GENESIS 32:20 - Lai (Hakha) Common Language Bible 2006

²⁰ ‘Asi, na sal Jakob cu kan hnute ah hin a ra lio ve ko,’ nan ti lai,” a ti hna. Jakob nih cun, “Ka hmai i ka rak kalter chungmi laksawng nih hin a thin a damter lai i keimah i ka ton tikah cun a ngaihthiam zong maw a ka ngaihthiam khawh,” tiah a ruah.

GENESIS 32:20 ပူးပေါင်းရင်းမြစ်များ

GENESIS 32:19

Pahnihnak pa le pathumnak pa le saṭil a ṭhitu vialte kha aa khat cio ah a chimh hna i, “Esau cu nan ton tikah hitihin nan ti lai:

GENESIS 32:21

Laksawng cu an rak kalpi chung i anih cu cuka an riahnak hmun ah cun cu zan cu a rung riak.

GENESIS 43:11

An pa Israel nih cun, “Cu ti bantukin a si awk a si ahcun, hitihin tuah u: hi ram chung thil chuak ṭha bikbik kha i phorh hna u, mitsur thei car tlawmpal, khuaihliti tlawmpal, hangṭamh, hru thei le almon thei, hi hna hi nan sawngkhoi chungah i sanh hna u law mipa cu laksawng ah vung phorh u.

1 SIANGPAHRANG 20:31

Cun a sinum hna nih amah cu an thawh i, “Zohhmanh, Israel chungkhar siangpahrang hna cu zaangfah thiammi siangpahrang an si tiah kan theih; cucaah kan tai ah puanchia i venh in kan lu ah hrihrual i ngerh u si law, Israel siangpahrang sinah cun va kal hnik u sih; na nunnak a hei in zuah ko hnga dah kaw,” tiah an ti.

PHUNGTHLÛKBIA 15:18

Thintawi nih siknak a chuahter, sihmanhsehlaw lungsaunak nih rem lonak a damter.

PHUNGTHLÛKBIA 16:14

Mifim nih cun siangpahrang cu a lung lawmhter aa zuam, siangpahrang cu a thin a hun ahcun pakhatkhat thah an si sual lai.

PHUNGTHLÛKBIA 18:16

Laksawng nih laksawng petu caah khan lam a hun i mingan hna sinah khan a phakpi.

PHUNGTHLÛKBIA 21:14

A thli tein pekmi laksawng nih thinhunnak kha a damter, puan tangin pekmi nawhthuh nih thinlinhnak ṭhawngpi kha a daihter.

PHUNGTHLÛKBIA 6:35

Chamnak cu an i cohlanpiak duh lai lo i Laksawng tampi i pek hmanh ah an thin a dam hlei lai lo.

JONAH 3:9

Pathian cu aa ngaihchih ko hnga dahkaw, a thin kha a dam ko hnga dahkaw; cu ti a si ahcun kannih cu thi loin kan um ko hnga,” a ti.

2TIMOTE 2:25

amah a dohtu hna a chimhhrin tik hna i nem tein a chimhringmi a si awk a si. Annih cu Pathian nih an lung a thlen khawh ko hna i biatak kha a hngalhter ṭhan khawh ko hna.

1 SAMUEL 6:5

Cucaah nan bonak mui le nan ram a hrawktu nan zu hna mui cu nan ser lai i Israel Pathian cu sunparnak nan pek lai; nanmah le nan khuazing hna le nan ram cungin a kut cu a hei zanter hmanh maw.