GENESIS 32:26 - Lai (Hakha) Common Language Bible 2006

²⁶ Mipa nih cun, “Ka thlah, khua a dei deng cang,” a ti. Sihmanhsehlaw Jakob nih cun, “Thluachuahnak na ka pek lo ahcun kan thlah bal lai lo,” tiah a leh.

GENESIS 32:26 ပူးပေါင်းရင်းမြစ်များ

GENESIS 32:25

Mipa nih cun ka tei kho ti lo ti kha a hmuh tikah Jakob cu a khel ah a thongh i an i paih lioah cun Jakob cu a khelruh a pelh.

GENESIS 32:27

Mipa nih cun, “Na min ahodah a si?” tiah a hal i, “Jakob,” tiah a leh.

1 CHANRELNAK 4:10

Jabez nih cun Israel Pathian cu a auh i, “Nangmah nih thluachuahnak ka pe law ka ramri kauhter law na kut cu ka sinah um seh law keimah cu harnak nih a ka tlunh nakhnga lo harnak chungin ka huppheng ko sawh,” tiah a ti. Cun Pathian nih a halmi kha a pek.

SALM 67:1

Maw Pathian, vawleicung mi vialte nih na duhnak kha an hngalh i

EXODUS 32:10

Atu cu na ka onh ahcun, ka thinhunnak a alh in a alhmi in ka hrawh dih hna lai. Cun nangmah le na tefa cu miphun ngan ah kan ser hna lai,” a ti.

SOLOMON HLA 3:4

Cu hna sin cun tlawm ka liam hnuah, Tong ai ing ee ka tum valpa cu. Zaṭial tlaih in sunghno ka nu sakhnem run toiah, Luhpi lang ṭian ti loin, Semnak ka nu sakhnem run inn dal chungah khin.

SOLOMON HLA 7:5

Na lu nih cun Karmel tlang bangin cuang ai kaw, Na lu cung um na sawm-ai samthlai tiang zong nih sendung te bang ti ai hna, Mangbawi lung tiang hreng ai ci.

ISAIAH 45:11

Bawipa, Israel Pathian thiang, hmailei thil um ding a sersiamtu nih, “Ka fale kong ah zeihmanh bia na ka hal awk a si lo; cun khakha na ti awk a si, khakha na tuah awk a si, ti zongah na ka chimh awk a si lo.

ISAIAH 64:7

Ahohmanh nih thlacam in nangmah lei kan hoih lo, ahohmanh nih bawmhnak hal in kan in fuh lo. Kan sinin naa thup i kan sual ruangah na kan kaltak cang.

HOSEA 12:4

Vancungmi he khan an i pai i a tei. Jakob cu a ṭap i thluachuahnak ka pe tiah a hal. Khi tikah Pathian cu Jakob sinah cun Bethel ah khan a ra i amah he cun an i chawn.

ROM 8:37

Zeihmanh nih an kan ṭhen kho lai lo, hi thil vialte hna chung hin a kan dawtu thawngin kannih cu teitu hna nakin teitu kan si deuh.

1 KORIN 15:58

Cucaah ka u le ka nau hna, fek tein dir u law zeihmanh nih in ṭhial kho hna hlah seh. Bawipa rian teimak tein nan ṭuannak ah cun i manh lo ngaiin um zungzal ko u, Bawipa rian nan ṭuanmi cu alak a si bal lo ti kha nan hngalh.

DEUTERONOMI 9:14

ka dawn hlah, annih cu hrawk hna ning law, an min cu vanrang tang dihlak in hlo ko hna ning; cun annih nakin a ṭhawng deuh le a ngan deuhmi miphun ah nangmah cu in ser ko ning,’ tiah a ti.

HEBRU 5:7

Vawlei cung a um lioah, Jesuh nih thihnak in a khamh khotu Pathian sinah aihramnak le mitthli he thlacamnak le nawlnak kha a tuah. Amah cu a lung a nemmi le Pathian sinah aa pemi a si caah Pathian nih a theih.