

JOHAN 1:42

Cun Simon cu Jesuh sinah khan a kalpi. Jesuh nih cun a rak zoh i, “Nangmah cu Johan Fapa Simon na si. Na min cu Sefas a si cang lai,” tiah a ti. (Sefas ti cu Peter ti he khan aa khat i a sullam cu “lungpi” tinak a si).

BIAPHUAN 2:17

“Hna nan ngeih ahcun Thlarau nih Khrihfabu sinah a chimmi bia cu ngai tuah u. “Teitu a simi hna cu thuhmi manna changreu kha tlawmpal in ka pek hna lai. Cun lung rang zong pakhat cio in ka pek hna lai i cu lung cungah cun a cotu cio lawng nih a sullam an hngalhmi min thar kha an i ṭial cio,” tiah a ti.

1 SAMUEL 26:25

Cun Saul nih David sinah khan, “Ka fapa David, nangmah cu thluachuahnak hmu ko! Thil tampi na tuah lai i cu thil hna ah cun na hlawh a tling lai,” tiah a ti. Cucaah David cu amah lam ah khan a kal i Saul cu amah hmun leiah khan a kir ṭhan.